وجهــــــــة نظــــــــــــــر 2024.

وجهة نظر..
اعلنها بحروفي و صوتي
علي اغير بها بعض الخلل..

تمر أيام..
و كل يوم يشبه العام اللي فات..
نفس الشخص..
في نفس المكان..
يقول يا بشر..
ترى التدخين سبب من اسباب الهلاك..
يا بشر اتركوا عنكم اللعب..
و يضرب امثال: هذا شاب..
مات من حبه لذيك البنت..
و ذيك بنت انتهت قصتها بعار و دمار..
و ترى هذه حرمة بسبب هرة هوت في عذاب النار..

و ازيدكم من الامثال عبر و عظات..
هذا رجل..
انتهت قصته لانه ما عبد ربه..
ولا صلى ولا صام..
و سوى العجب..
لا قنع ولا قنط..
و حب المال حبا جما..
و انتهت قصته في سجن وخراب..
ومات لا حد دعا له .. ولا حد غطى عليه الكفن..

هذا شخص.. خلص كل الحكم..
و نطق بكل الزين من الافعال..
و عساها حسنات زادت من ثقل ميزانه..
و ختم كلامه بالدعاء و على افضل الأنام
على نبي الله كل الصلاه..

و ترجل من على المنبر..
الفارس اللي كل المخاليق تناظر طيبته ..
ختم عبرته..
و نال من التصفيق ما نال..

و خرج من ذاك الباب..
و لملم اغراضه و شتاته..
قال المال و البنون زينة الحياة..
خلني بسافر انا و عيالي..
اجازتي هذه خل استغلها في طاعة الرحمن..
و سافر..

لا هي عمرة.. ولا هو حج..
ولا هي صلة اقارب..
ولا وصل ارحام..

سافر لذيك البلاد الغريبة..
و لما وصل..

صار كل واحد من عياله..
داير على حل شعره..
لا ابوهم سأل عنهم..
ولا دعاويه فادتهم..

و انتهت قصة الداعي..

اللي دعا لكل الانام..
و نسى عياله من بعض الدعاء..

وجهة نظر..
اقولها بحرفي و صوتي..
علي اغير بها بعض الخلل..

وجهة نظر..
لا تواخذوني عليها..
و يا ربي لا تواخذني ان كنت في وجهتي غلطت..

وجهة نظر..
ان صدقت من ربي..
و ان خطيت من زلات شيطان رجيم..

وجهة نظر..
يمكن صحيحة..
و يمكن كل معانيها ضعيفة..

وجهة نظر..
ان توافقت معاكم..
خير على خير..
و ان اختلفنا ..
ما تفسد للود اي جانب