السلام عليكم ورحمة الله وبركاته
انا زعلان ومعصب :realmad:
بقول لكم السالفة
الله يسلمكم من يومين كنت اتمشى وافرفر بالسيارة
وما احس بنفسي الا وانا على طريج الفجيرة
قلت خل اكمل واخذ لي لفة على المنطقة الشرقية (ادري طولتها وهي قصيرة) :jump:
المهم
وانا اتمشى في دبا …. قلت خل انزل اتمشى على البحر شوي
طبعا الوقت كان المغرب … والجو اكثر من روعة … وشفت لكم مناظر خبال…. قلت خل اصور …. طبعا بالتليفون لانه ماشي كاميرا
وهذي بعض الصور
اكيد تسألون وين المشكلة
المشكلة تكمن في التالي:
شفت حورية البحر على الشاطئ …. جان اطرطر عيوني واستانس
وصورتها ….. وبعد التدقيق في الصورة … شفت شكلها غريب عجيب
وبعد محاولات عدة … وتركيز فوق ما تتصورون 
جان اكتشف انه الحورية اللي صورتها …. كرتون زبالة مفرور جريب البحر 😳
ولما دققت في المكان عدل … شفت مناظر ما تسر الناظر
ومنها الصور التالية
هذي الحورية اللي شفتها
الحين … الله عطانا مناظر تجنن … واماكن يحسدوننا على وجودها…. نسوي جي ليش؟؟؟
وين الاهتمام من قبل الناس ومن قبل البلدية والحكومة؟؟؟
يعني الله عطانا نعمة نرفسها ليش؟؟؟
فرحانين بدولتنا … وسياحية وسياحية… واخر شي نخلي الشواطئ جي؟؟؟؟ :protest:
معروف انه البحر للي خاطره ضايج ويبي يغير جو…او يستانس… اي يفرح… اللي يشوف هالمناظر يضيج خاطره زيادة :nonono:
لازم نلفت انتباه الحكومة لهالموضوع
ويا ليت لو يسوون غرامة على اي شخص يفر شي جريب البحر
ابي آرائكم ومشاركاتكم اخوني….
وان شاء الله بنوصل الموضوع للحكومة سواء عن طريق الجرايد او اي طريقة ثانية
تحياتي
اخوكم
وطلعوا الشاطئ من عيمان وما ادري لين أي اماره
والمنظر الصراحه فضيع أي شي تحتاجه بالسوق وما تلقاه
تحصله ع الشاطئ بس طبعا منتهي صلاحيته
حتى العنز شو وداه ع الشاطئ
جايز كان يبا ياخذ حمام شمسي
بس الحبيب نسى يحطي كريم ضد الشمس ومات بضربه شمس
والله مناظر تلوع الجبد
الناس اللي يسيرون ع البحر ما يودون وياهم اجياس ولا شو سالفتهم
أكيد هذيله اللي يهتمون بالمظهر الخارجي ولا يهمهم النظافه الداخليه
فتلقى بيوتهم وصخه ولهسبب يوصخون أي مكان عام ييلسون فيه
لا حول ولا قوه إلا بالله
فاللي يسير البحر اذا شاف شي جدامه يشله
وأي حد يقدر يطالب أي جهه رسميه انهم يسوون يوم لنظافه الشواطئ ويدعون الكل
يتساعدون بهاليوم
والحينه المفروض انته يوم كنت تصور هالصور عقب شلت الوصاخه الموجوده 
والله يهدي الناس ويعرفون انه النظافه تشمل نظافه كل شي حواليه مب بس لبسهم
ومنظرهم الخارجي وينسون النظافه الروحيه ونظافه بيئته
مشكور الجاسي على الموضوع المهم
تسلم على مرورك
اول شي مشكورة على مرورج وردج اختي (لازم يكون عندي ذوق في البداية)
ثانيا
سمعيني عدل… جمعي شلة بنات المنتدى (الزعاطيط) وبشلكن بالبيك اب مال مزرعتنا وبوديكن على البحر وسووا حملة تنظيف انزين …. انا بكون اشراف طبعا
ولا تنسي مخمتج اللي اطري فيها بالليل تييبيها وياج
تزهبي انزين
بصرااحه كل مكاان اتشووف فيه حمله اعلانيه لا تلوثوا البيئه اتشووف خماام حذااله اتقوول النااس يعااندوون …..
شووفيهاا بعد ماتخلص لعب وسيااح واكل وشرب اتشل اغرااضك لاقرب مكان حق الزباله واتعقه فييه ….ز
يووم اخلي البيبسي بالسيااره مااعقه في الشاارع ربعي يقلوون شوو ثلاث اياام ترب فييه ….
سلامي
aL3qRaB
الا تخبـــــــــلت علييهم ..قلت لالازم ارووح
بس يوم نزلت ع الصور اللي تحتهم انصدمـــت
مادري لين متى بيتمووون جييه .. انزيين يوم بتزورون هالاماكن
نظفووها قبل لا تروحوون
الله يرحمنا برحمته
اقووووووووووول البيك اب مب للبنااات
لكـــم انتوا … خذ الشبااب معااك وروحوا نظفوا
يمدحووون تنظييفكم خخخخخخخخخخ
المشكلة تبدأ من البيت
يعني المفروض لام الواحد يسير رحله وياخذ وياه البيت كله يشل وياه كيس زباله يحط فيه الوصخ وفي أمكان مخصصه يحطون فيها الوصخ
بس مثل ما قلت المفروض من الكبار يعلمون الصغار ويقولون لهم
بس اذا الكبار نفسهم ما يهتمون بالبيئة كيف تبى الصغار يهتمون
وسلامتك
بس ابي رايكم في انه نوصل الموضوع للحكومة …. كمنتدى …. او نسوي اي شي علشان نحل هالمشكلة
وين ردودكم؟؟؟؟؟
يوم يخيمون اهناك اب ايام العيد
بعد ما يظهرون شوف مكانهم 🙂 ما اتقول مكان بشر
والحمد لله يوم انخيم
اطبق القاعدة
( اجعل المكان افضل مما كان )