السلام عليكم ورحمة الله وبركاته
في بداية اسبوع جديد ويوم جديد
وايام مباركه
حلت علينا ضيفه … مميزه
انسانه تحمل كل الصفات الرائعه
اخت عزيزه سعدنا جميعا بتواجدها معنا
ونسعد دائما بما تطرحه لنا من مواضيع جميله ومفيده
ضيفه هي الاكثر نشاطا ومشاركه ف المنتدى
مكنت وجودها ف المنتدى وفي قلوبنا نحن الاعضاء بطيبتها وحسن خلقها وروعة ماتحمل
من حسن الادب والاخلاق الكريمه
ضيفتنا هي
المـــAngelـــلاك
دعونا نتعرف على عالم المـــAngelـــلاك عن قرب
وابدا باسئلتي
1) البطاقه الشخصيه ؟؟
2) من هي المـــAngelـــلاك ؟؟؟
3) كيف تعرفتي على المنتدى ؟؟؟
اتمنى من الجميع وضع الاسئله للضيفه الكريمه
المهم ما علينا من المقدمات وهي السوالف
بسالج سؤالين مزيين باحلى زينه
شو اللي تستفيدينه من هالمنتدى …؟؟؟
شو رايج بمس انسه حفارة قبور ؟؟
وكم مره زعلج هالشخص اللي فوقي تراى ان وايد بحفر اللي بالي بالج ؟؟
وشو اللي تحبينه في حياتج ؟؟
بسني تعبت اكتب
بعدين بنسالج … تيك كير ماي سستر
بالنسبة للاسئلة …
1) البطاقه الشخصيه ؟؟
الاسم: المـــAngelـــلاك
العمر: 20
المهنة: طالبة جامعية بالسنة الرابعة والاخيرة ان شاء الله..
الهواية: الاستماع الى الاغاني وقراءة الشعر والرسم.
2) من هي المـــAngelـــلاك ؟؟؟
انسانة هادئة وتحب الهدوء..حساسة رومانسية..صادقة..متسرعة في اتخاذ القرارت…مشاكسة..
3) كيف تعرفتي على المنتدى ؟؟؟
المنتدى عرفته عن طريق صديقة لي..
يالله مو مشكلة..
شو اللي تستفيدينه من هالمنتدى …؟؟؟
هالمنتدى استفيد منه الكثير..اول شي انا صرت ادخل النت علشان ادور مواضيع وادخلها بالمنتدى…يعني بدل ما ادخل على الفاضي صرت ادخل لهدف..غير قرايتي للمواضيع الموجودة في المنتدى..يعني وقت الفراغ اتملى بسبب هالمنتدى..تسلم لي صاحبة المنتدى اللي هي الجغرافية..صدق هالمنتدى نعمة
والصداقات اللي تكونت في المنتدى هم فايدة..
شو رايج بمس انسه حفارة قبور ؟؟
الاخت تبا امدحها..هههههههههههه
بكل صراحة..اسمج اول شي خلاني اقول خير شو اللي صاير…في البداية تحريتج وحدة عصبية وداخلة تتظارب…بس انت غير…دمج خفيف وطيبة…ومسوية جو …واتمنى الايام تعرفنا فيج اكثر..
وكم مره زعلج هالشخص اللي فوقي تراى ان وايد بحفر اللي بالي بالج ؟؟
الشخص اللي فوقج…لا تحفرين له شي هههههههههههههه
ما زعلني ولا مرة…هو انسان غالي علي…له فضل علي…خدمني خدمة عمري ما راح انساها له..وان الله عطاني عمر راح اردها…
وشو اللي تحبينه في حياتج ؟؟
اهلي + اخوي الغالي…
المهنة: طالبة جامعية بالسنة الرابعة والاخيرة ان شاء الله..
..؟؟
كيف..عمرج..20..و..سنه..رابعه..يابووووووج..
المهم
أسئلتي..هي..<<تتحرى..عمرها..بابرا..والترز..خخخخخ
1_شو..رايج..فيه..؟<<<خخخخ..أشوف..عاد..المديح..نص..الصفحه..جواب..هالسؤال ..خخخخ
2_هواياتج..؟
3_لونج..المفضل..؟
4_بصراحه..تحبين..المطبخ..و..الطبيخ..؟
بالنسبة ل كيف عمري 20 وانا بسنة رابعة
والله هذا قدري وما بايدي حيلة فيه…
انا من مواليد 5 مايو 1985 بنفس هالتاريخ بالسنة الجديدة اذا عشت راح يصير عمري 21, انا دخلت المدرسة بسن مبكرة بالواسطة..راح اتاكد باي سنة دخلت المدرسة وبقول لج…
1_شو..رايج..فيه..؟
ما فهمت ..فيه يعني غرور..
2_هواياتج..؟
الاستماع الى الاغاني وقراءة الشعر والرسم
3- لونج المفضل..؟
العنابي والبيج.
4_بصراحه..تحبين..المطبخ..و..الطبيخ..؟
لا..انا ما احب المطبخ..
أقصد..
شورايج..بالعضوه..الحلوه..الأموره..غرور؟؟
اسئلتي…
1- لو لا سمح الله طردوج من الجامعة..شو بتسوين؟
بتكملين ..ولاخلاص بتقعدين في البيت..
2- لو سمعت ان في شخص محتاج مساعدة..ومساعدة هذا الشخص بتكون على
احسابج…بتساعدينه؟؟
وشكرا على الموضوع الحلو…
………………………………..
الحين صبري علي بهريج اسئله
بس نطري علي شوي خل امخمخ اسئله على كيف كيفج
يالله يا جماعه عليكم بالاسئله المفيده
ملاك اشكرج على كلامج الطيب اللي قلتيه في حقي من طيبج يا الغاليه
جغرافيه
شورايج..بالعضوه..الحلوه..الأموره..غرور؟؟
غرور..طيبة وحبوبة ..دمها خفيف…احسن ما فيها انها صريحة..واللي بقلبها على السانها…مشاكسة..اخت عزيزة وغالية..