يبتلكم قصـة الصرـآحة عـيبتني وـآيد
وان شآآء الله تآخذون العبره لو شوي منهآآ
رن جرس الموبايل للمرة الخامسة وردت عليه الخطيبة:
ـالــخــطــيب:
أعتقد أنا انسان مو ***** تطنشيني وماتردين على تيليفوناتي.!!
ـالــخطيــبة:
رد السلام في الاول وبعدين نتفاهم.
ـالــخــطــيب:
شو راح يكون عذرج يعني بتقولين كنت نايمة ولا قاعدة مع أمي وخواتي.
ـالــخطيــبة:
الله يسامحك تتهمني قبل ما تسمع مني.
ـالــخــطــيب:
بصراحة الأمر واضح بدون ماتوضحين..ليش ماتردين على تيليفوناتي اكيد كنتي مشغولة مع غيري ما كنت فاضية لي؟
ـالــخطيــبة:
بصراحه فعلا كنت مشغولة مع غيرك.
ـالــخــطــيب:
منو هذا اللي ماخذ عقلج وكل تفكيرج لدرجة ما خلاج تردين على تيليفوناتي؟
ـالــخطيــبة:
بصراحه يوم أكون معاه أنسى الدنيا وما فيها فلازم ياعزيزي تعذرني.
ـالــخــطــيب:
وبكل وقاحة تقولين هذا الكلام جدامي وحنا بعدنا مخطوبيين فلو تزوجنا شو كنتي بتسوين؟
ـالــخطيــبة:
الله يسامحك ما في داعي للغلط مادمت انا ما غلطت عليك.
ـالــخــطــيب:
كل هذا وما غلطتي..تطنشين تيليفوناتي وماتردين علي 4اتصالات طول اليوم ويوم رديتي الحين تقولين يوم أكون معاه أنسى الدنيا وما فيها كل هذا وما غلطتي؟
ـالــخطيــبة:
هذا ماحصل فعلا كنت مشغولة معاه وما قدرت ارد على تيليفوناتك.
ـالــخــطــيب:
الظاهر ما راح نقدر نكمل هذي العلاقة فخليج مع اللي كنت مشغولة معاه واللي فضلتيه علي.
ـالــخطيــبة:
جزاك الله خير هذا أحسن شي سويته.
ـالــخــطــيب باستغراب:
ليش انتي فرحانة لفصخ الخطوبة ومنو هذا اللي ضحيتي فيني علشانه؟
ـالــخطيــبة:
أنا فرحانة لان اتصالاتك الأربعه اليوم كشفت لي شيء خطير يبعدني عنك ويخليني أصمم على فصخ الخطوبة.
ـالــخــطــيب باستغراب:
ممكن تفهميني أكثر.
ـالــخطيــبة:
انت اتصلت فيني اليوم الساعة 11و45دقيقة ظهرا والساعة3و45 عصرا والساعة 6و30 المغرب والساعة 8مساء وهذا هو اتصالك الخامس اللي تكلمني فيه
ـالــخــطــيب:
شيء عجيب انج تتذكرين حتى ساعة الاتصال بكل دقة.
ـالــخطيــبة:
أتذكرها لأنها الأوقات اللي أكون فيها مشغولة مع الي أحب واللي أنسى كل شيء من أجله وبذات يوم أكون معاه في هذي الأوقات..وأنا الأن فرحانةلأني اكتشفت انك مشغول عن من هوأحق بانشغالك به،تحب تعرف أنا مع من كنت؟
ـالــخــطــيب:
منو معاه؟
ـالــخطيــبة:
كنت مع الله،لأنك كنت تتصل فيني في اوقات الصلاة الوقت اللي أكون فيها منقطعة عن الدنيا وما فيها،وأنا ماأقدار أرتبط في انسان لاتربطه صلة بالله.
أغلقت الخطيبة التيليفون بوجه خطيبها بعد أن قررت الابتعاد عنه
جـآن قالت له من البدآية قبل لا تنهـِيْ بدآية طويله — > متفاعله خخ
سبحان الله ! ! يعطيها العافيه هل الخطيبه عيبتني ^ ^
شكرآ لج اختي
ماشاء الله هالخطيب ما يحصل وقت يتصل فيها الا حزت الصلاه .. صدق انه ابليس
وزين يوم ردت عليه بـ هالرد .. وان شاء الله عاد هو يعيد حساباته ويرجع لربه ..
تسلمين عزيزتي على هالموضوع القيم .. وربي يعطيج العافيه الغاليه ^^
|
هههه اشوفج ما شا الله متفاعله من خاطرج ^^
العفوو حبوبه ,, وتسلمين على هالرد الغاوي ,,
ويامرحبابج ,,
|
هاي عمايل ابليس ,,
وربي يسلمج الشيخه ,, وتسلمين على هالطله الحلوه ,,
ويامرحبابج ..
هالحرمه السنعه ..,‘’
يسلمو ع الموضوع ..,‘
|
مرحبآآ السآآآع
تسلمين ريماني ع المرور
ويعطيج العافيه
ويامرحبابج
يعطيج العافية
|
مرحبآآآ السآآآع ,,
الله يعافيج الشيخه ^^ ,,
وتسلمين على هالرد الغاوي ,,
ويامرحبابج ,,
’،
،’
بسم الله الرحمن الرحيم ..
السلام عليكم ورحمة الله وبركاته ..!
سبحان الله .. قصه مؤثره ونعتبر منها ..
البنت ملتزمه واهوا عكسهاا تمااامااا ..!
يعني صدق مالقى الا حزة الصلاة يتصل بهاا ..
ولا بعد يشك فيهاا ، >~ شو هالخطيب بعد =) ..!
الله لا يبلينا بهيك امثال ~> ويرزق كل وحده بالريل الصالح ..
اكيد البنت تستاهل واحد احسن عنه <~ وخيارها كان صائب ..!
دامها ابتعدت عنه اكيد رب العالمين بيعوضها باللي احسن ..
خاصه انه اسلوبه ماكان يساوي ذره وحده من اسلوبها الراقي ..!
عموماً شكراً عزيزتي ع القصه الرائعه ونترقب يديدج دووم ..
تقبلي مروري اختي العزيزه ودمتي بحفظ الرحمن ورعايته ..!
احترامي وتقديري / بنت آل علي ..
×
.
.