قرب موسم الاعراس ويله يا حريم شدوا حيلكم
الي ما فصلت نروح تفصل بس عاد عن تغلبها فلانه وتفصل فستان عند مصمم واهي تروح عند خياط عادي
واذا فصلته بالفين ………………… روحي وفصليه باربع
واذا لبست عقد ذهب ……………….لبسي عقد الماس
واذا راحت صالون عادي …………….روحي صالون على مستوى ولا خلي خبيرة التجميل اتي البيت احسن
بس راتب الريال كم بيركض على مير البيت ولا على فواتير الجهرب والتيلفونات ومصروف لعيال ولا برستيج المدام
واذا الزوج ما عنده بيزات ………………………هب مشكله باب السلفيات مفتوح
واذا الريال رمس وقال ما عندي ………………………..قوليله يوم انته هب قد الزواج ومصاريفه ليش تزوج بنات الناس
واخيرا لا تنسون تطلعون العقد زين في العرس وتمشون في الصاله عشان المدعوات يشفون الفستان
وما اوصيكن الخقه لا تنسوها وين فصلتن وين اشتريتن وبكم وللي مش بنفس المستوى لا تعطونها سالفه
…………………
هذي مقدمه لموضوع حبيت اطرحه اليوم لكم ..
ليش الإسراف المبالغ فيه بالأعراس ..؟؟
وهل عادت المظاهر من الأولويات من الشياء المهمه لدى اغلبيه الناس ؟؟؟
الموضوع بايديكم .. وحبيت اعرف ارائكم …
لا تحرموونا من مشاركاتكم …
الوتر 😀
بس جنج قالبة علينا
خليني أرجع من الأمتحان يصير خير
مشكووورة اختي الوتر على هالموضووع الحلووو…:eek:
أنا باتكلم عن نفسي…
الواقع ووقتنا الحين يفرض هالشي.. كل شي حولينا جي.. كل شي غلاا وصار غالي..
مب زبرة ولا خقة على قولتكم.. بس الحين اي مصمم يقول لج قص بس من غير اي موديل.. 2000 ريال… واحسبي القطعة واذا الفستان في موديل وحركات.. بالراااحة بيصك ال4 وال5… واكثر طبعاا..
وطبعا احنا النسوان فينا طبع مانحب نكون اقل من غيرنا..
بس انا هالشي مايهمني واايد.. بس طبعا ابي البس شي حلوو حق نفسي…:cool:
الحين انا ورااي عرسين.. وحدة من الاهل.. وووحدة من ربعي.. يعني فستانين..
وبعدي ماقررت.. اشتري جاهز او افصل…
بس بالغالب باشتري جاهز اسهل واسرع وتكونين واثقة من الموديل…
مب الخييايييط والمصممين … الروحات والييات وعقب تقعدين تحاتين الشكل النهائي..:o
وانا مااحب الطلعات الزاايدة:eek:
يعني ادفع 2 او 3 او حتى 4 في جاهز وااثقة منه… مب 4 او 5 في شي مب عارفه اش راح يطلع اخر شي…
واحنا فقطر نروح الغالب للخبر.. لانه هناك موديلاتهم ارقى واسعارهم احلى…
يعني اللي ب3 في السعودية… يساوي اللي بتحصلينه فقطر ب5 و6.. وحتى احلى بعد…
عارفه انه هالشي غلط.. بس والله مب بيدنا..
لا راح تحصلين جاهز باسعار مناسبة… ولا راح تحصلين قطع باسعار حلوة.. ولا راح تحصلين خياط او مصمم يسووي لج باسعار مناسبة بعد..
يعني هالشي مفروض علينا… وطبعا في نوعية اتدوور الغالي… عشانه غالي…
انا ماااعندي هالعقد.. انا اهم شي يكون شكله حلو وقطعته حلوة ومن الزين…
مب القطع النوعية المش اوكيه..
بس فالنهاية حابه اقول لج…
انا الصراحة لو ماكنت انا اللي ادفع جان استحيت على ويهي ودبرت عمري باشيا غير..:cool:
اقصد انا من كنت صغيرة ماااحب أكلف على اي انسان..
والله اتضااايق… يعني طبع فيني…
فديته ابوي مب مقصر معانا… بس والله ماااحب اخلي حد يكلف على عمره عشاني حتى لو بشي بسيط…
انا استغرب من النسوان اللي يطلبون من رياييلهم بهالطريقة..
يعني يااااا ويه استح…
بدل لتخفيفين عليه وتكووني دووبرية (( اتدبرين عمرج وتعرفين شلون تصرفين)) اتزيدين عليه المصاريف؟؟…
المرة العاقلة تعرف شلون تصرف صح.. بس لاحظت انه اغلب اللي جي هم النسوان اللي فالبيوت.. اقصد اللي ماتشتغل ماتحس بقيمة الشي لانها ماتعبت عليه فلين فسفست الفلوس.. ماتهتم لانه مش تعبها…:eek:
والسموحة عالاطالة… كتب لكم قصة:eek: كالعادة….
زبدة الكلام..
حياة غالية.. خلت كل شي غالي.. واضطرتنا لاشيا مب مقتنعين فيها..
بس مجبورين عليها..
والله يعطيج العااافية..
والله لايحرمنا من مووااضيعج الحلوة..
اشكرج ختيه الوتر الحسااس ع الموضوع الرائع…
وكل اللي قلتوه واااقع ف حياتناا..
وصدقتوو كل شي غلــى هالايام..
😮 فســـتان يوصل سعره 6000او 5000 !!!!!!!
لااا الله ولاااا رسوله يرضون بــ هالاسراف..
صح كلناا نحب نلبس ونكشخ بس بحدود..
لاااااا والقهـــر انه هالفستنان الي يوصل سعره 6000 >> بس حق ليله وحده:eek:
وانااا هالشي متأكده منه
ويوم بيستوي عرس غيره ترد تفصل بنفس السعر وحق ليله وحده..
>>> نحن وين عايشين>>
امااا بالنسبالي :::
اناااا من النوع اللي احب اللبس ف الاعراس والمناسبات اشياء خفييييييييفه وهاديه مش دفشه
حتى اكسسواراتي نفس الشي ماحبهم دفشه … اخذ اللي يناسب عمري..
واناااا دوم اخذ فساتين جاهزه وباسعار ترضي اليميع..
يعطيج العافيه الغاليه ع الموضوع..
واسمحيلي ع الاطاله..
وربي يحفظج..
في امان الله:)
بالمختصر المفيد ..
انا اسمي هذا اليوم يوم لاينسى من عمر الانسان …
فخليه يسوي الي يباه .. يستانس .. عشان وهو يالس مع حرمته يتذكرون اليوم هذا وكيف كان الوضع ..
ويقولن لو ماسوينا كل هذا زين الحينه مديونين وبنتم ندفع عشرين سنه .. لوول
في امان الله
الموضوع يخصنا بالدرجه الإولى
اتريا تعليقج بعد الامتحانات
الله يحفظج
افا عليج .. لا طولتي علينا .. رايج يهمنا ..
استمتعت بردج واايد ..
للأسف اللي صاير عندكم صاير عندنا نحن …
فستان واحد .. ينعق عليه 5 او اكثر .. حق ويشوو ..؟؟؟؟
انا وياج انه كل شي غادي نار وغالي ..
بس بعد الحريم ع قولتج اللي قاعدين في البيت يدارون ع راتب ازواجهم ..
ورده جوري …
حضورج اسعدني
ودمتي بود
هلا بها الطله الحلوه ……….
الاسراف بالعرس ياريت يقتصر ع الفساتين وبس ..
هناكي في شغلات ثانيه ناس تلتهي فيها وتحب تسوي منها مظاهر ..
مس بريستيج ..
احييج ع ما تختارينه وياريت كل البنات شرااتج
ودمتي بخير
أنا ماقلت بجاوب بعد الأمتحانات أنا كنت رادة
عالموضوع الصبح قبل لا أسير المدرسة برد اليوم
المهم مثل ماقال فليت هذا يوم في العمر مايتعوض
يعني يستاهل كل هالمصاريف ومو من مشاكلنا إنه بيحط
على عمره ديون كان بإمكانة يجمع بيزاتة لعب بفلوسة واللحين قام يسلف:confused:
كيفة نحن من حقنا نكون الأرقى والأحلا ونكشخ في الأعراس
ومن حنا يصرف علينا ولا شو رايكم :1032:
اشحلاه اختصارك …
مفيد جدااااااا……….
فليت انا وياك انه العرووس خليه تسوي اللي تبااه ..
اليوم يومها ..
المشكله انه غير خواتها واهلها هم اللي بيخسرون..
الا قوول تنافس من بينهم ع الكشخه …
دكتوووور
نورتنا