السلام عليكم
مرحبا اخواني اشحالكم انا ما عندي هالجلام الجثير
بس شفت انه سراب ما ترقد بالليل قلت خلني احطه كموضوع
انزين
اليوم كنت حاط الراديو اسمع احد المشايخ لي رب العالمين سبحانه
جعل لنا الليل لبسا
قال الشيخ
وقت الليل خاصة تستوي العملية الصنوبرية
ألا وهي جرج للعقل والبدن . سبحان الله
وسبحان الله يعني لو نمت بالنهار ما يتجرج او بمعنى ثاني تاخذ الراحة والطاقة من نوم الصبح
وقال الشيخ حتى ولو نمت بالليل وانت امشغل الليت بعد ما يتجرج العقل و البدن بالكامل
و سوو بحث بالناس اللي تشتغل بالليل مثل المطافي والاسعاف وغيرهم انهم مدى نبض القلب اقل من نبض قلب الرجل السليم الذي ينام بالليل
وبعدين انا نزلت من السيارة كان عندي شغل يعني لو كنت يالس كنت بكمل كم شو قال الشيخ
طبعا كان البرنامج اليوم العصر اف راديو الشارجة 31/8/2004
وهاي النصيحة اوجهها لنفسي اولا ولكم اخواني
الحينه بسير ارقد
لكم مني تحية وسلام
لالالالا
أهلي وربعي وأحين بالمنتدى نصايح نصايح عن سهر الليل وين اودي ويهي الكل لاحظ هالعاده :doh:
مره سرت العياده عطوني منوم بس ما خذته قلت آخر عمري أرقد رقاد بالمنوم ما اسويها والله وفريت الحبوب
يعني شو الحل .. وطبعا هاي حالتي تقريبا من خمس سنين كيف بهد هالعاده محتاجه لوقت وخاصه انه جسمي تعود ع هالشي … وعادي اسهر اصلي الفير وأرقد ساعه وانش اسير الكليه يستغربون
كل ما أحاول أعدل رقادي يومين ارقد بالليل طبعا ع الساعه 2 أو 3 بالليل بعد أقول أحسن من السهر طول الليل بس أرجع لحالتي أسهر يعني ماشي فايده
وبعد جربت أواصل يوم كامل وأرقد بالليل بس أرقد شوي ما يصير الساعه وحده بالليل إلا عيوني مفتحه يعني خلاص الحاله مستعصيه قلت يمكن حاطين فيني منبه ع الساعه وحده أنش ولو فيني رقاد … لا شعوريا انش بالليل
المهم صح رقاد الليل ما يعوضه الرقاد بالنهار
فالانسان يوم يرقد بالليل جسمه يفرز هرمونات ويقوم بعمليات الحرق وغيره وهالشي ما يصير الا من رقاد الليل يعني لو رقدت بالنهار هالعمليات اللي يسويها الجسم ما تصير …. وسمعت انه السهر يمتن :bored:
وتسلم خيماوي ع الموضوع
وان شاء الله اتغير … المحاولات مستمره
سراب لحقي على عمرج شو ها
أقولج شي عدي من الواحد للمليون بييج الرقاد من الملل خخخخخخخخخخخخخخ
وإذا ما ياج الرقاد بطرش لج الينانوه بيسهرون وياج هههههههههههه
.
الحمدالله نا ماسهر بس مرات اذا في حد يلس وياي ..
سراب مامنج فايده بغيت اعدل فيييج بس اظاهر ماتمشين الا بالهزاب…
بس علشان اجازه اكون سهران
اما الايام العاديه حدي الساعه 12
See Ya
على الموضوع ويعطيك العافيه
وانا من ناحيتي .. مااسهر وايد … نادرا . ما اطول لين الفـجر .. وان طولت عندي شغل …
المهم ترى كثر السهر ينقـــــــــــــص بالعمــــــــــــــر
والله اعلم ..
في امان الله
دنجر ماوس
ووالله اقرا انا مجلات عربيه واجنبيه كلهم يقولون النوم ارخص ادوات التجميل
ويمكن الأولاد مايهتمون بس البنت مشكله لو اسود تحت عينها من السهر اكييد يغطي على جمالها الرباني .وسبحان الله اللي يمشي يومه بلعكس اكيد يتعب جسميا ونفسيا
والله يعطيك العافيه ياخيماوي
بومــــــايد…..
أنا الحمد لله أنا مش بسهر
سلااااام
جذي كملتوا فوائد النوم بالليل
الشكر والتقدير على التعليقات المفيده
ولكم مني تحية وسلام