Please Drive Safe 2024.

اقتباس المشاركة الأصلية كتبت بواسطة тнε jσкεя و عليكم السلام و رحمة الله و بركاته .. صدقتي والله خيوتي *.* كثيرة هي الاخطاء و المناورات الي نشوفها فـ الشوارع هالايام و هذا ما بقول انه بس طيش شباب .. بالعكس .. بضيف على الطيش .. وجود ناس فـ الشارع ما عرف كيف خذوا رخص السواقة ؟ .. و ها اكبر علامة استفهام .. و الاعظم من كل هذا .. و الخطأ الي نحن كلنا الحين نسويه .. و هو الـ ****ing يعني كل واحد فينا قام يلعب فـ الفون و هو يسوق و يسوي عمره بطل بالعكس .. هو قاعد يحصد ارواح الناس الي مثلاً يعبرون الشارع و هو ما انتبه على اشارة المرور و للأسف محد يعتبر ابد !! ماعرف ليش .. و ما اخفي اني كنت ارتكب هالخطأ .. بس الحين تأدبت و ما قمت اسوي هالشي الا لما اوقف عند اشارة او فـ الزحمة و الوضع واقف حزتها احاول اشغل عمري يعني كل شي ,, نقدر نوزنه بـ العقل .. بس لو نفكر شوي بس شوي *.* …… تسلمين خيوتي على هالفيديو المؤثر والله .. و اتمنى الكل يشوفه و يعتبر زين ما زين !! يكفينا لعب ! ما تقصرين خيوتي على هالطرح لا هانج ربي و عز من شانج و كثري لنا من ابداعاتج ^_^

هلا فيك مديرنا..
زارتنا البركة ^ـــ^

بصراحة أخوي بالفعل نشوف ناس فالشوارع.. ما اعرف كيف اوصفهم..
السياكل وايد عليهم بعد..
أنا لو يخلوني فالمرور بس بعرف دواهم << لا لا قوية الأخت :001_cool:

وبالنسبة للي يلعبون بالفون.. حدث ولا حرج..
وخاصة عاد أحين ويا البلاك بيري.. اووووه علينا العوض
يوم أشوف اخواني يتعبثون جذا الا اتنازع وياهم ^ــ^

انت اللي تسلم أخونا ومديرنا على هالمرور والطلة الغاوية
وعسى الله يحفظ اليميع

تقبلي إحترامي و تقديري الكبير لج .
خـوييج mArVeLoOh

^_*

اقتباس المشاركة الأصلية كتبت بواسطة мαяvεloσн وعليـكم السـلأام و رحمة الـلـه و أطيب بــرركــااته . نحـن بخيـر و عـــاافيه يالأخت الكريمه . و إنتي شحـاالج . عســأاج بصحه وعــاافي يا رب . الأسبــاااب كثيره في حدوث الحواادث .. لكن الضرر واااحد . وهـــووو جسمــاااني قبل ان يكـون شيء أخر . و للأسف الشديد .. هــذاا الي نـلااحظه في أونتناا الاخيره . و لكن هــل من متعظ . !! صـــرناا ما نتعظ من أغلاط الناس .. إلا بعد ماا نحن نقع فيهاا . نســأل الله بس أن يقيييناا و أهاليناا من هذه الحواادث الي تكثر في كل حين يــزاااج الله خير خـويتي الكريمه على هالنصيحه المــــوحيه بالتعابير المـــرئيه. و اتمنى رسالتج تـــووصل لكل من يهمه الأمر . ســدد الله خطاااج يالاخت الكريمه و زاادج خير من عمله ^^ تقبلي إحترامي و تقديري الكبير لج . خـوييج marvelooh

هلا فيك أخونا ومديرنا القدير

الله يدوم عليك الصحة والعافية
وأنا الحمدلله بخير..

بالفعل أخوي الحوادث والأضرار الجسمانية كثرت بشكل كبير
بالنسبالي بين فترة والثانيه يتردد على مسامعي “فلان مات في حادث”
يعني الموضوع مب مقتصر بس عالسيارة ولا اصابات بسيطه
الأمر وصل للموت والعاهات المستديمة

عالعموم اللي بيدنا احين ننصح وندعي..
عسى الله يحفظ اخوانا وخواتنا المسلمين..
ويجعل لهم في كل خطوة سلامة

تسلم أخوي مارفلوه عالطلة والمرور الغاوي ^ــ^

اقتباس المشاركة الأصلية كتبت بواسطة iLhNoOF وعليكم السلام ورحمة الله وبركاته هييييييييهــأ ياااا الغااليـــة … يعنـي كـم بنـرمس ؟؟!! إذا الشـرطة و وزارة الداخليـة بكـل قـوانينـها الصـارمة ما قـدرت تحـد من الحـوادث الكبيـره هـاي ..!! شي صـور وحـوادث اخـس عـن هـا الـي عرضـتيه لنـا اختيــــه =( وللأســـف كلهـم من المـواطنيــــــن … اليــــوم وأنـا يايـه اليـــوني شفـت حـادث جـدا جـامعتنــــــــا …. اللـه لا يـراويكمـ الزحمـة علـى السيـارة كيـف الكـل يشـوف بس للاســف محـد يتعــــض …!!!! اللـه يبعـد عنـا ها الحوادث وخصــــوصن شبـاااااااااابنـا والـي طـول الاسبـوع سايريـن وراديـن ع هـا الخــــــــط =( تسلميـن خيتـي عن النصيــــحة والتـذكير وان شاللـه ما نفقـد عزيـز او غـالي بهـا الحـوادث المـؤلمـة … تقبلـي كل احتـرام وتقديــــر منــــي .. خويتــــــج… iLhNoOF

هلا فيج خيوتي iLhNoOF
فديت هالطلة ^ـــ^

بصراحة صدق الشرطه مب مقصرين..
أحين دوريات الشرطه والمرور في كل مكان.. أنا قمت أتروع ساعات يوم اشوفهم خخخ
هم سووا اللي عليهم والدور الباجي علينا

أنا عن نفسي << وأعوذ بالله من كلمة أنا ^ــ^
أربط الحزام دوم يوم اظهر
وخاصة لو مسافة شوي طويله أو فيها زحمة
أما لو عدال البيت ماربط :Sh_y:

ومثل ماقلتي خيوتي فيه مشاهد افضع عن جذا
بس أنا بغيت أوصل رسالة معينه بهالفيديو..

تسلمين خيوتي عالمرور الغاوي << اللي صدق مفتقدينه الفترة اللي طافت
وعسى ربي يحفظج ويسلمج..