السلام عليكم ورحمة الله وبركاته
رفعت كفي .. ماقدرت ارفع الصوت
لو كان فالخاطر .. كلام كتمته
لحظه وداع / وكنها سكرة الموت
ضاع الطريق .. اللي من اول رسمته
ضاع الطريق وصرت في الدرب مبهوت
مدري وش اللي فاتني ما اغتنمته !
العمر مرّ .. وراح مع فايت الفوت
صحيح ضعت .. وضاع حلم حلمته
الا انت ياللي قربك لروحي القوت
لو غبت / يبقى وسمك اللي وسمته
يبقى كما نقش على الصخر منحوت
حفظته .. بشكله ولونه وسمتّه
مهما الفراق اوجاع والبعد ممقوت
اصبح مصير من غلاك / احترمته
دمع النصر لو طاح من ( عين جالوت )
( عين العقل ) دمع تكنّه / حشمته
ذخرت لك يافرحة العمر .. تابوت
فيه الغرام اللي بديته / ختمته
يبقى الغصن لو مابقى فالغصن توت
تحرك انسام الذعاذيع .. صمته
سكّت .. وانا من موادعك مكبوت
شي تجاهلته .. وشي فهمته !
حبل الرجاء من جور الايام مفلوت
ياليت قلبي عن غرامك عصمته
ياما .. بنيت بيوت وبيوت وبيوت
اليوم .. كم بيت بنيته .. هدمته .
كلمات في قمه الروعه ..!
تسلمين يالغلا ما قصرتي وربي ..!
لا تحرمينا من يديدج ياربي ..!
سـلامي عليـج مشرفتنـــا ..
بصـراحة قصيـدة ولا أروع ..
أحسنتِ الاختيــار الغاليـة ..
وربــي لا حرمنا هالزيـن من جداج ..
دمتـي بكل خيــر
|
الاروع مرورج
الله يسلمج من الشر
وشاكرة لج تواصلج الرائع
ربي يحفظج
|
^^
طلتج الاروع غلاي
يعطيج العافية
ولا خليت من تواصلكم الغاوي
دمتي فحفظ الرحمن