السلام عليكم ورحمة الله وبركاته ،
هذه مرثية الشيخ جابر الغليسي في ولده الشاعر/ مسعود ابن جابر الغليسي الله يرحمة ويسكنه الجنة:
غنى حمام الورق من فـوق الافنـاد=ذكر علي مافات مبطـي وموجـود
يالله يامنشـي نسانـيـس الانــواد=ياللي نصر موسـى وعيسـى وداود
يامدبر الدنيـا علـى كيـف مـاراد=ياخالـق المخلـوق ياخيـر معبـود
تفـرج لمحـزون جـلاه التلـهـاد=يبكي على غال(ن) كلا جسمه الـدود
علـم لفانـي تالـي الليـل لا عـاد=من يوم قال مناحـي مـات مسعـود
عفت الكرى والنفس صامت من الزاد=علـى فقيـد راح ياخيـر مفـقـود
صبرت صبر ايوب والصبـر مافـاد=قلبي معه عاده علـى النهـد مولـود
اصبر وقلبـي فيـه صـادر و وراد=اذل يلحقنـي مـن النـاس منـقـود
اتلى العهد به يـوم حطـوه بلحـاد=دبرت كني منـه مقفـي ومطـرود
يبكي اليتيم وحرمته لبسـت احـداد=وقلبي غدى كنه على النـار ماقـود
وعيني تهـل الدمـع مـزل لـه زاد=كني ضعيف مـن ضنايـاه مضهـود
واكرر الونـات وابكـي بالاجهـاد=واسهر توالي الليل والعالـم رقـود
واحط راسي وارقب الصبـح ينقـاد=عسـاه ياتينـي بشـيـر بمسـعـود
والعين عيـت ماتبـي نـوم ورقـاد=ولو زينوا لـي فـوق زل وماهـود
ماعاد لي عقبه مـع النـاس مقعـاد=هـذي حيـاة شنعـة مابهـا فــود
راح الرفيق اللي لنا حصـن وسنـاد=كفو يشيل الحمل حتى لو انـه كـود
انا اشهد انـه مـن مناعيـر الاولاد=لاهـو بـذوال ولاهــو بمـقـرود
مخرب مالزمـت ايـده ومـا فـاد=يشبح لعز الراس مـا يبغـي الـزود
ياجعل له فـي جنـة الخلـد ميعـاد=لي جاء نهار فيـه شاهـد ومشهـود
صلوا على خير البشر سيد الاسيـاد=ما شعشع البارق ومـا هبـت النـود
وصاة الوالد الدعوة للميت بالرحمة وقراءة الفاتحة على روحه،،،،،
منقوووووووووول
وعيني تهـل الدمـع مـزل لـه زاد=كني ضعيف مـن ضنايـاه مضهـود
واكرر الونـات وابكـي بالاجهـاد=واسهر توالي الليل والعالـم رقـود
واحط راسي وارقب الصبـح ينقـاد=عسـاه ياتينـي بشـيـر بمسـعـود
الله يرحمه
