السلام عليكم ..
شحالهم عرب زايد ؟؟
حبيت انقل لكم قصه الحادث من لساان سعود مباشره
قصة الحادث
بسم الله الرحمن الرحيم
اخواني وخواتي بكتب لكم قصة الحادث اللي حصل يوم امس الموافق 13 من شهر اغسطس 2024
وتفاديا لبعض الإشاعات لي طلعوها بعض محبين الاشاعات
كنت طالع من البيت على الساعة 5 ونص رايح لمول الامارات ومعايه اخويه عبدالعزيز
طلعت من الاشارة الثانية في منطقة البرشا بالقرب من المول
وعلى بعد ثلاثين متر كنت اشوف العمال يعبرون الشارع من مكان غير مخصص لعبور المشاه
المهم انا شفت هذا الريال واقف بعده ماعبر قبل ثلاثين متر
ولما عبر الشارع انا خفيت سرعتي اللي ماكانت تزيد عن ال 80 كلم فالساعة
لين ماتخطى الشارع اليسار اللي كنت فيه ووصل نصف الشارع اليمين كنت بمقربة الثلاث امتار منه
العامل مرة وحدة ماعرف شو حصل له بالضبط هل هو ناداه احد اصدقاءه ام انها صرخة ملك الموت بانه قدره على سيارتي ام انه كان سكران ومدوخ ماعرف شو بالضبط لي ياه مرة وحدة لف ورمى نفسه على سيارتي اللي كنت اقودها تقريبا بسرعة 70 كلم فالساعة
طبعا كل اللي اعرفه ان الكيس الهوائي طلع والريال طار بمسافة 15 متر وارتطم بحاجز خشبي وفارق الحياة في لحظتها
انا نزلت من السيارة انادي على اخويه واركض باتجاه العامل الهندي الجنسية والهندوسي الديانة متمنيا انه مازال على قيد الحياة لكن للأسف
اتصلت بالشرطة اللي كانت موجودة خلال 3 دقائق مع سيارات الاسعاف لكن ماباليد حيلة وقدر الله وماشاء فعل
طبعا تم الانتهاء من تخطيط الحادث تقريبا على الساعة 8 المساء بعدها ذهبنا لمركز شرطة بردبي وتم اخذ الأقوال وانتهيت من الموضوع على الساعة 12 فالليل وبعدها رجعت البيت
وحاليا نتريا حكم النيابة فالموضوع
وسجل الحادث على انه التسبب في دهس شخص بغير عمد
وانشالله اول مايظهر الحكم فالقضية راح اخبركم
الواحد ماوده يقتل حتى ذبابه
لكن هذا يومه وهذا قدره ياخواني
صورة العامل ماتفارق بالي لكن ماقول إلا لاحول ولاقوة الا بالله العلي العظيم
والف شكر لكل اللي سألوا عني
انا الحمدلله بخير ولم نصب باي اذى لا انا ولا أخويه
وأزمة وتعدي انشالله
و السموحه ع القصور ..
.. منقول .. :067h:
الله يرحمه 🙁
……………………….. دمتو بسهاله
مشكوره خيتو ع الموضوع .. و الله يدخله الجنه ..
و إنشاء الله يظهر سعود الكعبي بريء ..
والله يعينك يا سعـــــــــود
وتسلم يمناج أختي.
والله يصبره ويظهر من ازمته
مثل ما قال ها يومه وها قدر ربنا
لا هنتي عزيزتي
و الله يرحمه الريال
و مشكورين ع المرور حبايبي .. نورتو الموضوع ..
تسلمين اختي ع الخبر
الله يرحمه
انا شفت سيارتهم كانت رنج بيضا بعد وبصراحه عورني قلبي يوم شفت السياره حسيت انه الريال اللي اتوفى صدق اتعور من الخاطر … الله يصبر اهله بس
تسلمين الغلا عالخبر
والسموحه منج