في وداعة الرحمن يا فلان … يا نور هالدنيا وضياها
أرجو العذر لو كنت غلطان … يا روح روحي يا مناها
أهواك لو تنسد بيبان … يا بلسم جروحي و دواها
ارحم وليع بات سهران … روحه الشقية لك عطاها
ذقت العذاب أصناف و ألوان … والعين ما وقف بكاها
وتصلاني في اليوف نيران … و كل يوم يتزايد لظاها
خليتني في هم واحزان … كالام لي تفقد ظناها
شرع الوفا راسخ وعنوان … ودونك حياتي ما اباها
يا وردة في روض بستان … اموت من لفحة شذاها
نورك شرات البدر لي بان … وشمس كون في ضحاها
حافظ على هاذيج الاعيان … ما ريت في العالم شراها
ولا الثنايا حب رمان … و الشهد ممزوج بلماها
شيدت لك في القلب بنيان … و قصور ما حد وطاها
لنك غناتي وفيك هيمان … يا راحة الروح وعناها
انا أشهد أن الحب سلطان … وحبك ملك روحي وسباها
يحفظك ربي طول الازمان … يا من جتل روحي وحياها
أختكم: بنــــ البدوـــــت
ولاتحرمينا يديدج
مراقبكم المميز
وحداوي بالقو
يحفظك ربي طول الازمان … يا من جتل روحي وحياها
يسلموووووووووووووووووووووووووووووووووو على قصيده اكثر من رووووووووووووووووووووووووووووووووووووووووووووووووو وعه
بس حزينة 🙁
لكن أحب أسمعها وايد..