لون عينيكِ… يتجدد ….. يتألق … بالعدسات …. اسرار العدسات وكل مايتعلق بها
كيف تختارين عدساتك ؟……………………..
هناك عدة اعتبارات تؤخذ بالحسبان …..
أولا : لون بشرتك :
البشره البيضاء مثلا تليق بها كل الالوان تقريبا ، اما السمراء فتليق بها بالغالب ( العسلي والرمادي والبني والاخضر الغامق والتركواز ) طبعا يؤخذ بعين الاعتبار تورد البشره وشحوبها والمكياج الملائم لكل بشره .
ثانيا : لون عينيك الطبيعي:
العيون الفاتحه :
بالغالب يتوفر في كل ماركه مجموعه خاصه لذوات العيون الفاتحه وبالغالب تكون الوان العدسات ذات شعيرات ملونه بلون فاتح نسبيا نظرا لان العيون الفاتحه تمتص اللون اكثر من العيون الغامقه التي تحتاج الى شعيرات اغمق .
وهذه اغلب الالوان الخاصه بالعيون الفاتحه
العيون السوداء:
معقده جدا في اختيار العدسه ، ولنتيجه افضل في العدسات يجب مراعاة اختيار الوان مناسبه فالاخضر بالغالب لايعطي النتيجه المرجوه عليها ، واكثر الألوان وضوحها عليها ( العسلي ، التركواز ، والرمادي )
العيون البنيه والعسليه :
مثاليه جدا للبس العدسات فاللون بالغالب يطابق ماهو معروض بالصوره ……… وتليق بها اغلب الالوان
وهذه الالوان التي تليق بالعيون الغامقه
تختلف العدسات من حيث المده :
تتراوح بين اليومي ………والاسبوعي …. والشهري ….. والسنوي …… ومنها الدائم ( البعض لسنتين ، ثلاث ، اربع ، خمس سنوات )
طبعا تقاس حسب عدد ايام استخدامك لها ……………
يعني مثلا الاسبوعي معناه انك تلبسين العدسات سبع مرات . والمده اللي تقرينها بكرتونةالمنتج هذي مدة انتهاء المحلول مو العدسه .
طبعا اسعار العدسات:
تقاس بمدتها ………. كل ماكانت مدتها اطول كل ماكانت اغلى ………….وفيه اعتبارات اخرى
الدائمه سعرها يتراوح بين 300 الى 600درهم للزوج الواحد .
الشهريه بين 80 الى 200 درهم
وفيه الماركات اللي تحمل اسماء مصممين عالميين تكون سعرها غالي شوي 900 درهم وفوق .
وطبعا فيه اعتبارات اخرى تقاس بها سعر العدسه :
مرشح الاكسجين : وهي العدسات اللي تكون فيها مسامات عشان الحدقه تمتص الاكسجين اكثر وهي بالغالب عدسات صحيه ومريحه
نسيج العدسه ياخذ بعين الاعتبار. ودرجة وضوح الرؤيه بها .
ومدة صلاحية العدسه مالها علاقه بجمال اللون يعني سواء شريتي عدسات اسبوعيه او دائمه من نفس الشركه راح تكون نفس اللون بس الشعور بالراحه فيهم يختلف نوعا ما .
وممكن معرفة مدة صلاحية العدسه :
إذا حاولتي تلبسينها راح تتعبين في لبسها اكثر من قبل
راح تزلق شوي من الحدقه
بتلاحظين ضبابيه في الرؤيه
ألم في العين وصعوبه في فتح عينك بعض الاحيان .
ملاحظه :
حذاري من لبس العدسه بعد انتهاء مدتها لانه ممكن تسبب ضرر في الشبكيه أو خدش في الحدقه .
اما اشهر شركات انتاج العدسات فهي
ـ فريش لوك ( freshlook ) :
واعتقد انها اكبر شركه تحتوي على مجموعه كبيره من الألوان ومتنوعه
و طبعآ بالاخير لايوجد افضل من الطبيعي……….
معلومات حلووه ..
تسلم اخوي على الموضوع الحلوووو ..
وان شاءالله الكل يستفيد منه.. من ناحية اختيار وتحديد نوع ولون العدسات..
عساك عــ القوة دووووووم ..
وكل الشكر لك على المشاركات الطيبه والتفاعل الطيب من خلال مجلس الأسرة والمجتمع وانشالله اشوف منك هالتميز والتواجد في مجلس الاسرة والمجتمع باستمرار … ولا حرمنا جديدك
خاطري اجرب لو رمادي
بس العدسات الملونه لها مضار أكثر من العدسات الشفافه بدون لون
مشكور الساهر
وانتظر يوصل لي العدسه الرماديه