يوم صارو الناس في حزة عصر….
طق باب البيت بشويش وهدوء..
جاوبت منهو يطق الباب يابشر….
رددت وبصوت خافت …
خالتك ام العنود افتحي … خالتك ام العنود افتحي..
فتحت … ثم دخلت … ثم تبادو بالسلام…
ياهلا وشلون حالك وشنهي اخبار العيال ..
طيبين ويزقحون وكلهم بنعمه وخير…
ادخلي امي تنادي تفضلي دربك خضر…
واقبلت ام البنيه ياهلا بام العنود..
انورت داري بقدومك يابعد كل الطيوف..
تفضلي… تفضلي ..هذا مكانك…
ثم تنادي بنتها… يابنيه … يابنيه
وتقبل البنت بخجل.. سمي يمه امري وتدللي…
جيبي القهوه وتعالي..
قفت البنت وابعدت…
وام العنود تقربت..
عندي لك زين الخبر..
قالت خير وش هالخبر..
قالت ..دانه… جالها ماتنتظر…
جالها رجلاً يبيها زوجته كل العمر..
والبنيه قاعده تحت الدريشه…
وهي تسمع للخبر..
هي بس قالت عريس …
ابتدت تبكي وتصيح …
خايفه شخصاً تعيس ..
يكسر الحلم الصحيح…
فرحت فرحه كبيره …
ورقصت بالحوش رقصه..
رقصتن كانت صغيره …
ماسكه اطراف ثوباً تمتلي فيه الخميره..
وقعدت ترسم وتبني … حلم للواقع قريب..
رسمت بيت وحديقه ..
ورسمت غرفه ضيوف
ورسمت مطبخ صغير.. لكن برسمه انيق..
ورسمت دار العمر ..غرفة تجمع به شمل….
حتى من كبر الحلم …
رسمت دار لولدها ..
واشترت كل الهدايا والملابس واللوازم….
ورسمت شهر العسل …
ثم كبر فيها الامل…
ضلت البنت العريسه…. ترسم وتبني بشغف
وطلعت ام العنود …
يالله ياختي نشوفك وانتظر منكم خبر..
الله يحفظك ويبيحك ابشري يام العنود..
ثم تجي الام للي سارحه تحت الدريشه…
دانه يابنتي يادانه… ماترد
دانه يابنتي يادانه… ماترد
ثم تقرب وتهزها مع راسها
بنتي اسم الله عليكي… وين رحتي .. او وصلتي..
استحت ذيك البنيه… سمي يمه ..
سارحه بهم العمر..
قالت عندي لك خبر ..
جارتي ام العنود جايبه لك رجلاً يبيك
استحت دانه الخجوله …
وركضت ركضه خفيفه…
ولباب غرفتها قفلت….
وابتدت تعيد ترسم …
حلمها اصبح قريب..
اقترب اكثر واكثر …
راحت الام وتصوت ..
يارجل عندي خبر..
وابغى رداً منتظر..
وليته لوهو معتبر…
بنتنا جاها عريس والولد رجلاً شريف…
رد بصوتاً جشع…
هو غني ذاك الولد….
وابتداء بطول الكلام…
تحسب انه قام يسال .. وشهي اخلاق الولد
وشهو شغله وعمله…
وين ابوه ومنهي امه …
وين اخوانه وعمامه…
وابغى اسال عن خواله ..
لا لا يالاسف
قام يسال كم رصيده بالبنوك
وكم من الراتب يجيه
وفلته باية مخطط.. وعنده املاك وصكوك..
باختصار كم يبي يدفع مهر….
جاوبت وبصوت خافت ..
خاف ربك يارجل..
شوفها دموع بنتك..
سايله فوق الخدود..
اغرقت عيونها كلها سبة قهر…
قال وبكل الغرور…
بنتي للي يدفع اكثر …
يارجل بنتك تراها..
ماهي سياره وبيت..
رد بصوت غاضب اسمعيني يامره…
بنتي وبكيفي ابيها..
تجلس فبيتي رهينه ..
اي شخصاً جاء يبيها..
يدفع فلوساً كثيره…
ومرت سنين عديده..
لا زواج ..
ولا عريس….
ولا حلوماً انبنت…
عنست ذيك الحزينه..
وانكسر عمر الفرح ..
وذبل ورد السعاده في حنايها ومات …
وابتدء شوك الحزن ينزرع بين الحناجر.. والضلوع
لين ما وصل لحد القلب ..وزود للفروع…
ودها تحكي ولكن…انتهت كل الحدود
ودها تبكي ولكن.. عينها جفت دموع..
وابتداء دم العيون … ينهمل فوق الخدود..
لين ماتت ..ايه ماتت..
وماتت احلاماً كثيره ..
تندفن تحت التراب…
اه .. يادانه لو ادري .
ان حلمك بالفلوس ..
ادفع الي املكه ..
لجل ابيكي تفرحين …
لكن الي صار صار…
يرحمك ربً رحيم
ذيك دانه حلمها كان بيصير ….
ماتت الدانه الحزينه وحلمها ..
عيا يصير….
بعثرة حروف..احرقتها شمس العناء..ولم تجد سوى هنا ظلال لها…
اتمنى ان تنال على اعجابكم
دمتم بخير وسعاده
بوح في قمة الرووعة
تسلم الأيادي يالغلآ
والله يعطيج العافية
لاتحرمينا من يديدج
انا ذكر مو انثى لبى قلبك <<ههههههه
شكراً على اطرائك ..
دمتم بخير وسعاده
بصراحة ماأعرف أميز واايد
خخخخ وتشرفت بتواجدك معانا بالمنتدى
دمتم بخير وسعاده
كلماااااااات روووعه بعني الكلمة
نترقب اليديد
مع تحياتي ::
بلسم الجروحي
بعد أن فرغت من قراءة القصة التي بدأت بالضحك واللعب والمشاكسة
وأنتهت بموت الدانة
في لحظة غلاء المهور
بعد أن فرغت من قراءة القصة شعرت أن حلقي جافاً ………………………………
وأني بحاجة إلى نهر من الماء العذب
ليغسل ما تكلس فيه من أملاح
وأجد نفسي محتار
هل ألتفت لمعاني هذه القصة وتداعياتها وطريقة طرحها المباشر بلغة تغلب عليها البراءة
أم ألتفت لموت الدانة الضحية .. ؟!
قد يكون هذا بعضاً ممافيه…
اسعدتني طلتك..
دمتم بخير وسعاده
ووووووووووووووووووووووووو
وووووووووووووووووووووو
وووووووووووووووو
ووووووووووو
وووووو
ووو
وو
ع
الكلمات الغاويه
ونثريا جديدكـ