*قصيدتي زاد بعيوني جمالها*
واخذت أنقي بالمعاني جزالها*
واكتب معانيها من الشوق والغﻼ*
ﻷمي وأنا اصغر شاعر ٍمن عيالها*
كتبتها في غربتي يوم رحلتي*
لما طرالي بالسفر ماطرالها*
امي وانا بوصف لها زود حبها*
وان ماحكيت لها قصيدي حكالها*
امي لها بالقلب والجوف منزله*
مكانة ماكل محبوب نالها*
اقرب من ظﻼلي وانا وسط غربتي*
وانا تراي اقرب لها من ظﻼلها*
ماشافت اعيوني من الناس غيرها*
وﻻ خلق رب الخﻼيق مثالها*
اغﻼ بشر في جملة الناس كلهم*
واكرم من ايدين المزون وهمالها*
اتبع رضاها ورتجي زود قربها*
واللي طلبته من حياتي وصالها*
الصدق مرساها واﻻشواق بحرها*
والعطف واحساس الغﻼ راس مالها*
اهيم فيها وابتسم يوم قلبها*
يسأل وانا قلبي يجاوب سؤالها*
وان اطلبتني شي فزيت مندفع*
اموت أنا واحمل تعبها بدالها*
واصبر على الدنيا واﻻحزان والتعب*
واحمل على متني فطاحل جبالها*
واسهر اعذب راحة القلب بالشقا*
واعيش اعاني بس يرتاح بالها*
تربية ابوي اللي على الطيب بذكرة*
اللي وهبني الحياه ومجالها*
نور لي ادروبي وانا طفل مبتدي*
حتى تركني واحد من رجالها*
الوالدين اولى باﻻحسان لجلهم*
وأولى بتكريم النفوس وعدلها*
اقولها وانا على الله متكل*
والله عليم بقدرتي واحتمالها*
ياكلمة اغلى من الناس كلهم*
ياشمس بقلبي بعيد زوالها*
يافرحة تملي لي الكون باكمله*
ياشجرة تكبر ويكبر ظﻼلها*
تضحك لي الدنيا ليا شفت زولها*
مثل السما تزها بطلة هﻼلها*
والبعد عنها ياهل العرف ماقدره*
ﻻشك ناري زايدة بشتعالها*
ماعيش ببﻼد وﻻهيب بأرضاها*
وﻻبي عيوني كان ماهي قبالها*
أرض ٍ تدوس امي باﻻقدام رملها*
اموت فيها واندفن في رمالها*
*
صح لسانك واعطاك العافيه