يامن ظلاله صار للكون طايل
ينشر لظله فوق ماه وسهوله
==============
ترضى على اللي قدرهم صار حايل
قد حل جوف القلب وارخى سدوله
==============
في داخلي للشوق فرع واصايل
والفرع دايم ينبثق من اصوله
==============
نبات جذره بين نهر وجدايل
تسقى بعذب النهر واحلى غيوله
==============
مثل المطر فوق الروابي همايل
على جميع الارض عمت سيوله
==============
ما كل من يهوى المعزات نايل
ولا كل من نهواه دايم ننوله
==============
في شعركم شميت زهر الخمايل
من طيب زهره كل عين خجوله
===============
وعن ديار الشعر اصبحت سايل
اسئل بريد الشوق واسئل رسوله
===============
الشعر ما هو نحو والا مسائل
ولا سهوم ارباح حسب السيوله
================
في ساحة الميدان بالشعر صايل
دايم في الميدان ما اخشى نزوله
===============
في شخصكم ما نرتضي بالبدايل
ولا تغيرنا الحياه ابسهوله
الصقر