&& 2024.

وقفت والحجّه لهـا شاهـد إثبـات
وأنا معـي حجّـه وشاهـد وإدلّـه

امّا نظمت القاف فـي فايـتٍ فـات
وألاّ على ماقيل .. قاف ٍ فـي حلّـه

لو أن مالي نجم يبدي لـي أوقـات
ما شاقنـي مبـدا النجـوم المطلّـه

توارد الأفكـار بسكـات .. بسكـات
واللي ورد في مخ راسي فطـن لّـه

أعوذ بالرحمن مـن نزعـة الـذات
ومن الغرور .. وغاية ٍ تغضب اللّـه

يا المسجد الأقصى سلام وسلامـات
أخذ السلام وحامـض العلـم خلّـه

خمسين عام وساحتك مسرح اموات
ومنارتـك حامـت عليهـا المذلّـه

وحنا نشوف الحال وعلومنا أفـوات
نمسي ونصبح بيـن عالـه وعلّـه

العام يـا كثـر السيـوف المحنـاة
إليا بغينـا اللـي نسلّـه .. نسلّـه

واليـوم سلّمنـا شعـوب وقيـادات
ماعاد نخلـف ثابـت ٍ عـن محلّـه

نبدي على روس الطوال المنيفـات
ونومـي لمعقـود الحجـاج ونفلّـه

نشجب ونستنكر شعـار ودعايـات
كلّن يسجّـل فزعتـه فـي سجلّـه

ونقول حـل المشكلـه بالسياسـات
ومـداولات .. الدولـه المستقـلّـه

هي خذ وألاّ هات .. لا هي هيهـات
جاك الخبر يـا ميّـت القلـب كلّـه

من قـال حليّنـا جميـع الخلافـات
باقـي خـلاف ٍ مـا قدرنـا نحلّـه

خلاف أبومـازن وياسـر عرفـات
أهـل القلـوب المبغضـه والمغلّـه

مشكّلين أحـزاب مثـل العصابـات
وكلّن علـى الثانـي عظامـه تقلّـه

وحماس فاتـح فتـح ب الإتهامـات
وحزب الله مع الله على غيـر ملّـه

تزيلمـوا .. والله يبيـد الزلامـات
باقـوا فلسطيـن وبقـت مستحلّـه

ف الشرق الأوسط ما تفيد الوساطات
والغرب لا منّه حفر له .. دفـن لّـه

أقـروا عليـه الفاتحـه والتحيّـات
وأبكوا صلاح الدين والمصلح اللّـه

السلام ختام