|
]]<<>>
———— قالت ابي منك الخبر وش سالفـة بدرالحزيـن .. ليه القصايد ترتجف تبكـي وتبكـي مـن ألـم اوجعت من مثلي نظر جرحك بحرفك والأنيـن .. الى متى تحيا الحـزن والليـل بحروفـك نـدم ميَل على نهر الفجر واغسل جروح المتعبيـن .. اقتل غناوي حسرتك واعزف مع الفرحه نغـم قلت القصايد بالحشا صوت بوجدانـي رهيـن .. إن ونٌت..وان ضحك شفـت القصايـد تبتسـم يابنـت وحكايـة بدر”بدرالحزيـن” حكايتـيـن .. طفل انخلق ..طفل انولد عشاق من عاده عـدم وآخر تعلق بالسما يرفض ثرى شكلـه مهيـن .. يبغا الثريا تحضنـه والمشتـري بيـده علـم اللي عشق صوت الغرام مولود بيده ياسميـن .. ظن الحيـاه بتحضنـه وتقـول لشواقـه نعـم حب الحياه وحبته ثم ارمتـه باطـراف عيـن .. تدعي تقول انت الهوى انت المنى وانت المهم سوى بساحلها امل واهـداه عمـره والسنيـن .. وبهزة(ن) من رمشها شاف العمر يوم انهـدم واليوم بعيونه اثـر باقي..اثـر مـن دمعتيـن .. دمعه على عمر(ن) مضى ودمعه على قلب انثلم واللي خطب ود السما شوفيه مقطـوع اليديـن .. لاطال نجم ولا زهر والشيب في راسـه هجـم ضيع شبابه بالوهم عاف الهـوى والعاشقيـن .. عايش وحيد بحسرته يبكي على طـرد الوهـم يابنت ماقلت الشعر للنـاس اسلـي المغرميـن .. ايضا ولاقلت الشعر عشان اجامـل ولـد عـم شعري كتبته لي انا لحساس في روحي دفيـن .. شعري يسلي حسرتي وان كان مجروح النغـم وان ضايقك دم(ن) فـوق الـورق لاتنظريــــن .. خلي دمي فوق الورق يبكي جريـح(ن) للعظـم دم الحشا شعر الشعور اللي بوجدانـي سجيـن .. دم الحشا شعر الشعور اللـي بروحـي منظلـم يابنت مدري الى متى بحيا مع الدمعـه حزيـن .. الى متى..؟ الى متى..؟ حزين انا ..الله علـم |
مع تحيات (((( الطير الحر ))))
صج إنه بدر حزين…
مدري الى متى بحيا مع الدمعـه حزيـن .. الى متى..؟ الى متى..؟
وننتظر جديدك…
تحياتي:
فتاة الصمت…
فتاة الصمت
وتسلمين الغاليه على
مرورج الجميل
صح لسانك اخوي سواااف
وصح اناملك الي تعبت في كتابتها
انا بدوري اشجعك على كتابت الشعر
لانك بصراحه مبدع فيه
وتقبل تحياتي
مستحيل ممكن
وهاي شهاده افتخر فيها من
اخ عزيز عندي
تحياتي لقدومك وكلامك الطيب
سلمت أخي وسلم قلمك على هذا الأبدااااع
في إنتظار ما تجود به نفسك
دمت بود
طير حوران
ومشكور عزيزي على مرورك الطيب
ولا تحرمنا من يديدك … !!
اختي الغاليه
العيون الشقيه
ومشكوره عزيزتي على مرورج
وتوصالج الجميل
تحياتي لج
حب الحياه وحبته ثم ارمتـه باطـراف عيـن .. تدعي تقول انت الهوى انت المنى وانت المهم
سوى بساحلها امل واهـداه عمـره والسنيـن .. وبهزة(ن) من رمشها شاف العمر يوم انهـدم
تسلم أخوية على القصيدة الروعة
الله يعطيك العافية
نتريا يديدك