الشحوح معروفين بالكرم واليود وها الشي هب يديد على الشحوح
طبعا انا حبيت اشارك بها الموضوع المهم نوعا ما
اعراس الشحوح
طبعا معروف بأعراس الشحوح الكرم واليود وتشوف كل القبايل من كل مكان يلافونك ويونك واعراس الشحوح معروفه طبعا اول شي دخله ويشلو شله يتلاقوا الضيوف مع اهل المعرس ببنادق ورزيف وبعدين سلام وترحيب وبعدين هبش وقهوه طبعا والفزعه ويقهون الضيوف وذاك العسل وذاك الخبز المعروف بخبز التنور يا سلاااااام وذاك الجبن وكل شي ماشاءالله كل شي لازم ايوفرونه دامه عرس شحوح حتى ولو كان بروؤس الجبال طبعا احلى شي لو استوا باليبل ولازم اي ضيف ايي يكرمونه بنفس الكرم ….
وبعدين طول لي بأعماركم شي اهناك اكثر من فن وهوايه عند الشحوح تشوفها بالاعراس ومنها فن الرواح والرزيف واليوله مزافنة بالسيوف والبندقيه او خيزران والندبه طبعا بعد العشا والكل مرتبش يا سلام وخاصه عاد لو كنت انا وياهم اربشهم ما يحتاي يا عيال شحه
والمعـــــــــــــرس ما قصر قصيره***************خل الكــــرم واليود طايح
هذا طبعا بأيام قبل
الحين شو استوا
الحين كل واحد يعرس بصاله والاعراس مالها طعم مالها قيمه هب شرات قبل نادر ما تحصل واحد يعرس باجبل او ببيته يعني او بديرته
ليش؟؟؟؟؟
اللهم ايي يتعشوا ويطلعوا لا رزيف ولا رواح احيانا بعضهم ايبوا رزيف بس للاسف هب شرات اعراس قبل
اسألتي
شو رايكم بأعراس الحينه قصدي بأعراس الصاله ؟؟
ليش الشباب الحين يعرسوا بالصاله وما يسوا اعراس كبيره شرات قبل؟؟
واشكرج على تواصلج ويانا في القسم
تحياتي لج
تسلمين اوخيتي ع الموضوع
وتشكرين ع المجهود الطيب
أتوقع أن الصاله أحسن من البيت
كل شي جاهز
الناش بيون يتعشون ويروحون
بس الغاليه يمكن الصاله والبيت نفس المصاريف
رغم أن البيت أستر والبنت مالها غير بيت أبوها
واتريا حد يعزمني على عرسه
الصراحه انا اوافقج في هالكلام
اعراس اول غير تحس انه عرس
احين ماشي دش الصاله سولف ويا ربعك وبعدين كل واطلع
نسير المطعم بعد احسن
ومشكوره مره ثانيه عالموضوع
والسموحه
حلوه هاي
بس شيء شرات هاي الاعراس لول
تسلمي ع الموضوووع
وبالنسبة للاعراس بصراحة عرس البيت له طعم خاص وذكراه ما تنمحي من الذاكرة اما عروس الصالات مالها طعم
وأنا اذا الله قدرني وازوجت ان شاء الله راح اسوي العرس بالبيت ان شاء الله وراح اعزم كل اعضاء المنتدى الطيبين..