السلام عليكم ورحمة الله وبركاته ….تقبلوا مني هذا القصيد المتواضع 🙂
ياليل ماذكر في حياتي تمنيت … مثل ابتسامه تنتشل قلب منصاب
مليت ورب البيت ياليل مليت … من الجروح اللي تجيني بلا اسباب
تدري ياليل اني على الجرح غنيت … غنيت دمعه والصدى ضم الاهداب
تبي الحقيقة والصراحة ترجيت … فرحة ولكن الزمن بالعطا خاب
ياليل قلي بدنيتي وش سويت … حتى الهموم بداخلي تفتح ابواب
ان كان طيبي عيب ومشكلتي اوفيت … اموت صادق وارفض اعيش كذاب
هذا طبعي من ميزتي ماتخليت … عندي مبادئ دونها ترخص ارقاب
بيني وبينك ياكثر ماتعنيت … اركض بغرفة مغلقة مالها باب
غرفة وراها فرحتي دونها جيت … اركانها عتمة ولاحولي احباب
كاس الفراق المر منة تقهويت … انا اشهد ان الشوق بالليل غلاب
ياليل انا لاشفت طيفه قفيت … اقفي ولو خلفي كثيرين الاصحاب
الا جروحي كل مارحت واقفيت … جتني تحمل صدتي لوعه وعتاب
ماذكر ولو مرة بحياتي تهنيت … أتبسم والصدق عن شفتي غاب
صارت دموعي ضيف وعيوني البيت … ودايم تشوف من المناديل ترحاب
لاشفت شمس الصبح لعيونك حنيت … وفي داخلي حبر القلم بالشقى ذاب
اعفيك بحالتي واذا رحت ونيت … مابي تروح ودمعتي بين الاهداب
يالليل قل للصبح اني تمنيت … بس ابتسامه تنتشل قلب منصاب
وسلامتكم……
@مجنونها@
قصيدة رااقية قلبا وقالبا
معاني معبرة عن المشاعر الحزينة
وكلمات رسمتها بحروف الماسية
تسلم يمناك ع الابداع الرااقي
اخوي الغالي مجنونها
الله يعطيك العافية
ولاتحرمنا من يديدك
اخوك دحمود
مسسآك الله بالخير والبركة اخوي..
وصح لسـآنك ع البيـآت الكشخة..
تسسلم يمنآك ع الكلمـآت المعبره..
ربي يعطيك الصحة والعافية..
ونتريـآ يديدك..
وتقبل مروري..
وتسلمين ع المرور 🙂
Posted via Mobile Device
من طول الغيبات ياب الغنايم
مرور رائع وعيون براقة تطعم من رونق الأحساس ربي لا هانج ودمتي بخير وسلامه.
و كل الشكر ع المرور 🙂