لاصرت حاضر باقي الناس طـقـّـاق
——————————————————————————–
يـــــاقلب ياللي من بلا خـــاطري ضاق…قلي عــــلامك_؟ضايق الصدر محروق؟
لا مرّنـــا طاري غوالــيك تـــشـــتــاق…وتـــزيد دقـــاتك تـــنـــاهــيد واخـــفـــوق
كــنـّـك غــريــر ضايع بوسط الاسواق…تبكي تنـــادي صــــافي الــــحــب معشوق
ويــنـــك حبيبي الــبعد مـــاعاد ينـطاق…ولا عـاد دمـــعي يحــضنه مـحجر الــموق
لا هــلّ دمــعي فوق الاوجان وأنــساق…أســـوق ونـّـــاتي لجل خـــــاطــرك سـوق
كـل الـخــــوالــــد فدوة ٍ لك والارزاق…كـــل الـــقـــبايل سقـــتها وفوقهـــم روق
هـــاك الــقــصــايد والمعالــيق ميثـاق…هـــاك الــغــلا في داخـل الــصدر مطبوق
لا يــابعد حيي عـســى خــاطرك راق؟…عــســاك راضي؟وضيـّق الصدر مفهوق؟
ماكنت ابا أحكي لك ولكنّ الاشـــواق …هي بيــحت لك ما كـــتمـــته بـــصــندوق
أنــــا اشــهد انك للمعـــاليق بـــــوّاق…وأصبحت لي ســــارق وانـا منك مســروق
الـنــاس غرب وقــبلتــي يم مـشــراق…لجل الــوصـــل أتـبع أســـالــيب واطــروق
الشوق يحرق زهرتي وخضر الاوراق…والـــوصــل يجــعل بـــاقي الـعـمر ملحوق
مـعـقـول ننهـي صافي الحب بفراق؟!..معقــول نترك زاهــي الثوب مشقوق؟؟!!
أبيك جنــبــي نقــضي العمر بعــنــاق…أبــيك حــولي يــــــابعـــد كــل مخــــلـوق
لا صرت حاضر..باقي الناس طقـّاق…مـــاهمـني غــيرك ..ولا لــي بــهم ذوق
وينـك عــديل الروح ياروح شــبــراق…ويـــنــك تـــداوي عـــلة الــقــلب ياشــوق
يــبكــيك مــزن ٍ شــع له نور بـــرّاق…حتى الـــشــجر يبكيــك!! ويبكنـّك النوق
وتــبكيــك عذرا تــشتكي قلّ الاوفــاق…للـحظ ترجي..وأســـود الحــظ مطــفـوق
حتى عــنــيــزه أظلمت والفضا ضاق…وعلى غــيـــابــك يـذرف الدمع غرنوق!
منقوووووول:10:
ويعطيك الف عافيه