قبل ماادخل في المـــوضوع سؤال يدور في بالــي
شخص من المنتدى ولا برع المنتدى ,,
ليش تروح القرية العالمية ,, وشو تسوي فيها ,, ؟!
تدق موتركـ سلف ,, وتحرك ,,
وانت ماشي وبيدك الكركـ تشوف واحد من الشباب واقف ,,
توقف له وتسلم عليهـ ,,
تسأله ,, ليش تروح القريه ,,
وهو بنظرهـ مستغربهـ يقولك اسير عشان اطالع البنات !!
وهم يعلبون ,,
وانت تطالعه ماتدري تضحك ولا تسكت ولا ولا لا ….
هاد شغل الدنيا وهاد اهلك وضارب خط للقريهـ عشان تشوف بنات !!
يقولــك بكــل ثقـــه .. هيه
تستغرب من هالانسان تقوله صدق فاضي ,,
تحرك الموتر ,, تقول بسير القريه
بشوف الشباب شو يسون هناك هذا واحد
قال بشوف البنات ،،
بنشوف الباقين شو يسون ,, توصل القريه ,,
وانت حتى كشخه مب كاشخ ,,
تنزل من الموتر تدش القريه وعلى طول للألعاب ( مكان تمركز البنات ),,
صار معروف كلهم صوب الالعاب ,, سبحان الله !!
تمشي وتطالع وتشوف فجاة شلة شباب واقفين ,,
تقعد تطالعهم فجاة تشوف ,,
هالشباب واقفين بس عشان يشوفون البنات يلعبون ,,
يعني هاد الدنيا وضارب خط وعافس نفسهـ ,,
وكاشخ وحالته لله ,, ياي ,,
بس عشان يشوف البنات يلعبون ( كأنه الاخ في حياته ماشاف بنت )
بو الشباب ليش واقف يقولك شوف شوف ,,
بنات يلعبون ,,
انزين بنات يلعبن خير ياطير ,, يقول شوف يمكن وهي تلعب ,,
تنعجب فيك وتلحقك
تخلص من الشباب تبا تكتشف البنات ,,
طبعا” بتستحي تسال بنت ,,
ليش سايره القريه لان عادي بالكعب ع ويهك ههههـ ,,
أو بترد عليك الرد المشهور ( أهلـي ماقالوا لي شي انت شو يخصـك !! )
لكن روح القريه وتطمش ,,
طبعا اوقف مكان واحد راح تاخذ فكرة عن البنات ,,
بنت يايه من بعيد
عادي تركض عشان تلحق ع شو ماتدري ,,
تمر صوبك ولا ريحة العطر تغريكـ تقول ببالك ياويل حالي ,,
والمكياج لاتخبر مهرجان بويها
,,
تسيئ الظن بها بنت يعني بنت مكياج وملابس باينهـ ,,
هل بتحط ببالكـ يايه تتمشى ,,
وماببالها شي ,, اكييد لفت انتباهـ والقهر انها تسير تلعب ,,
كل هالكشخه عشان تلعبين ,, ( سبحاان الله )
البنات حالتهم حالهـ ,, تلقى البنت وهي طالعه من البيت ,,
بس محطيهـ جحل ,, جريب القريهـ ,,
عرس بوييها وهي راده البيت تشل العرس تخليه جنازه هههـ ,,
,,
تسالها امها وعلى نياتها بنتي استانستي ,,
تقول هي امي استانست وايد وماسويت شي بس لعبت ,,
مسكينه ماكانت مسويه شي البنت هههه ,,
,,
القريه وانت تدشها قلبك يعوركـ ,, تشوف امور يمكن انت تتضايق منها ,,
تشوف تصرفات الشباب الصبيانيه ,,
تشوف البنت كيف حالتها بالمكياج و العباه ليش تلبسها مع الحجاب ,,
هل البنت تتريا يقولون لها لاتبسين حجاب وعباه ,, ؟!
هالشي ابد مايعنيني يسون الي يبونه اكيد ,,
لكن ايمانك بالله يخليك تتكلم لو محد يسمعك بس ربك يعلم مابالقلوب ,,
نحن نشوف منكر مانقدر نغيره بيدنا ولا بلسانا ,,
بس اضعف الايمان قلبنا ,, لو تقولون مايحق لي تتكلم ,,
بقول لكم بتكلم لو حتى الكل يعارضني ,,
همسهـ ,, هالنوعيهـ فئة بس فئة صارت كبيرة للاسف
و ما بكذب و بقوول ما رحت القريــة لإني بكون كذاابــة ..
رحت و كااان طول الوقت أخوي و يااي و ما نركب أي لعبــه من دونـــه …
و شفت المنكــر بعيــنة و يوم رمست و ياا البنيــة قاالت لــي إنت شوو حاارنج
بحركاتي و أصبااغي رووحـــى إنصحي بمكاان ثاانـــي …
و الشباااب تحف متحركـــة … يكونوا يمشوون بس تشتغل لعبــة يقعدوون ينااضروون البناات
يوم يصاارخووا و يضحكوون بالألعااب ..
بس ما أقول غير الله يهديهم و يصلح حالهم …
هالايام النصيحه جنها مسبه
بصراحه الموضوع حلو
بس مابقول غير كلمه وحده
الله يهدي البنات والشبابا في نفس الوقت
واصلا نحن في عصر التخلف
فياريت لو كل واحد يقوي دينيه احسن بدال مايسوي هالحركات
هيه هاذي الدنيا مانقدر نغيرهم
غير الله يهدي البنات والشباب
ويهديييييييييييينا
مشكوره على الموضوع الحلو
ننتظر الجديد
حبيت اقولج رايي
لو ان البنت يوم تسير لاي مكان تكون متستره ومحتشمه لايمكن
ان الشباب يتحرشون فيهم الا بالعكس يحترمونها كل الاحترام
بس لو طلعت البنت حاطه كل شيطان في ويها في ذمتج شو يدل على هذا
اكيد راح الشباب يتحرشون فيها لانها عطتهم فرصه في هالشي والشباب مايصدقون
على الله يشوفون وحده .
وما اقول الا الله يهديهم جميع شباب وبنات
ولاهنتي يالغاليه
وتحياتي لذاتج