السلام عليكم
كيف الحال والاحوال ..
يايب لكم اليوم شي حلو .. اكيد بيكون حلو اذا طبقتو الدرس عدل وطرشت شويه صوبي
نشوف المقادير والطريقه .. ودعولي ..:D
:
المقادير
5 بيضات الطريقة أولا نقوم بوضع نصف كوب السكر المخصص للحرق في مقلاة على النار حتى يذوب ويصبح كالكراميل ثم نضعه في صينية الفرن التي سنخبز بها الكيكة ونقوم بصف حبات الأناناس فوقه والآن نعد الكيكة بخفق البيض بالخفاقة الكهربائية لمدة دقيقة ثم نضيف عليه السكر المطحون ونخفقه لدقيقة أخرى ونضيف إليه رشة الفانيلا الآن تدريجيا نضيف الدقيق المنخول مع البيكنج بودر مع استمرار الخفق بدرجة منخفضة حتى يتم خلط الخليط جيدا الآن نسكب الخليط فوق الأناناس في القالب وندخلها في فرن كنا قد سخناه من قبل على الأقل بعشر دقائق وتبقى في الفرن لمدة تتراوح بين 20 إلى نصف ساعة مع الأخذ في الاعتبار انه لا يجب فتح الفرن مطلقا على أي نوع من أنواع الكيك قبل مرور ربع ساعة على دخولها للفرن لأنها إذا قمنا بذلك سيؤدي إلى هبوطها وللتأكد من أن الكيكة نضجت نأتي بعود أسنان وندخله في الكيكة من المنتصف إذا خرج العود نضيفا فذلك يعني انها نضجت فنخرجها من الفرن ونأتي بماء الأناناس الذي كان معه في العلبة ونسقي به الكيكة وثم نغطيها ونتركها لمدة بين 10 إلى 15 دقيقة |
||
:
في امان الله
مجربتنه قبل … طعمه حلو لأنه فيه أناناس بس ما حبيته وايد ..
لأن الكيكه لما تاكلها جنها ….. مب عارفه اوصف تقريبا كأنك تاكل شي مطاطي بس مب وايد مطاطي..
مب مثل الكيك الاسفنجي أو أي كيك عادي فيه زيت أو زبده وتحسه هش ..
ولأنه هالكيكه مافيها زيت أو زبده فتطلع شوي كأنها مطاطيه مثل ما قلت ..
انت جرب وكل وعطنا الوصف الدقيق اللي ما قدرت أوصفه ..
مشكور فليت على الكيكه
والله يرزقك زوجه ما تعرف تطبخ عشان انت تطبخ لها…اتغشمر
الله يرزقك الزوجه الصالحه وتعرف تطبخ لك والله يرزقك الخير بحياتك
شكرا يا سراب على الرد
وعلى التعليق المطاطي ..
طلع عندج مطاطي هذا دليل على انه الي طبخ مب طباخ .. لوول
كل يوم تعالي
كيكة حلوة..
امي مسوويتها اكثر من مرة من قبل.. وطلعت حلووة واايد..
مشكور اخووي عالطريقة الحلوة…
والله يعطيك على قد نيتك
اهلا وسهلا وردة جوري
منوره الموضوع ..
وشكرا على الرد
كل يوم تعالي
رجعت مره ثانيه بس عشان هالعباره نرفزتني
|
صح اني ما أحب اطبخ بس وقت الحاجه امشي عمري
وقلت إلا اسوي الكيكه واحط الصوره
بس غيرت شوي بمقادير الكيكه وزدت فيها زيت
بس طبقه الشكر المحروق والأناناس نفس الشي
هذا مب محروق بس الشكر عطاه هاللون الغامج لأنه يصير مثل الكراميل
والحمدلله طلعت الكيكه لينه وهشه ومب مطاطيه
مشكور مره ثانيه عالوصفه
هلا هلا سراب ..
طباخة المنتدى ..
الصراحه شكل الطبخه مب لهناك من الصوره ..
طبعا مثل مايقولن العين تاكل قبل الهذا .. صح ..
وانا عيني شافت وماكلت ف ف كيف بطني ..
حياج الله وماقصرتي .. تعبناج معانه ..
مب مني من الشكر والأناناس بالقاع يطلع بهالشكل لأنه الشكر يحترق ويصير لونه أغمج كل ما تطول الفتره بالفرن
وأنا مب مع مقوله العين تاكل قبل البطن أو الحلج
مقولتي.. تذوق واحكم ولا تخلي الشكل يغريك أو يطفشك
ولا ياما ناس يزينون الأكل ويجملونه بس مالهم نفس في الطباخ
وعندي بعد مثل مطبخي .. اغرف من الجدر للصحن ولا تضيع وقتك بالتزيين
خلاص ما بطرش لك جدور من طباخي..مافينا بطنك يعورك وترفع علي قضيه تعويض
ننتظر طباخك