قصة حب اماراتيه؟؟؟ 2024.

هاي القصه عن بنت اسمها نوره ……. نوره بنت و لا كل البنات حلوه جمييله قمر و كل المواصفات الزينه فيها
نوره تبلغ من العمر 15 و هي في الصف الاول ثانوي نوره مثل كل البنات تدخل النت و المنتديات و المسنجر
و حياتها طبيعيه مثل كل خواتها بس نوره كانت مختلفه بشكلها و طريقتها و تعاملها لاو ما كانت خاليه من
المشاكل كانو الاولاد يحطون عينهم عليها و الصراحه بهدلولها حياتها كانت اول سالفه صارتلها ويا ربيع اخوها
اسمه خالد … خالد عمره 24 سنه و نوره 15 فرق كبير من بينهم بس مثل ما يقول خالد الحب ما يعرف اعمار
خالد كان يحب نوره كان متيم بنوره كان يعشقها بس كيف !!! هو ربيع اخوها ؟؟؟ خالد كان يبغي يرمس نوره
بس في نفس الوقت ما يقدر يخون ربيعه عشرت عمر من بينهم … شو سوا خالد .. نوره ما كانت تدري ان خالد
يحبها … بس كانت ربيعت نوره هي اخت خالد !!! و خالد ما كان يدري ان اخته ربيعت نوره .. فشو سوا ؟؟!!
الحينه يقدر ييب رقم نوره و ايميلها وكل شي عنها … بس شو يسوي يخون ربيعه و لا يمشي ع الي يقوله
قلبه ؟!!! فطبعا اي واحد من الاولاد بتيه فرصه نفس هاي بيستغلها … و فعلا خالد استغل الموقف ان اخته
ربيعت نوره و قال حق اخته عطيني ايميل نوره … بس كيف نوره مب مال هاي السوالف نوره ما ترمس شباب
المهم خالد خذا ايميل نوره و دخل الايميل و ها الحوار الي صار من بينهم

نوره : منو ويايه ؟؟؟؟ انت منو ؟؟؟

خالد : هلا و غلا فديت الي يرمس انا

نوره : عن قله الادب و قولي منو انته ؟؟؟ اقولك اذا ما تبا تقول احسن لا تقول و لو تكرمت سولي بلوك ودليت

خالد : افا افا افا جيه تقولين حق حبيبج

نوره : بلا هاي الحركات

خالد : حبيبتي انا من 3 سنوات احاوط شرات الخبله ادور ايميلج رقمج اي شي يوصلني حقج

نوره ( خافت طبعا منو ها وليش يدور ايميلها ) ها انت منو وشو تقول

خالد : حبيبتي انا بقولج منو انا بس بشرط

نوره : انزين خلصني قول شو عندك

خالد: انج ما تسويلي بلوك

نوره : بس عاد بتقول ولا

خالد: انزين حبيبتي بس لا تعصبين >>> انا خالد ربيع اخوج

نوره : ها منو شو تقول انته خالد

خالد : هي نعم انا خالد

نوره: و الله اني منصدمه فيك

خالد: حبيبتي لا تخافين انا ما بخبر اخوج بيتم السر من بيني و بينج محد بيعرف و عقب بيي و بخطبج

نوره : انته شو تقول انا ما ارمس عن ان اخويه يعرف لا انا منصدمه منك كيف تخون ربيعك

خالد : حبيبتي ما يسمونها خيانه

نوره: عيل شو يسمونها ها !!

خالد : حبيبتي انا ما خنت ربيعي انا بس ابغيله الخير عسب جيه رمستج

نوره : انته انسان معقد

خالد : كل شي يطلع منج حلو !! لو انج تشتميني

نوره اففف يلا باي

خالد : افا ليش

نوره : بس انا ما ارمس شباب

خالد : حبيبتي عادي بتتعودين

نوره : بس يلا بااي

و بندت نوره عن خالد و في اليوم الثاني سارت نوره المدرسه عند ربيعتها (( الي هي اخت خالد )) و قالتلها
انتي ما تستحين ع ويهج تعطين اخوج ايميلي و ردت عليها هاييج و قالت : ليش عادي شو فيها يعني انتي ما
ترمسين شباب >> نوره عصبت و قالتلها حبيبتي شوفي انتي و اخوج انا من يومي و انا ما ارمس شباب يعني
على آخر شي ايي اخوج و يقنعني اني ارمسه لا فديتج لا اخوج و لا عشره من اشكاله يرومون يخربوني فهمتي
و سيري قولي حق اخوج هاي الرمسه ……

و طبعا تم خالد يلاحق نوره من مكان لمكان وين ما تروح ورااها و نوره خافت على عمرها و سارت وخبرت
ابوها و ابو نوره راح و اتصل حق خالد و رمسها اشوي و نازعاه اشوي …. و عقب ابو نوره قال حق نوره
خلاص اطمني ما بيي صوبج مره ثانيه …. و خالد الين الحينه و هو يلاحق نوره …….

هاي اول مصيبه استوت لنوره بس شي مصيبه ثانيه و هم >>>>(( رفاق السووء )) نوره عندها وايد رباعه
و الي وااايد وياهم (( شلتها )) تتكون من >>> 1_حصه و هاي تؤام روح نوره و هاي اكثر وحده ويا نوره
2_ مريم و هاي بعد ربيعت نوره و وااااااايد وياها 3_ نها و هاي بعد ربيعتها و بعد واايد وياها 4_ عاشه 5_حمده و هاييله ربيعات نوره و 24 ساعه وياها

مم عاشه الي في شله نوره كانت عندها ربيعه اسمها مهره بس اتظاربت وياها لييش !!؟؟؟ محد يدري
و كانت مهره وااااااااااااااااااااايد ويا عاشه و عقب ما اتظاربو مهره سارت مدرسه ثانيه المهم
و عاشه تمت بروحها صح عاشه في شلتنا بس مب دوم ويانا كانت هي ويا مهره بروحهم
و عقب ما اتظاربت ويا مهره و يا منو تسيير ؟؟!!! عاشه لصقت في نوره لان نوره عادي عندها تصادق اي حد
و تمت عاشه ويا نوره سنتين ويا بعظ .. نوره ما تعرف عاشه عدل ما تعرف خيرها من شرها بس كانت تشوفها
انها بنت زينه وطيبه و محترمه …. عقب فتره من الوقت نوره كانت في اليت و عدالها التيلفون … ترن ..ترن..
…ترن ….ترن >>>> التيلفون يرن …… ردت نوره ع التيلفون الو منو …!!!؟؟؟؟ الصوت غريب هاي مب
ربيعت نوره نوره قالت منو انتي و منو تبين قالت الي في التيلفوون انا عنود و ابا نوره………. نوره قالت نعم
انا نوره خير بغيتي شي … عنود قالت حق نوره : اقولج نوره انتي البارحه كنتيموصله عاشه بيتهم ؟؟؟
نوره استغربت ؟؟!! شو السالفه … جان تقول نوره حق عنود لا انا ما وصلتها بس ليش تسألين ؟؟؟!!!!!
قالت عنود شوفي نوره الصراحه يبين انج بنت زينه و طيبه و عاقله و الصراحه استغربت ان عاشه ربيعتج
ردت نوره على عنود و قالت ليش شو بلاها عاشه جان تقول عنود بقولج الصراحه عاشه ترمس شباب و تظهر
وياهم و يوم تقوللها امها منو موصلنج تقوللها نوره و عاشه عندها مبايل من ورا اهلها يعني اهلها ما يدرون
نوره تمت ساااكته و ما ردت >> من الصدمه و كملت عنود و قالت شوفي الصراحه عاشه خايسه و ترمس شباب
و عاشه من طبعها اذا رابعت حد لازم يكون مثلها و هي تراها ناويه علييج >>> نوره تمت في صدمه مب
مصدقه شو تقول هاي بس فعلا كانت عنود تقول الصدق لان عاشه كانت مطرشه حق نوره شباب يلاحقونها وين
ماتسير بس كييف عنود عرفت ؟؟؟؟ الولد الي عاشه مطرشتنه هو ولد عم عنوود و هو قاللها اسألي عن هاي
البنت >>> الي هي نوره >>> و اصلا عنود ما تحب ولد عمها لانه لعاب يقص ع البنات فقالت احسلي
اسير اخبر البنت و اتلاحقها قبل لا يسوون فيها شي …. و كان الولد يتصل في نوره و مبهدل حياتها و كان اي
مكان تسيره يلاحقها … كانت عاشه تقوله ترا نوره بتسير المكان هذا …