هذا شرح درس أحياء آليه تكوين السيال العصبي للثانويه العامه
طبعا شفت الطلب بمكان وقلت خلني اكتب الشرح هني عشان يستفيد كل اللي بالثانويه العامه
الخلية العصبية تتكون من:-
1- جسم الخلية
2- الزوائد الشجيرية …. تخرج من جسم الخلية كثيرة العدد وأقل طولا وتستقبل السيال العصبي( الإحساس بالمؤثرات ) وتنقله لجسم الخلية
3- محور…. امتداده طويله عدده واحد في نهاية انتفاخ يسمى زر طرفي يحتوي على نواقل عصبية والمحور ينقل السيال بعيدا عن جسم الخلية ( انتبهي لحركة الأسهم في أوراق الامتحان )
شرح آلية انتقال السيال
1-في غياب مؤثر …. الخلية تكون في جهد راحة .. يعني حالة استقطاب
شحنات موجبة في الخارج وسالبة في الداخل .. الصوديوم في الخارج والبوتاسيوم وبروتينات كبيرة في الداخل
2-وجود مؤثر …. عند أو فوق عتبة التنبيه
تفتح قنوات الصوديوم وتدخل إلى الداخل ويزداد تركيزه في الداخل فتنقلب الشحنات ..
يصبح الموجب في الداخل والسالب في الخارج يعني حالة زوال استقطاب ( انتبهي الشحنات تتغير في الزوال ) وفي نفس الوقت تفتح قنوات البوتاسيوم وتخرج إلى الخارج فتنقلب الشحنات مره أخرى ..الموجب للخارج والسالب في الداخل في حاله إعادة استقطاب
ملاحظة … جهد الفعل يتكون من زوال استقطاب وإعادة استقطاب
3-الشحنات عادت لوضعها الطبيعي ولكن العناصر لم تعود …
فتعمل مضخة صوديوم بوتاسيوم تخرج الصوديوم للخارج وتدخل البوتاسيوم للداخل ولهذا تعود الخلية إلى جهد الراحه وعند التأثير عليها بأي مؤثر في حالة عمل المضخة فإنها لا تستجيب فترة امتناع
آلية نقل السيال
* اذا كان السيال ينتقل من نقطة إلى أخرى في غياب الغمد المايليني فتسمى آلية التأثير الموضعي الدائري ……. وإذا كان السيال ينتقل من إلى أخرى بين عقد رانفييه فإن آلية النقل يكون القفز وهو أسرع
* عند مواقع التشابك العصبي بين خليتين بين محور الخلية وزائدة خلية أخرى
1-يصل السيال إلى نهاية المحور في الزر الطرفي
2-تفتح قنوات الكالسيوم وتدخل للداخل وهذا ضروري لتنشيط الانزيمات التي تدفع الحويصلات الغنية بالناقل العصبي إلى نهاية الزر الطرفي
3-عند تحررها تتجه النواقل إلى مستقبلاتها على الزائدة الشجيرية للخلية الأخرى فتنقل السيال من خلية إلى أخرى ( انتبهي الزر الطرفي والمحور غشاء قبل التشابك …. الزائدة الشجيرة ومستقبلاتها غشاء بعد التشابك ….. الفراغ بين الخليتين شق تشابكي هذه مكونات التشابك العصبي )
انتهى شرح درس اليوم
باجر اتوون محضرين الدرس اليديد + امتحان بهالدرس
ولا تنسون قبل لا تظهرون تدفعون 50 درهم ثمن الحصه هالرمسه لطلاب الثانويه
الله يسهل عليكم ويوفقك
قالت لي ريمووه…..
مشكووره سراب وماقصرتي
شرح حلو واستفدت منه
بس هالشحنات إلي تبط جبدي وتخربطني واايد
اشكرج مره ثانيه سرراب والله يعطيج العافيه
**********drawGradient()
همسووو وين البيزات ثمن الشرح
الحمدلله استفدتي منه
واعتقد انه مهم تفهمون هالدرس عدل والشحنات لأنه يرتبط فيه كل الدروس اللي عقب بالكتاب
فركزي فيه وحاولي تفهمين الشحنات عدل وان شاء الله بيسهل عليج
فالله يسهل عليكم ويوفقك
مشكوره ع الرد
أشكرج إختي سراب على الموضوع والشرح
ونااااااااااااااااااسه هـ الدرس
أذكره لليوم لوووووول
إحساس
لوول::بستفيد منه للسنه اليايه
بقول حق ريمووه عسب تشوف الدرس باجر
لول
مشكورره سراب عالدرس
ويعطيج العافيه:)
مشكورة الغلا ع الشرح
وان شاء الله أخواني وخواتي يستفيدون…
سلامي
دموع الشوق
اشكرج اشكرج سرووبـه وماقصرتي::
وشرات ماقالت همسوو الشحنات تبط الجبد::
لازم ننتبـه للرسمه ولـ حالات الاستقطاب
يعطيج الف عافيه حبوبه
والسمووحه
**********drawGradient()
الريم ان شاء الله شوي توضح لج الدرس اكثر
وكيد انه الشرح المسموع افضل من شي ينكتب
فاي سؤال يخطر لكم اسألوه وان شاء الله بحط اجابته
ومشكورين على تواجدك الدائم