–>()<– 2024.

–>(( لو لا الحيــــــــــا واخاف من شي يصـــــير ))<–

الود قبلي قد نكب سالم الزيـــــر
وعنتر وابو زيـــــــــد وعزيز ابن خالــــه
اللي يضدون الطلب والطــــــوابير
والذيب يامن في قفــــــــاهم اعيـــــــاله
والا انت ياراعــــــي النهود المزابير
قلــــــــبي مطيع لك على كره بــــــــاله
قلت بحبك حيلتي والتفاكيـــــــر
امشـــــــــي بدرب عن يمينك شمــــــــاله
غديت في دربـــــي نكال وعواثير
والقلـــــب طرده في الهوى من هبــــــاله
خدرتني بكلمة الصبر تخـــــــدير
واليــــــوم صبــــــري باح ماهي طــواله
سمرت رجوايه بلاماك تسمــــــير
وعلقتــــــــني بين الردا و الجمــــــاله
والله يثبتني على القاع لا طــــــير
والا الفضـــــــــا ضيقـــــت عني مجاله
ولولا الحيا واخــــــاف من شي يصير
شــــــــــــي يضربني طريق الجهــــــاله
لا اصيــــح صيحـــة من عظامه شعاثير
واقــــــول ,,, باعــلى الصوت منهو بداله؟؟