التصنيف: القصص والروايات

كنا 7 بنات خوات بقولكم قصة وفات خواتي ال5 الله يرحمهم من كان عمري 3 سنوات و بقولكم اعمار خواتي اللي توفو من و انا 3 سنوات
بقولكم من الاصغر للاكبر
اسماء : لم تنجب بعد
اميرة (انا) و عندي توأم إبتسام : 3 سنوات
احلام : 9 سنوات
اماني : 13 سنه
آمنه : 17 سنه
ايمان : 21 سنه

انا من مواليد 1994
عام 1997 كان عمري 3 سنوات , في تاريخ 23-ابريل كانو اهلي يجهزو لسفرتنا لـ الهند و في هذا اليوم طلبت امي من اختي إيمان انها تروح للسوق تشتري شنط و غيرة نطت اختي آمنه و قالت بروح معها و ابتسام اختي التوأم كانت تحب اختي امنه جافتها راحت قالت بروح معاهاو ركبو السيارة
كانت ايمان تسوق و جنبها امنه و فوق امنه قاعده ابتسام و كانت ايمان مسرعة و تمشي في الطريق الطويل رايحة للسوق اللي يبعد من بيتنا يمكن 40 كيلو , انا كنت صغيره ما اعرف تفاصيل الحادث كثر ما اعرف ان طلعت لهم شاحنة و دخلت السياره كامله تحت الشاحنه و في هاليوم ماتو اول خوات لي مع التوأم اللي كنت متعلقه فيها كثير و للحين لي صور معاهم
ماتو كل اللي كانو داخل السيارة " ايمان , امنه , ابتسام " اول 3 خوات يموتوون
الله يرحمهم

يوم كبرت و صار عمري 6 سنوات , عام 2000
امي انجبت بنت سميناها " اسماء "

و في عام 2003 يوم كان عمري 9 سنوات
كان عمر اختي اسماء 3 سنوات

كنا على عيد الأضحى , اااااهههه كانت اسوأ اياام حيااتييييي
في عيد الاضحى كانو كل العائله يتجمع في بيتنا لأن بيتنا كان اكبر بيت فالعايله و كلهم يحبون ايوون يعيدون عندنا الحمدلله
طبعا فالعيد كل الحريم يقعدون مع بعض و الرجال مع بعض و يخلونا نحن الصغار نلعب فالحوش
لييين ما خلص اول يوم عيدو الكل قام يروح لبيته فالليل و صار البيت شوي شوي يففضى
و امي كل شوي تسأل وين أسماء وين أسماء كنا نققوول مع الخدامه لا وينها اكيد مع ابوي راحت ولا مع اخوي محمد و كنا كثيير متوتريين
و اسئلة امي المتكرره كانت توترنا زيااده
لين ما جت اختي احلام اللي كان عمرها 15 سنه تصرخ علي و تقول كله بسببج انتي اللي ما جفتيها كنت اقولها انا كنت العب و كانت تصارخ اكثر و تقول حتى هي تلعب ليش ما جفتيها معاج و جللسسستت ابكيي و طلعت الشاارع و رحت للجيران و اقولهم ويين اسماء و ما ابي اجووف اميي و لين ما جت الساعه 3 الفجر و امي صارت تبكيي و كلنا نسمع صراخها
و اخواني يتصلون على خوالي و عشان اييوون و ابوي يتصل عالمعازيم اللي كانو موجودين يمكن ركبت معاهم بالغلط
و كل شوي احلام تيجي و تقولي كله بسببج و انا كان عمري 9 سنوات كنت احس ان الدنيا كلها ظلمت في ويهي و اماني مع امي تهديه و كلنا ما نعرف شنسوي
امي حالتها كثير كانت تحاول تحمينا بعد اللي صار مع خواتي ال3 كانت تخاف علينا كثير
تلوم نفسها تقول : انا عمري ما غطيت عيني منكم و هاليوم بس جلست اضيف الحريم تختفي بنتي مني
و كلنا قعدنا نبكيي و ما نعرف شو نسويي لين ما مر يوم كامل و اتصلنا فالشرطة و بلغناهم عن اللي صار و امي بس منسدحه منهد حيلها
ااااهههه ولا ما انسى منظر امي الفقيره المسكينه اللي بس ما بايدها الا القرآن تقراه و تدعي مووت و تبكيي
و اختي اماني اللي تضاربت مع اختي احلام بسبت الكلام اللي كانت تقوله لي
حسيت ان كل شي بسبتي انا اللي ما انتبهت لها حسيت اني ابي اهرب من البيت عشان ما يصير شي

لين ما اجا ثالث يوم من بعد اختفاء اسماء
انقطع الماي عندنا و كنا ما نقدر ننظف المواعين ولا نتسبح ولا نتغسل
و امي صارتفيها حالة بس منسدحه و تنطق اسم اختي و كنا كلنا كأننا اوليوم تغيب عنا اسماء
اتصل اخوي محمد في خالي و قاله ان الماي انقطع عندنا
اجا خالي بيتنا و قال بيروح يشوف التانكي اللي ورى البيت مال الماي يجوف اذا بسبته ولا نتصل عالعمال
راح خالي ورا البيت و انا لحقته و كانت معاي لعبتي ماسكتها
طلع فوق التانكي و كان مفتوح و تم واقف مكانه ساعه و طالعني و وجهه كلههااا دموووع و حمممرراااا و قالي روحي نادي محمد قلتله اوكي
و رحت اركض البيت انادي محمد ما لقيته و رحت عند امي قلتلها ماما خالي علي يبا محمد و قالتلي فالحمام
و تمييت ادق عليييه البااب بقوووهه و فتح و قلتله خالي يباك ببسرعه
و راح لخالي و رحت انا ورااه و فجأه وصلنا عند التانكي نجوف خالي مححد
قالي وينه قلتله ماعرف كان اهنيي و فجأه نسمع حد يصااااااارررررخخخخخخ داخل التانكييييي
اخويي محمد طلع فوق بسررعه و جاف خالي و انا كنت تحت و فجأه اخوي محمد يصارخ يقول : لاااا لللااا ياا خااليي عليييي لاااا تقووووول
و اسمع خالي داخل التانكي يقول : مااااتتتتت مممااتتت ماااا تتححرررككك
اناا سممععتتهه صرخختت قلتت: ااسسسمممااا ااسسسمممااا داااخخخللل
اااههه اااهههه والله ما انسى هاللحظه من عمري تمنييتهم يطلعوها و يعطوها روحي و انا اموت بدالهاااا
رححتتت دااخخللل اركضضض ابكيييي و ماا كلمت حد و جلست فالغرفهه ااببككيييي و انا هذا كله عمري 9 سنوات
و فجأه اسمع تحت صرااخ اميي عرفت انهم جابولها اسماا و صراخ احلام و وراهاا اماانيي
وانا سااكتتههه فالغرفهه و خايفه اقول الحين اختي احلام بتييجيي تذبحنيي و اقول كله بسببيي
كاااانننتتتت اسوء ايااام حياااتتييي
كانت الاكره و الابشع كنت اتمنىى اموووت مابييي اعيييششش
و هاذي كيف ماتت اختي اسماء

امي من بعد وفات اختي اسماء كثير تغيرت و صارت ما تطلعنا من البيت ابد و لونروح المدرسه نروح معاها هي اللي توصلنا وتجوفنا

اعييش الالم و الذكرياات كل ما اشووف اميي اللي تقوي نفسها عشااناا

بكمل لكم قصة وفات اختي الخامسه

و اتمنى من قصتها تكون عبرة لكم يا بناات لأن جد اختي احلام قصتها فضييعه

صح اني لازم ما اقولها و استر على اختي لكن دامكم ما تعرفوني عدل ولا تعرفوها
مافيها شي لو قلت قصتها ليعتبرو فيها البنات

في عام 2006
كان عمري 12 سنه
و كانت اختي احلام عمرها 18 سنه

كانت اكثر الناس قريبه مني كانت مثل اختي و امي و دكتورتي و استااذتيي ااااهههه استغفر الله العظيم يارب

اختي كانت تحب واحد من برع العايله و محد يعرف عنه ابد و هذا الانسان كان مثل الثعلب يكذب عليها في كل شي
كنا انا و احلام اختي في نفس الغرفه كنت اسمعها لما تكلمه فالليل و كانت جد جد تحبه كانت لما ما تكلمه تقعد تصييح و تقولي يا اميرة انا احببه وينه ما يرد علي كانت تثق فييني و انا اثق فيها مووت
كانت تجوفني عمري من نفس عمرها و تحبني و احبها
اااههه والله اني اشتقتلها مووت استغفرالله ياااارربب
المهم
في يوم من الايام قالتلي انها تبي تشرد من البيت فالليل و تبيني اغطي عليها
و كنت اقولها انا اخاااف و غيره كانت تقولي شو اسوي و فهمتني انها ما بتتأخر
و انا صدقتها و سويييت مثل اللي تبيه و طلعت معااه فالليل بعد الساعه 1
و تميت انا خايفه و انتظرها و فجأه دقت الباب و انا خفت قلت يمكن هاذي امي شو اقولها لو سألتني عن احلام
و فتحت الباب طلعت احلام و دخلت الغرفه و بإيدها باقة ورد و كاانت طااييررهه من الفرححهه و انا والله ما انسى هاليوم اللي دخلت علي اختي فييه و هي متشققه من الفرحه
و اجا اليوم اللي بعده و بعده
و كانت احلام كل يوم تطلع فالليل و ترد البيت قبل اذان الفجر
لين ما اجا اليوم اللي جت فيها امتحاناتها الثانويه و ماقدرت تطلع
و مرضت اختي كانت ترجع و تزووع و تييها الام في بطنها
انا خفت و مستغربه شو فيها اختي
و كنت اطنش اقول يمكن شربت شي ولا اكلت شي عور بطنها
مر اسبووع كاامل و اختي مرميه عالفرااش تبكي تبكي انا عرفت ان حبيبها خلاها
و تتصل له فالليل و تقوله شو اسوي و انا اسمع و ساكته قلت يمكن متضاربين كالعاده
وقتها جتني العاده و رحت عند امي اقولها اماه انا جاني الشي اللي يجي لاحلام و اماني و يجييج
علمتني على هالموضوع و كيف اتصرف معاه و اني لازم التزم بلبس الشيله و العبايه و اواضب على كل شي ديني و اني صرت محاسبه
و كانت تحذرني اني ما اقرب من الرجاال قلتلها حاضر و رحت الغرفه ابي اقول لاختي احلام
دخلت الغرفه مالقيتها موجووده
شلييت تلفوني و اتصلت عليها و قلتلها ويينج قالتلي انا شليت السياره و رحت المستشفى غطي علي انا بروح و برجع
قلتلها حااضر و سكرت الباب بالمفتاح على اساس انا و اختي نايمين
و جت البيت و دقتلي عشان افتحلها الباب و فتحتلها الباب و دخلت تبكي مووت
تمييت اسالها شوو فييج
و اقولها ارجووج تكلميي شوو فييج انتي مريضه ما تقدري تروحي الامتحاان
لا تبكي خلاص ادخلي امتحني لجنه خاصه و ذاكري الحين
تمت تبكي زياده و تصاارخ اكثر
و تمت على هالموال اسبوع ثاني كاامل
و انا كل يوم اخاف على اختي اكثر و اقول بخبر امي و هي تهددني
و امي تدخل الغرفه تخلي عمرها نايمه ولا تقرا كتااب و تبكي من احداث الكتاب
و بعد شهر امي لاحظت على اختي احلام ما يتها العاده و تمت تسألها يتج تقولها ايوا يا امي جتني
و كانت تسكر الباب بالمفتاح و تصلي
و تستغرب امي اذا انا و اختي فينا العاده مين يصلي فالغرفه ؟
و دخلت امي الغرفة و تمت قاعده معانا اكثر من 6 ساعات يمكن
فتحت تلفزيون الغرفه و تمت تشوف تلفزيون
و اختي احلام كانت ضعييفه كثيير و طويله
و يوم قامت تبا تروح الحمام بين عليها بطنها منتفخ شوي
و مسكتها امي و عرفنا ساعتها ان احلام حام من هذاك الانسان الحقيير
ااااهههه ااااللللهههه ياااخخخذذذذذههه يااارربب ولاااا يووففقققهه فففييي حييياااتتتتههههه و يررردددد كييدددهه ففيي نححرررههه
دمممرررننااا ددمممررر حيييياااتتههااا الححقققيييييرررررر

اااااههه حبست نفسي فالغرفه معاها و نبكي انا و هي و خاايفييين اميي رااحت علىى طوول اتصلت على خاالتيي ماكانت تعرف شو تسوييي
و خالتيي ما اعرف شو قالتلها
بس جت امي و حاولت تفهم كل شي من احلام و احلام تمت تبكي و تقول هو وعدني ييجيينيي و يتزووجنيي
و قالتلها عطينيي رقمهه بتصل فييه
و اتصلت فييه اميي و قالتله باللي صار و ترجته انه ييجي يتقدملها ولا ابوي بيذبحها
بس الحققيييرررررر خلااا عمررهه مااا يعرفههااااا تتتتمم يققوووللل اناا ماااللييي شغغلل فيهااا
اختي احلام طاحت علينا
و وديناهاا المستشفى و امي تمت تقول للدكتورة لو تقدر تطيح الجنين بدون علم ابوها
و لكن كانت الددكتورة تقول ان اللي في بطنها مييت و ان نحن لازم نطييحه
انا هالفتره كلها كنت فالبيت ماقدرت اروح اشوفها كنت خايفه كثير من امي
اللي حاولت تحاافظ علينا وحطتها في عيونها من بعد وفات خواتي
بس اختي مظلوومهه مسككييننهه كانت تحبه و هو لعب عليها الحققييررر
اااههه حقير حقير ححقققييييررررر ااااااللللهه يياااارررببب ياااارررببب بسس اللي في باليي يصيير معااااه
حسبي الله و نعم الوكييل عليييه ياارببب

امي ما خبرت ابوي بالموضوعع ابداا و كانت تعامل احلام مثل الخدامه فالبيت و اماني كانت تكرهها تكرهها و كل يوم تندمها عاللي سوته و تقولها امي تحاول تحافظ علينا و انتي تروحي تسوي هالاشياء و كانت حياة اختي كثير فضييعه كانت مثل الخداااااااااااااااامه فالبييت

بعد فترة جو لأحلام اختي خطااب من السعوديه
و امي كانت ترفض و تقول هالبنت ماباها تتزوج و ابوي كان موافق و يقولهم ان خلاص احلام بتسافر السعوديه تعيش مع هالرجال
و امي كانت تعرف انها لو وافقت و احلام راحت احلام ماراح ترجع الامارات ابدا لان ساعتها زوجها بيعرف انها مش عذرااء
وافق ابوي و تزوجت اختي زوااج شنييع و خووف
و في اللحظه اللي سافرت فيها اختي احلام امي رحنا المطار انا و امي و اماني و اخواني ال6 و اوي نودعها
و امي كانت تبكي و تبكي مووت لان تعرف ان احلام ماراح ترجع بعد مازوجها يعرف و تبكيي مووت ياا اللللهه ما اررييد اكمل الاحدااث
جد قلبي يتقطع لما اذككر

بعدين رجعنا البييت و كنا ما نعرف شو بيصير معاهاا و فجأه امي جتنا انا و ااماني و قالت لنا ان احلام اتصلت و قالت ان قبل ما ينام معاها زوجها هي قالتله باللي صار كله و انها غلطت غلطة كبيره ف حياتها و انها تفضل الموت قبل ماكانت تبا تتزوجه و ان زوجها كان يحبها موت و يعشقها و كرهها كره العمى و ماكان يقرب ابد منها ولا يحب يجوفها لين ماكان يشوفها تصلي و تبكي كل يوم و ما تنام الا و هي بالقران و حبها من حياتها و عرف ان هالبنت جد انكذب عليها

بعد فترة جانا خبر انها حامل
و كنا كثيرين فرحانين
و ما اقدر ادخل بالتفاصيل اكثر من اللي قلته
في شهرها ال7 مات الجنين في بطنها و لما كانو بيطلعوه جاها نزييف حااد و توفت
عام 2009
كان عمري 15 سنه
توفت اختي احلام
خامس اخت تتوفى
و بعد سنه بالظبط
عام 2010
تزوجت اختي اماني
و صرت الوحيده فالبيت
اللبيت اللي كان فيه 7 بنات

ما اعرف شو اقول اكثر غير اني اتمنى التقي فيهم في الجنه ان شاءالله
الله يرحمهم و يغمد روحهم الجنه يارب ..