ليه يادنيا ..؟؟
ليــــه الأمانة بالقلوب في زماننا تحتضر ..!
وليــــه المحبة والمودة تنداس بأقدام البشر ..!
وليــــه الصداقـــة ذابلة ومن الخيانة لا مفر ..!
ولامن زرعــت الخيـــر في الدنيا يحاصرك الخطر ..!
ابســـألك…. ياا دنيــــــــاا ..!
ليــــه نلقى في زماننا جروح وأحزان وهموم …!
ليــــه التفاؤل والفرح يبقى ثواني ما يدوم ..!
ليــــه دايم ننتظر لين آخر هالعمر…!
حتى الصبر
مل واختار السفر ..!
وما بقى إلا الهموم ..!
مكتوبة لك طول الدهر ..!
ابســـألك.. … ياادنيــــــــاا ..!!
يمكن ألقى منك جواب
أو يمكن بس أفهمك
أنا تعبت من الهموم
وكل جرح من جروحي يعلمك …!
انه تعود علـى العذاب
ليــــه في كل ابتسامة ألقى قدامي دموع ..!!
وكل دمعة من دموعي تطفي شمعة من الشموع …!
وليــــه أرحل دام همي هو همي …!
ما يتغير وما يزول
حتى لو حل الفرح هو ثواني ما يطول ..!
بس سؤال وصارحيني ،،،،،،،،، كل الناس مثلي
أو أنا وحدي ،،،،، همومي تسري فيني
كل يوم أموت الف مره..
ليت الموت يأتي
فأموت مرةَ واحده..
فقد مللت الدموع الصامته …
ومللت البسمه الزائفه ….
لو بيدي لأمزق عمري ….
لأحرق جواز سفري الى الحياة …
أكتب عن ناري ..
عن احتراقي ..
عن أحزاني ..
(( اتمنى ان لاتنثر الكلمات لانني لا اعلم متى ساقراها))
سواف ما شا الله والله مب عارفين كيف نرد عليك
وانا وحده من اللي يسأل ليه يا دنيا اذا بضحك تبكيني
بس ربك كريم سواف واللي يرتجي ربه ما يخذله
وتأكد ان ربك فوووق والله يسامح الخونه والظالمين
تقبل مرووور
اختك
صفحات
مشكور اخويه ماقصرت وانشوف كل يديدمن كتاباتك
غلا الشامسي
|
ما ابي رد كل اللي ابيه ان الواحد دام انه ما يرضى لعمره اليانه
ماله داعي يخون ناسه وخلانه
الدنيا اللي انتي سألتيها ما راح تجاوبج
الدنيا ما طلبت هالشي
بالعكس البشر هم اللي طلبو الخيانه
أسألي الخونه ليش يا خونه
لا هنتي بمرورج ختيه
|
العفو ختيه
اسعدني مرورج
لا هنتي
اخوي ……………الكل يلوووووم الاياااااااام والزمن في مشاكلهم
بس الشاااااااطر هو الي يدوووووس علي كل شي يزعله ويسبب له الحزن عسب يقدر يكمل مشواره
((((((((((ابتسم حتي لو كنت مجرووووووووووووووووووح ))))))))))))))))
بالعكس في اشياء كثيره مستحيل الواحد يدوسها
الحب الحنان المشاعر العاطفه القلب …… الخ
من سابع المستحيلات ينداسو
ما اعتقد ان الابتسامه بتبين انها صادقه اكيد بتنعرف بحزنها
ارفض الابتسامات الكاذبه
لا هنتي بمرورج
نعيش دايما في تعاسه وخاذة في زمن الخيانه والنكران اذا اصدقائك يخونون يك اقول على الدنيا السلام
كلامتك روعه اخوي مثل ما عهدنا منك
اتمنى اني اقرا كل ما لديك
في الانتظار الجديد
الصغيرونه
مشكوره ختيه على مرورج
لا هنتي
كلماتك بقمة الروعة
شكرا على هذا الجمال و هذا التالق
و اسمح لي بمداخلة بسيطة اتمنى ان تنال اعجابك
فلا بد ان يضل للامل طريق في حياتنا
آهٍ منكِ يا دنيا !!!
آهٍ من أحلامٍ خنقتها في مهدها، على صفحات دفاتري، وبين زواريب طفولتي!
آهٍ من قدرٍ تلاعبتِ به.
آهٍ من سنين قضيتها حالماً بقممك العالية.
آهٍ منكِ يا دنيا !!!
جعلتِ البكاء دون دموع؛
والأحلام سراب؛
والشمس زوال؛
آهٍ منكِ يا دنيا!!!
أخذتِ كل شيء؛
تركت النهاية دون بداية؛
سرتِ بالعمر وتركته وسط أسوارٍ غامضة لا تعرف ما يخبئه القدر؛
لا يا دنيا …
سوف أحمل الألم؛ وأجمع الجراح؛
وأتركك في الخلف من الزمان؛
وأكون على موعدٍ مع بدايةٍ جديدة؛
وأجمع الأمل المتبعثر في القلب؛
وأرحل بعيداً عنكِ وعن آمالكِ البائسة؛
لا يا دنيا…
لن يذبلَ أملٌ رويته من أنين الآلامي؛
لن تغيب شمسٌ أشرقت أيامي؛
سيأتي فجرها من جديد؛
وتفتح أزهاري مع بداية ربيعٍ جديد؛
وترتوي من قطرات ندى العيون؛
لن ترحل ولن تذبل أحلامي وآمالي؛
فما بقيت أحزانٌ، وما تبددت آمالٌ؛
طالما هناك إلهٌ في السماء لا يعرف إلا الرحمةَ والتسامحَ والعطاءِ…
تحيتي دمعة امل