السلام عليكم ورحمه الله وبركاته
معكرونه بالجبن
قبل كل شي اخبركم انا ماعندي مقادير كل حد يسويه على حسب ما يشوف يقدر المقادير بالنظر
مقادير المعكرونه
*معكرونه مسلوقه
* دجاج مسلوق ومفتت
* بصل مقطع شرائح
* ثوم + زنجبيل طازج + فلفل حار مهروس
* طماطم مقطع
* فلفل أخضر حلو (الرومي) مقطع
* كزبره مفرومه
* قليل من معجون الطماط لا تكثرون أو لا تحطونه كيفكم
* ملح
* بهارات ( كركم.قرفه.كمون. بزار أو أي نوع تحبونه من البهارات)
* ماجي
* ورق غار وأنا بعد احط نوع ثاني ورق كاري أو غار ما اعرف اسمه مب مجفف طازج ومب شرط تقدرون تستغنون عنه
طريقه عمل المعكرونه
* يحمس البصل بقليل من الزيت حتى يذبل
* يضاف الدجاج والثوم والزنجبيل والفلفل المهروس ويترك قليلا
* يضاف الفلفل الحلو والطماطم ويتبل بالبهارات والملح وغيرها ومعجون الطماطم والكزبره ويترك قليلا
* تضاف المعكرونه المسلوقه إللى الخلطه وتقلب جيدا
* توضع المعكرونه في صينيه فرن البايركس ويساوي سطحه
بالمختصر اطبخوا المعروكه بالطريقه اللي تعجبكم بهالمقادير لأني انا اطبخه بطريقه ثانيه فما ابي اطول عليكم فاختصرت لكم بهالطريقه وكل واحد مزاجه بالطبخ والطريقه
مقادير خلطه الجبن
* 2 علبه قشده
* 1 كوب جبن موزاريلا
* 1 غرشه جبن كرافت السائل الصغير
* 6 أو 5 ملاعق أكل مايونيز
* 1 بيضه مخفوقه لدهن الوجه
طريقه عمل خلطه الجبن
* توضع جميع المقادير ما عدا البيض في خلاط المولينكس وتخلط
* تصب خلطه الجبن على المعكرونه واذا كنتوا مسوين أكثر من صينيه كرروا الخلطه
* يدهن السطح مب سطح بيتكم سطح المعركرونه بالبيض وتوضع في الفرن إلى أن يصبح لونه ذهبيا
لا تخافون من الصوره هي حلوه بس انا ما اعرف اصور وأنا ما احب ازين الأكل من الجدر للبطن بدون تزين وهالسوالف
هني وعافيه
مشكوره ياراعية المعكرونه
ان شاء الله الجدر بيوصل على البريد المسجل .. ( جدر معكرونه )
العفو
صينيه بايركس مب جدر .. عشانك بنسويها بجدر وبنطرشه مع السايق
وللعلم فقط نحن ما عندنا سايق
مشكور على تواجدك الدائم
وشكله لذيد
انا بجربه
وبرد ع الموضوع
لالالالالالالا…
تشتغلين من ورااااي؟؟؟….
وطلعتي تطبخين ولاتعلمين…. 🙁
انا الصراحة 😮
😀
اقوول ياا خطيرة..
شكلها وايد حلوو هالمعكروونه…
بس احسها باللحم احلى… اتعرفين بيتنا لواحم…:p وبيتكم دواجن..
وتسلم هالاياااادي…
والله يعطيج العاااافية…
ولد البلاد … جربه ورد لنا خبر .. مشكور على تواجدك
ورده جوري … 
جربيها باللحم وقولي لنا شو طلع وياج
ونحن بيت الدواجن ما انتوب يوم نسمع عن مرض الطيور …واللي بالبيت ما يحبون اللحم المفروم وايد إلا للكفته
مشكورين على تواجدكم
اليوم وسويته حق العشا
وعجبهم الصراحه
وايد حلو طعمه
وخاصة الطبقه العلويه
اشكرج اختي سراب الدمع
ما شاء الله بهالسرعه جربته يا ولد البلاد الحمدلله نجحت معاك
ولد البلاد & مالك
مشكورين على تواجدكم والرد
ويييييييييينك يا طباخنا 🙁
محد يطبخلي هني 🙁
خخخخخخخخخ
تسلمييييييييييييين حبي
بس 20 قشطه مب وايد
ثااااااااانكس
و نشوووف يديدج دوووووووم ان شا الله
فمان الله
SweeTo0o