اليوم انا سويت صنفين حلوووو سهلين وايد…
بانكيك المانجو بالكاسترد.. وكيك التوفو بالكنافة…
اهل ريل اختي مسوين عشا.. وهي منشغلة بعيالها حبايب قلبي.. فقالت لي اسوي عنها الحلوو..
وكل مرة اسووي لها حلويات.. انسى اصور..
بس هالمرة تذكرت وصوورت..
وانا راح اذكر المقادير اللي تكفي البايركس الوسط..
بس انا الصراحة مستخدمة مقادير مدبلة لانه حجم البايركس اللي مستخدمته كبير..
**********drawGradient()
بسم الله..
**********drawGradient()
البانكيك: (15_16 شريحة بانكيك)
المقادير:
كوبين ونص طحين
كاسين ماي
أربع ملاعق كبيرة حليب نيدو بودرة
فنيالين ماليانين سكر عادي
بيضة
شوية زعفرران
نخلط المقادير كلها..
عقب نسخن طابي وندهنه بشويه زيت نباتي…
وبالقفشة نسكب مقدار من الخليط… ونحركه لين ياخذ شكل الطابي… ونتركه دقايق لين يستوي..
عقب نقلبه الجهة الثانية… لين يحمر شوي.. ونرفعه…
نكرر الطريقة لين يكتمل الخليط..
وهاي هو البانكيك… وطريقته ممكن تختلف شوي من بيت لي بيت بس الفكرة فالنهاية نفسها…
نقطع المانجو لشرايح طويلة..
وعقب نحطها فوسط البانكيك ونلفها.. ونصففها فالبايركس..
بالطريقة المعروضة… ونتركه على جنب..
نسووي الحين الكاسترد او المحلبية باللهجة القطرية:D
المقادير
راح نستخدم بادية الحلوياات او ملة.. نفس اللي انا حاطه صورتها.. كمقياس
3 بوادي ماي
6 ملاعق حليب نيدو بودرة
3 ملاعق كاسترد بودرة
فنيالين سكر عادي
نحط المقادير كلها عالنار.. ونخلطها باستخدام مضرب يدوي عشان نتأكد انه كل شي انخلط عدل..
ونتركه لين يثقل شووي… ويغلي…
عقب نخفف عالنار ونتركه يطبخ شوي لين نحس قوامه ثقل اكثر.. بس مايكون ثقيل واايد…
نرفعه على النار ونستمر نحركه عشان مايجمد ويتكتل..
عقب ماتخف حرارته شووي… نصبه عالبانكيك ونغطيه بالكامل…
بس انا شووي قصر علي الكاسترد… بس مب مشكلة…:cool:
وندخله الثلاجة لين يتجمد الكاسترد….
وعقب من الفضى… قلت بازينه عالسريع…
وبالعاااافية..
وان شا الله يكون عجبكم الحلووو
الصراحه شكله يشـهي
جذبني العنوان لاني اول مره اسمع بالـ بانكيك
لوولز
ظهر ششي ترتوب وحلو 😀
تسلمين وردتنا عالطريقه الحلوه
وكل حلو تسوين روووعه
احييد موضوعج الوان كان روووووعه:00123:
للحين فـ خاطري:: وإن شاء الله اجربه
لوولز
والسمووحه
**********drawGradient()
مشكوورة اختي الريم عالطلة الحلوة منج..
وجربي الوان وان شا الله لما تفتكين من الامتحاانات وربي يووفقج…
تدخلين المطبخ وتجربينها..
وان شا الله تكونين شفتي الموضوع كله؟؟
لانه بالغلط ضغطت عزر اعتمد الموضوع وانا بعدي ماخلصت 🙁 …
ومشكوورة مرة ثاانية..
والله يووفقج ويسهل عليج..
تسلم اييدك ع هيك سويت
وصفه حلوه وما شاء الله يطلبون منج طلبيات
أكيد لج نفس في الأكل ولازم نجرب أكلج
طبعا بكل أنواعه وجبه رئيسيه وخفايف وسويت
مشكوره يالغاليه ع السويت
وبانتظار الجديد
الله يسلمك خيتووو سروبه..
مب ذااك الزود… بس انا احب اخربط من فترة لين فترة..:cool:
وان شا الله تأكلين هالوجبااات كلها من ايدي قريب ان شا الله…
عاد قوولي آآآآآآآآآآآآآآآآآآآآمين…..:)
والعفووو سرووبه..
والله يعطيج العافية
وردتنا…شفت الموضوع كله:p
وزقرت الاهل بعد عسب يشوفون هالاكله
عيبتهم الاكله واااااااااااااااايد:D
تسلم ايديج حبوبه
ويعطيج الف عافيه
والسمووحه
**********drawGradient()[/CENTER]
الله يسلمج ويعااافيج…
وان شا الله لما تخلصين من الامتحانات تسووينها لهلج ربي يخليهم لج…
والله يووفقج ويحفظج
ورده فواحه
الله يسلمك اخووي ماسك
والعفوو اختي وردة…
ومشكوريين عالمرور
والله يعطيكم العافية