بكت وضربت براسهـا حـد الجـدار
شقت ثوبها الأسود لى بالحزن غطاها
بكت دمعها عالخد هـل سيـل مـدرار
رمت ذهبها ومات وردها مـع شذاهـا
بكت ونت وزفرت زفرة حامـي النـار
من قاصي غرب شرق تسمع صداهـا
بكت دبي لين حنت ثابتـات الأشجـار
وبكت لين لى فالصين سمعـوا بكاهـا
بكت لين حَن الصخر قال شـو صـار
قالت روح مكتوم ليت روحـي معاهـا
بكت وبكى من بكاها الوطـن والـدار
بكت الإمارت أم ثكلى راح منها ضناها
بكت لين بكى الشعب صغـار وكبـار
بكت ناحت لين بكت الإمارات ويّاهـا
بكت لين زعبيل صبـت دمعهـا حـار
والخور يون على ضفاف الحزن جاها
بكت فز الطير من سمع بكاهـا طـار
يرف بجناح مكسور فأسـود فضاهـا
بكت لين فاض بدمعها ملـح البحـار
وجفت كلمة الآآآه على دامي شفاهـا
بكت تاج راسها سيد الرجال الاخيـار
بكت لى صفحة التاريخ بأعماله ضواها
صرخت أنا دبي ياجاهلن كل الاخبـار
أنا بنت مكتوم لى كل عمـره عطاهـا
أنا وردة سقاني أبويـه الغـلا أنهـار
واليوم جفت عروقي تعطـش لماهـا
الله يرحمه ويسكنه فسيح جناته
شكرا يا اختي على النقل
والله يرحم فقيدنا الغالي
ويبارك في ابناءه واخوانه
الله يرحمه ويغمد روحه الجنه
فقدنا من قبل زايد ويرحل من عقب مكتوم
وجــدد للألــــم قصة بعدها تِجرح الاوطــــان
كلمات حزينه ومؤثره …. الله يرحمهم ويدخلهم فسيح جناته …
تسلمين أختي / يزااااج الله خير ..
الله يرحم جميع موتى المسلمين …