عندما يتغير عليك أعز الناس 2024.

بالنسبه للموضوع::

/عندما يتغير عليك أعز الناس/

موقـف صــعب جـــداًً جــداًً و اتمنى محد يمر فيه (الا للضرووره) قصدي يعني يمكن انا اكون مقصره فلازم امر فالمرحله هاي(للأسف) عشان اتنبه للاشياء الي انا ممكن اكون غافله عنها و مقصره فحق هالانسان العزيز…

أما اجوبـتي ع التـساؤلات::

مـــاذا ســـتكون ردة فعــلك اتــجاه..؟
طبعا بكون مــصدووووومه وايد و بزعل و بتضايج وايييييد،لانه كما ذكرتي (“انســــان عـــزيز علـــيك”

وحـــالي لايــصبح أفضـــل إلا بـلقــياه..و ســماع صــوته كـــل يــوم.. )) <<كيف بقدر اصبر عن شخص مثل هاذا(( شي مستحيل اني بقدر ))…

هـــل تحــاول معــرفة السبــب..؟
شي أكييــــد اني ما بحاول بس ((الا)) بـصر اني اعرف السبب عشان اقدر اصلح الي انا غلطت فيه او هالشخص يظن اني غلطت فيه!!

أو تنســـاه ولاتــهتم بــه..؟؟
اذا سويت هالـشي ما بكون انسانه مخلصه و لا اعرف معنى كلمه ( شخص او انسان عــــزيـــز) او بالاحرى ما احس فيه،طبعا بهتم و مستحيل انسى لو بغى هالشخص ينسيني بتم احاول اعرف سبب الانقلاب و ان شاء الله احاول احله بعد…

ومـــاذا ســتفعـــل..؟؟
ذكرت و عدت فالاسئله الي قبل شو بسوي
و بعيد و ازيد بعد بتم احن لين اعرف السبب و احاول احله و نرد شرات قبل و احسن (شخص عزيز فقلب اعز و ما يظهر منه ابد)

وهــــل مررت بهـــذه الـــتجربــه؟؟
هيه للأسف مريت فيها و الحمدالله عدت ع خير و ان شاء الله محد يمر فيه (بس مثل ما قلت الا للضرووووره)

و الله يبعدنا ع الفرقا و التغيير ع الناس الي نحبهم و نعزهم و يجمعنا دوم يا رب

اتمنى اني اكون شرحت وجهه نظري بطريقه مفهومه و وصلت للكل
و اتمنى بعد اعرف راي الاعضاء الباجين فالموضوع و فردي بعد <<عشان نسوي جو شوي ههههه

وكل الشكر لراعيه الموضوع
و السموحه ع الاطاله