السَلامْ عليكـمْ ورحمَـة اللـﮧ وبـركاتـﮧ .. "
البـارت الأول .. "
أول شي بعـرفكم عـ الشخصـيات .. "
الجد .. ( بـو راقـي )
الجدة .. ( أم راقـي )
وعيـالهم شذى الربيـع ربـة بيت .. متزوجـة وفـ بيت ريلهـا وعندهـا
المـاسي وبنـوتة كيـوت .. "
وراقـي بأسلوبه دكتـور جراحة .. متزوج وعـايش ويـا أهله وعنده
العقـرب ونبض الأهلـي وشيخة الحلـوين .. "
والحبـوب دكتـور فـ الجامعـة .. متزوج وبعـد عـايش ويـاهم وعنده
المجهولة وسـورية بهـواهـا .. "
وبنت آل علي آخـر سنة فـ الجامعـة .. "
ولمسـة براءة ثـانوية عـامة .. "
المـاسي يداوم فـ المطـار ( شفتـات )
بنوتـة كيوت آخـر سنة فـ الجامعـة ويـا بنت آل علي
نبض الأهـلي تداوم فـ الشرطة ( وكيـل )
شيخة الحلـوين ثـانوية عـامة ويـا لمسة براءة
سـورية بهـواهـا ثانوية عـامة ويا شيخة ولمسة
أبو راقـي وأم راقـي فـ حجرة .. "
راقـي وحرمته فـ حجرة .. "
والحبّـوب وحرمته فـ حجرة .. "
بنت آل علـي فـ حجرة .. "
لمسـة براءة وشيخة الحلـوين فـ حجرة .. "
نبض الأهـلي فـ حجرة .. "
المجهولة وسورية بهـواهـا فـ حجرة .. "
العقـرب فـ حجرة .. ( بعيد عن البنـات ههههه )
وحجرة الخدم الصوب الثاني .. "
وحجرة فاضية حق الضيوف .. "
وبرع حجرة السـايق .. ( أنـور )
همسة ( 2 ) : مـا حبيت أذكـر أسامي حريم الشباب منعـاَ منالإحـراج .. "
همسة ( 3 ) : المجهولـة طبعا مب ويانـا فـ المنتدى وما لها وجود بس ما حبيت وحدة منكم اتكون مكانها .. "
على طاولـة الطعـام بـو راقـي ومجابلتنه أم راقـي .. "
الحبـوب : مـا عليه أبويه بس مستعيـل .. "
أم راقـي : عـ الأقـل كِلْ لك شي .. "
الحبـوب : لا الغـالية روحي متأخر .. "
مرت راقـي : هلا صبـاح الخيـر .. "
مرت الحبـوب : أهلين .. صبـاح النور .. "
مرت راقـي : بلاج . ؟
مرت الحبـوب : مـاشي .. أودي الشـاي برع . ؟
مرت راقـي : هيه الغالية .. روحي وأنـا بلحقج .. "
فـوق ( صوب حجرة نبض )
نبض : منووو ؟
شـوآخ ( بصوت بريء ) : أنـا شـوآخ .. "
نبض : دخلي .. حيـاج مـاما .. "
شـوآخ : نبضووه أبـا جحـال .. "
نبض ( وهي تلبس الجوتـي ) : فتحي الدرج اللي عندج وخذي .. "
شـوآخ ( تفتـح الدرج ) : بـل نبضـوه كـل ها عندج وما تحطين شي .. "
نبـض : يـا ماما فـ الدوام ممنـوع .. بس يوم أظهـر ويـا ربيعاتي مب ممنوع .. "
ويرن فـون نبض يـا حبي الأول والأخيـر .. تدري فـ غيابك وش يصيـر .. "
( وتأشـر حق شـوآخ عسب تظهـر ) .. "
نسايم : هلا نبضووه وينج .. "
نبض : أهلين نسووم بعدني فـ البيت .. خيـر ؟
نسايم : لا مـاشي .. بس أسأل .. يلا نتلاقـى فـ الدوام .. "
نبض : عـ خيـر إن شـا الله .. "
تحت فـ الطايق الأرضي .. "
لمسـة : هلا الغـوالي .. أمييه وين الباجين ؟
أم راقـي :أهليين .. حريم خـوانج فـ المطبخ .. والحبـوب ظهـر .. "
أبوراقـي: والبـاجين فوق .. "
لمسـة : أهـا .. "
راقـي : هلا بنتيه .. جيه متأخـرة عـ المدرسة .. ؟
شـوآخ : تو النـاس أبويه ههههه .. "
أم راقـي : هلا ولدي راقـي حياك الفطور زاهب .. "
راقـي : هلا أميه .. سامحيني ما انتبهت .. مشكورة ما أشتهي .. "
أبـو راقـي : خير عيل .. اطلع فوق وارتـاح .. "
نبض : هلا أبـويه .. "
راقـي : أهلين ( ويـروح عنهـا ) .. "
مرت راقـي : خلاف بروح لـه عمي .. "
نبض : يدووه وين بنتـوه ؟
أم راقـي : أظني راقدة .. "
أبـو راقـي : جيـه ما وراهـا جامعة .. "
أم راقـي : عندهـا بس مـا عندهـا محاضرات الصبح .. "
الكـل : صبـاح النور .. "
أبـو راقـي : ويـن ويـن .. أمج تقـول ما عندج محاضـرات الصبح .. "
بنت آل علي : هيه أبويه مـا عندي .. "
لمسـة ( بنبرة سخـافة ) : عيل ويـن طايـرة .. "
بنت آل علي : جب انتي .. أبويه بنوتة بنت شذوه برع بسير ويـاها السوق .. "
أم راقـي : ربي يحفظج .. "
بنت آل علي : مع السلامة .. "
……
أبـو راقـي : عيـل وين العقـرب .. "
مرت راقـي : حليـله .. مداوم طول الليـل .. وتوه راد ورقـد .. "
نبض : هيه يدي .. تدري عـاد دوامه صعب وشفتـات .. "
لمسة : لا صغير .. ولا شي بس يتدلع .. "
شـوآخ : صدقهـا لموس .. جدامكم نبض أصغـر عنه ودوامها تعب .. "
نبض : هههههه دبووه بس دوامي حلـو .. "
مرت الحبـوب : مع السلامة .. "
وطــاااااااخ .. صوت بـاب البيت .. "
أم راقـي : وين ظهـرن بنـاتج .. ؟
مرت الحبـوب : خـالتي ما أدري عنهم .. كل وحدة لسانها شـو طولـه .. "
شـوآخ : أكيـد المجهولة بتوصل سورية المدرسة وبتسير الدوام .. "
لمسة : شو هـاي الحركات .. يعـرفون ان نحن بنظهر ويا بعض .. "
شـوآخ : مرت عمـي .. كف عـ الويه يأدب هههه .. "
الكـل : ههههههه .. "
مرت الحبـوب : محد مخربنهم غير أبوهم .. "
مرت راقـي : يلا بستأذن .. بسير أشوف راقـي .. "
أبـو راقـي : عيل أنـا بعد بروح الشركة .. أنـور زهب الموتـر . ؟
أم راقـي : هيـه ويتريـاك خـاري .. "
احم احم اول بااااااااركن لي اانااااااااا لووول
ماشاء الله .. شووو هالابداااااع يا نبووووضه ..
كاتبه قصه عن اعضاائنا الحلويــــن *_^
فكره حلوة الصراحه ..
حبيت فيج هالخطوة الحلوة فـ كتابة القصه ..
تعليقي ع القصه ::
اممم حاليا ماصارت اكشنات .. بس يعني اتعرفنا ع الشخصيات عدل
كانت يمعه حلوة
ان شاء الله انجووف اكشنات وتشويق فالاحداث القادمه عسب انحط لج ختم التمير *_^
ولج مني التقييم والستارز على هالبادره الطيبه منج ..
وتقبلي مررووري البسيط ..
وبانتظار باجي البارتااات
خويتج : دموع البعد
|
ههههه تسلمين حبوبة .. "
واللهي أنتوا اللي منورين القصة .. "
تو النـاس يا حرمة .. "
فـ البداية حبيت اعرفكم ع الشخصيات .. "
ومشكورة عـ التقيييم .. "
نورينـا خيتووو .. "
|
لك بحبـك كتييير ههههه .. "
عسـى دوم هـاي الإبتسامة .. "
لك فديييت الضحكة تؤبرنـي .. "
( ترا ربيعاتي سوريات تعلمت شوي ههه ) .. "
هيه بعد شو .. ملسوونة .. "
الشخصية ضابطة عليييج .. "
ههههه أسولف دبوووه .. "
مشكورة عـ الطلة الحلوة .. "
ماشاء الله ماشاء الله ..
عيال النبض في قصة .. يا سلااام
بادرة حلوة منك ŋbđ άlăђli
كنت أقرأ القصة وأنا فرحانة والإبتسامة محتلة المكان خخخ
إلى الآن:
الحبوب شكله مسوي مصيبة خخخخخ 
ومتحمسة أعرف سالفة المجهولة
لسه محتاجة وقت عشان أضبط علاقة الشخصيات ببعض
لكن بداية متميزة ورائعة ،
سلمت يمناك ŋbđ άlăђli ..
تستحقين التقييم 🙂
في انتظار الجزء القادم على أحر من الجمر
^_^
ذكرتنـــْي القصه بـ زوآرة الخميس ^^
الشخصيات ماشاء الله وايد ، والأحلى انج مقتبستهم من النبض
اسلووبـْج حلوو + وممتـــْع
ننتظر قصـة كل شخصيه من شخصيات القصــْه
اسمحيلي ع الرد المستعجــْل ،
بـآنتظـآر البارت الثانــي بشوووق ْ
ولي عووده مره أخرى ان شاء الله