اشحالكم يا الطيبيين؟؟
هذه اول مرة انزل فيها موضوع ف هالقسم…
وحابة اني افيد البنات بالتحديد بــ هالموضوع…
وداعا للاستشوار…
من سنة 2001 لــــــــ اليوم 26/6/2007(تاريخ اليوم )
وانا استعمل هالطريقة لشعريه…والحمدلله الحمدلله
خف تساقط شعريه بشكل ملحووظ….
وهذه هي الطريقة…
الاشياءات المطلوبة..
1- الزيت اللي تستخدمينه لشعرج قبل ما تغسلينه..وعادي اذا استغنيتي عن هالخطوة
(أنا استخدم باراشوت الذهبي…بس ما اتقيد به…احيانا استخدم الــ Oil واحيانا الكريم)
2- الشامبو اللي تستخدمينه مع البلسم وخطين تحت البلسم..
( في بعض البنات يتشكن من البلسم ويقولن انه يزيد من تساقط الشعر….فأنا أنصحهن بأنه يشوفن البلسم اللي يناسب شعوورهن..أو احيانا تكون طريقة وضع البلسم غلط..واذا أي وحدة كانت ما تستخدم البلسم…فأنا انصحها باستخدام أي زيت ((حمام زيتي)) مثل زيت الحية))
3- زيت جونسون للأطفال مال الجسم…
(تقدرين تستخدمين أي زيت بدل جونسون…بس حطي في بالج الريحة اللي راح تعلق في شعرج….لانه جونسون ما يسبب رواائح كريهة)
الطريقة:
1- قبل لا تغسلين شعرج حطي باراشوت او أي كريم ثااني لنص ساعة او ساعة بس
2- غسلي شعرج بالشامبو…ومن ثم بالبلسم وتحطين البلسم في شعرج لمدة 10 دقااايق
3- نشفي شعرج وخليه مبلل شويه…ومن ثم حطي زيت جونسون …
(لا تحطين وااايد…يعني بس من 2-3 نقاط..ووزعيه بأناملج…كأنج اتسوين مساج لشعرج….هالخطوة مهمة واايد)
4- بعد ما ينشف شعرج من الماي…مشطيه..
5- لفيه بحركة دااائرية..وخليه جي تقريبا ساعة او ساعتين..
(اذا كنتي قاصة شعرج بقصة معينة…بــ هاللفة راح تظهر اكثر)
6- فلي شعرج واستاانسي فيه لأيام…وكأنه مستشور…
وبــــــــــــــــــس
همسة:
حاولي انج اتسوين حمام زيتي لشعرج + مساج في الصالون…مرة او مرتين في الشهر اذا قدرتي…لانه
انا ختيه قبل ما كانت تصدق هالاشياءات…لين ما جربت ارووحهااا…حتى احين تقول ما سويت طريقةسامية المقام…خخخخخ
طبقن الطريقة وخبرني شو صار معااكن…
والسموحة ع الشرح
ختكن
سامــــــــــــية المقام
ياسلام عالطرح الغاوي … بصراحه انا استخدم زيت جونسن للاطفال عقب ما اسبح وتسلمين عالوصفات …
ونتريا يديدج حبوبه
والسموحه منج
والمعلومه
لا هنتي عزيزتي
واتمنى من الجميع الاستفاده من طرحج
على قولة المثل
اسأل مجرب ولا تسأل طبيب
فديتني انا بعد نفسج استخدم كل هذيل
و الطريقه مضمونه بعد
تسلمين
عاد جونسن اعرف انه حق الجسم عادي بس لشعر همممم
لازم اخاف يطيح شعري لووو طاح بصفعج هههههه
تسلمين عشتي ودمتي الغلا
ربي يعطيج العافيه
انا من باجر بجربهااااااااا