مريتك البارح من الخوف مجبور
ومن الدهر ,, ومن القهر ,, والخيانة
مسحور مدري .. أو أنا شبه مسحور
(لكن ابد مافيه شي بمكانه)
طلعت ابسأل صمت الأيام و الدور
عن واحدٍ ضيعت عمري عشانه
واسأل ويطفي من الم ياسي النور
( وين الحبيب اللي نساني زمانه)
طريت لي قلت اجرح الضيق بمرور
اصدق رفيق بهالحياة المدانه
قربت لك.. والجرح بارود مصهور
على امل .. انساه .. واهجر كيانه
قالوا رحل,,, من بعده البت مهجور
اوآآآه ياجسم نساه اتزانه
كأنه المطعون .. والضلع مكسور
والما قريب بس خانه لسانه
يشوف موته.. والقبر ذاااااك محفور
يسمع خطي من ياخذونه رهانه
مثله انا ياصاحبي طحت مخطور
لاقوس ارمي,,لاسم بالكنانه
الفقد ذله ذل,,ودحوره دحور
له نكهة الدمعة وطعم المهانة
رجعت اجر ظلالي ويضحك السور
تضج حيطانه شمات ولعانه
من كثر مابي ضعف احساس مغدور
بيتي وهو بيتي حرمني حنانه
رفض بأني ادخله ,,, وأشعل النور
مدري,,, بقى من بعد اهانه ؟؟؟؟
وأبيات تجبرنا على قراءتها
لقد تمتعت بقراءة كل حرف فيها
لكن عذراً أختي الكريمة ( عذبة المنبع )
لم تخبرينا عن مصدر الأبيات
هل هي من كلماتكِ أو لشاعر آخر أو منقول ؟
أتمنى ذكر المصدر لو سمحتي
والله يوفقج..
*شـــــــ الامارات ــــــــوق*
حروفج هذي فلسفة للحزن ملئت عذب الكلام….دروب على باب ذاكرة الزمان
ها أنا أخط لج إعجابي بما كتبتي….من جمل بغايـة الروعه
مبدعه ومتألقه في كلماتج…..رغم ماتحمله من أحزان
وتقبلي مني كل الشكر والتقدير
أشكرج أختي (عذبه المنبع )
ونتريا يديدج
أختج ….
ع الرد المتاخر …
عذبة المنبع ….