السلام عليكم ورحمة الله وبركاته
شخباركم حبايبي ؟
أنا يديه فهالمنتدى وأبا أنزل لكم قصه بتأليفي
فلاتبخلون وردو علي
أبا تفااااعل منكم بليئيئيئيز
شجعوني
يلا ربي يحفظكم
أتريا الحين قبل ما أبدا القصه اتشجعوني أني أنزله وانتو أقرو ماراح اتخسرون شي 
بخليكم الحين مع الشخصيات
بوسعيد : هو ابوي واسمه محمد حمدان الشامسي وعمره 88 وكبير فالسن ومريض ، قبل سنوات صارت سالفة واتشلل والحين من سنوات طايح فالفراش ومحد يجابله غيري الي يموووووت فيني .
ام سعيد : اسمها زهرة ومتجنسة واصلها ايرانية من طهران .. يقولون كانت شيعيه وعقب ابوي هداها الى السنة وع فكره هي وايد كريهه واسلوبها بالضبط نفس اسلوب الشيعة وعمرها 64 بس ماشاءالله عليها حلوه ولو اتشوفونها بتقولون هاي عمرها 30 .. لانها وايد تهتم فعمرها وعندها 3 اولاد و5 بنات .
من الاولاد :
سعيد : اكبر واحد وعمره 43 ومتزوج واسم حرمته نوره وعندهم بنت وولدين .. يشتغل فشرطة بوظبي .
سيف : اصغر من سعيد وعمره 35 ومتزوج واسم حرمته نوال وعندهم ولد بس .
صلاح : اصغر واحد ومايشتغل وكله يسهر ويا ربعه ومايرجع البيت الا بعد الفير .
من البنات :
اميرة : عمرها 40 ومعرسه وعندها 4 اولاد .
امنة : عمرها 33 وامطلقة وعندها ولدين وبنت وامخليتنهم عندي >> عقب بتيكم السالفة
فاطمة : عمرها 30 وعزابية ويالسة فالبيت بس تطلع وتسهر ويا اربيعاتها وماترجع الا قريب الفير .
غدير : عمرها 29 وعزابية وهي بعد اتروح ويا فطووم ويسهرون ويا بعض .
شيماء : اخر وحده وعمرها 26 وهاي عاد وايد امدلعينها .
اصلا عيال ام سعيد كلهم دلوعيين لدرجة ان حتى رمستهم في الكلام نفس امهم .. محد ماخذ من بو سعيد الي هو ابوي لا فالاخلاق ولا فالاسلوب ..
الحين بعرفكم ع نفسي ؛؛ انا اسمي اشواق وعمري 23 وهاي ام سعيد تكون حرمة ابوي وانا نسخه من امي الله يرحمها .. يقولون اسلوبج يذوب الواحد ويخلي الزعلان يفرح والمتضايق يتنسى همه >> تمدح عمرها وايد ههههههه . وانا ماشفت امي ابد من يوم كان عمري يومين امي توفت وابوي خذاني ويابني اهني عند ام سعيد الي هي حرمة ابوي .. يعني حرمة ابوي اتكون الاولى وامي هي الثانية .
المهم خلونا ندخل فالقصة ..
البــــارت الأول :
كنت يالسة وامجمعة ريولي صوب صدري وحاضنه ريولي وحاطة راسي عليه وكنت اطالع من الدريشة تحت بيتنا .. بس الصراحة بالي كان فمكان ثااني وسرحانة نفس كل مرة .. تذكرت يوم كان عمري 12 وسافرت ويا حرمة ابوي ايران ، وتذكرتيوم الناس اهناك يطالعوني بنظرة وانا مب عارفة شو هالنظرات .. تذكرت يوم حرمة ابوي جدام الكل اتصارخ واتناديني : اي انتي يالحيواانه تعالي اهني .. قلبي ينكسر يوم اسمع جي اتقول لي وتزقرني بهاي الطريقة وع فكره انا فالبدايه ماكنت اعرف ان ام سعيد مب حرمة ابوي كنت اتحراها امي يوم صار عمري 18 عرفت وعقب بتيكم السالفة .. من صغري كنت الاحظ ان ام سعيد وايد غير وياي وكم مره رحت وكلمت ابوي واقول له : ماما ماتحبني ماما كله تضربني .. بس فديته ابوي والله كان يقول لي ماعليج منه هاي امج والام اتحب عيالها وانتي لاتاخذين ولاتحاتيين
والله ان كان خاطري بس مره لو مرة بس اتيني واتبوسني واحس بحنان الام .. كان خاطري بس مره تحضني مثل ماتحضن عيالها يوم كنا انرد من المدرسه وانا اطالعها عسب ايي دوري وتحضني .. بس للاسف تبوس عيالها وتحضنها وتاخذ عيالها واتروح فوق .. تذكرت يوم فالمدرسه المديره كانت اتقول لي زقري امج اتي.. وانا اروح اقول لها لازم اتيين اترد علي بعصبية : قولي لهم ماعندي ام ميته كيف اروح اطلعها من القبر عشان اتييكم ؟؟؟
كانت اتفر علي رمسات وانا ما افهمها بس الصراحه كنت افكر فيها وكنت حابه اعرف شو تقصد ..
وانا سررررحانه جان اسمع حرمة ابوي اتصارخ واتناديني :
ام سعيد : هاي وينها .. اكيد رايحةاتنام مالت عليها .. اشواقوووه يالحيوانه وينج تعااااالي
رفعت راسي وغمضت عيوني جان تنزل دموعي ع خدي مسحتهم بسرعة وركضت بطلت باب الغرفة :
انا : هلااا يمه.. انا اهني بغيتي شي ؟؟
سمعتها اتقول : تعالي جمعي الفواكه الي فالميلس الحريم راحوا
وانا اقلدها بصوت واطي اونه تعالي جمعي الفواكه الحريم راحوا .. ليش قالوا لج شغالة ابوج انا ؟؟
صارخت عسب تسمعني : ان شاءالله يايه
رجعت غرفتي ولبست شيلتي وطلعت من الغرفه رحت الميلس وشفتها يالسة تطالعني بطريقة مب حلوة : انتي وينج هاااا؟؟؟ وين تشردين يوم اربيعاتي اييون بيتي ؟؟ طول عمرج بتمين بقره .. لو انتي ماشتغلتي ابوج الي بيشتغل ؟؟؟
مسكت عمري عسب ما اعصب لانها غلطت ع ابوي .. سكت وشليت الفواكة والصحون ووديتهم المطبخ .. يوم دخلت المطبخ عيني طاحت ع الساعه 30 : 8 العشى.. ضربت ع ايدي بقوة :اوووووووه نسييييت ياااربي
ركضت ورحت صوب غرفة ابوي وانا اركض جان اطيح نشيت مرة ثانيه واركض .. اول ما وصل الغرفه فتحت الباب وانا اتنفس بقوة شفت ابوي قايم ركضت عنده : يبه والله انا ااااااااسفه .. دقايق فديتك
بطلت الدرج الي فيه الادوية وطلعت الكيس ويبت الماي وعطيته الدوا وعقب تميت امسح ع راسه واقول : فديت ابوي امممممممواح وابوس ع راسه
طلعت من الغرفة وسكرت البا وراي مشيت صوب المطبخ بعد ماغسلت اشغالي الي فالمطبخ رحت عند حرمة ابوي الي مثل كل مره يالسه فالصالة واتحط مناكير ، ابتسمت لها وقلت : يمه ماتبيني اسوي لج عشى ؟؟
طالعتني وقالت بسخرية : لامابا ، سعيد وحرمته بييبون لي من برع
ورجعت حطت المناكير ع الطاوله وكملت رسمتها بعصبية : الحين انجلعي وروحي فغرفتج ولاتتحسبين ان كل مره بناكل من برع .. لافديت قلبي اليوم وبس
ضحكت من داخلي : ههههه حتى ماتعبت عمرها اتقول فديت قلبج ههههه
انا : ان شاءالله يمه بنجلع .. شي فالخاطر ؟
ام سعيد : هيه وايد اشياء فخاطري تبين تسمعين؟؟
شكلي رفعت ضغطها باسلوبي هههههه طبعا عرفت شو تبا اتقول كملت كلامها بعصبية : اباج اتموتين .. مابا اشوفج .. بس قبل ماتموتييين بعذبج مثل ما امج عذبتني
دموعي تجمعت بس مكست عمري قلت : قريب يمه بروح عنج
ييت اروح جان اتصارخ علي : انتي اييييي .. اخرمره اتقولين لي يمه .. انا مب امج فهمتي ؟ امج الي خربت حياتي امج الي وحليلها يالسه تتعذب فالقبر الحين بالي سوتها.. اخر مره اتقولينلي يمه …
كملت مشيتي وانا اسمعها اتصارخ ، رحت الغرفة وبندت الباب وراي واتلصقت فالباب.. غمضت عيوني : ليش يمه جي سويتي؟ جان خليتيني انا اموت وانتي اتعيشين .. ليش خليتيني اتعذب هالسنوات كله واعيش وياهم.. شوفي كيف يعذبوج بنتج شووفي يمه شووفي ..
غطيت ويهي بايدي : ماني قادرة اصبر اكثر من جذي 23 سنه وانا صابره بسني ماااروم الين امتى الين امممممممممتى .. عقيت عمري ع الشبرية تميت اصيح : ابا امووت.. ابا افتك والله مليت تعبت منهم اااااه يبه وينك عني ماتعرف اهلك شو يسوون فيني وييينك عني …
مسحت دموعي ع السريع وايلست مسكت (سها) الي كان طايح عالمخدة ومسكت القلم .. سها اسم دفتري الي من سنوات وانا اكتب فيه ماعندي غيره اطلع له الي فقلبي .. صح انه مايروم يرمس ولا يروم يواسيني بس عالاقل انا ارتاح واكتب الي فقلبي فيه .. فتحت الصفحة وكتبت :
مشكلتي بهالدنيا محدن فهمني
وكل ماوفيت لشخص زادني جروح
مشكلتي بهالدنيا زماني طعني
من اصحاب واحباب كلن له سروح
كلن تلذذ في عذابي وتركني
اعاني جروحة ولا فادني النوح
فهاي اللحظه غمضت عيوني وتذكرت كلام اغلى انسان فالدنيا :
ــ لاتتركيني اشواق دخيلج .. بموت
كنت حاطه راسي ع صدره : مابتركك ابد ..
ــ شوقي ؟
انا : عيونها .. قلبها ..
ــ اتحبيني ؟
انا : الا اموت فيك
ــ شو رايج نشرد مع بعض
انا : ههههه هيه بنشرد مثل افلام هندية
هو كان جااد : اشواق ماتمصخر
رفعت راسي وطالعت وطالعت فعيونه : خالد شو الي ماتمصخر .. تبانا نشرد واتكبر السالفة زيادة ؟؟
خالد : اباج اشواق مااروم اصبر الين ما اهلج يوافقونن ابااج
مسكت ايده بقوة : حياتي اهلي بيوافقون بس احنا علينا بالصبر لازن نصبر
خالد : مارروم اصبر افهميني اباااج .. مب يوم او يومين حبيتج .. حبيتج 7 سنوات مب شويه صبرت وايد
اتبوزت واتدلعت : يعني تتحراني ماحبك؟ ولا نسيت 7 سنوات
خالد : مانسيتي .. بس مب قادرة تفهمين حب 7 سنوات شو يعني .. انتي ماتبين اهلج يزعلون عليج.. يعني عشانهم بتتركيني
ضربت ع صدرة عالخفيف : انت بلاك خالد ؟ انا قلت بخليك؟
خالد وهو يبتسم بسخرية : باين كل شي يا شووقي مب لازم اتقولين
اتقربت منه اكثر.. صوب اذنه : لاتنسى يوم شردت وياك اول مرة .. لو اني ماباك جان طبيتك من زمااان .. المشكله انك ماتدري شو بنسبالي
خالد حط خده ع خدي وغمض عيونه : اباج لي شووق لي انا وبسس..
شفت الرقم وانا امسح دموعي ..كان رقم غريب : منو ها بعد؟
رديت مثل كل مرة وماتكلمت عسب اتاكد بنت ولا ولد ..
سمعت صوت بنت ناعم : الوو ..
انا : الو هلا
ــ اشحالج اشواق ؟
انا باستغراب : طيبه الغالية منو وياي ؟
ــ ممممممم ماعرفتيني؟؟
انا : لا والله ماعرفتج
ــ عيل ممكن اتعرف عليج ؟
بديت اشك منو..: اقول شو رايج تتعرفين ع بيشكارتنا؟
ــ اوه عندكم بيشكارة بعد ؟ مبررروك .. واخيرا بترتاحين مابتشتغلين حق هاي الحيوواانه
تميت اضحك.. مافي حد غير كنوه اتم اتلعوزني : هيه كنوه انتي حيوانه .. بلاه صوتج؟؟
كنه : منو كنوه بعد ؟؟ بلاج اقول ابا اتعرف عليج
جان اكمل التمثيل : اهااا تبين تتعرفين علي ؟ ممم اول شي شووفي انا ماتعرف ع اي حد .. لازم اتكونين خاله عسب اتعرف عليج
كنوه وهي تضحك بصوووت عالي : ههههههههههههههههههههههه انجلعي ويا راسج قالت خاله قالت ههههههههههههههههههههه
انا : بلاه صوتج عسى ماشر
كنوه بحزن : الشر ماييج .. وحليلي مريضة ومحد يسال عني اهى اهى
انا : ههههههههه هيه كلي ايس كريم زياده مابتمرضين
كنوه : تعرفين عاد اشكثر احبه .. تعالي انتي من جد فالبداية ماعرفتي صوتي ؟
انا : لا والله ماعرفتج .. تدرين يوم تمرضين صوتج كيف يتغير اتقولين عيوز ترمس ههههه
كنوه : ههي انتي حطي علي بس شو وراج
ونضحك ويا بعض
انا : اقول
كنوه : قولي امريني
انا : انتي تدرين اني ما ارد ع ارقام غريبه عشان جي استغليتيني وانتي مريضه هااا؟؟
كنوه وهي اتصارخ : هههههههههههه هيه فديتج .. احبج يوم تفهميني
انا : انقلعي .. رقم منو ها ؟
كنوه : مممم رقم ميود
فتحت عيوني : افففف … غبيه انيت صدق … كيف تتصلين فيني برقمه ؟
كنوه : بلاج زين عادي .. لاتخافين بمسح رقمج الحين
انا : لالا يلا بندي خلاص مامنج فايده
كنوه : انتي الي مامنج فايده .. اشكري ربج سألنا عنج بعد لاتتصلين ولا شي
ضحكت : زين فديتج اتصليبي من رقمج وامسحي رقمي من فونه بعد
كنوه وهي تتمصخر علي : لابخلي رقمج ففونه بخليه يرمسج ويغازلج .. غبيه والله اكيد بمسحه .. مب واثقه فيني.. ثاني شي يالغبيه لو كان عندي رصيد جان ماتصلت من فونه
انا : خلاص انا بتصل فيج
كنوه : اوك الحين اتريااج
انا : اوك .. الا اقول كنوه
كنوه : ها
انا : ها فعينج .. لاتقولين مره ثانيه مب واثقه فيني .. منو عندي غيرج عسب اوثق فيه
كنوه وهي اتاثرت بكلامي : ااه فديتج سووري ماقصد والله تميت اضحك واقول : سوري ولا لبناني هاهاهاها
وسكرت فويهها وتميت اضحك عليها .. اتصلت فيها : الو ممكن اتعرف .. انا شاب جاد ابا اتعرف عليج .. بس ماعليج من صوتي انوثي ههههههههه
كنوه : انجلعي .. اتبندين فويهي يعني ؟
انا :ههي ابند فويهج بسوي فيج مثل ما سويتي فيني قبل امس .. عاد لاتزعلين الحين .. دونو برابر
كنوه : خلي دونو برابر حق عمرج ارمسي عربي لارفسج
انا : ههههههه زين دونو برابر يعني متساوي خلاص خالتي
كنوه : خالتي ؟؟ شوفي اشواق لاتعصبيني بيي اكفخج
انا : هههههه انيت ع كل شي تزعلين .. تبيني اقولج حياتي حبيبتي عمري وروحي ههههه
كنوه : هيه وحليلي مب امحصله حد يدلعني
انا : خلاص بدلعج
كنوه : شو ابا فيج ابا واحد يدلعني مب وحده
انا : ههه نذله صدقيني
كنوه : زين شوفي اسمعيني
انا : اشوفج ولا اسمعج اختاري واحد
كنوه : ههه الي تبين .. خبريني عن اخبارج
انا : ماشي فديتج .. اليوم الكل طالع برع وانا مب امسويه عشى جان حرمة ابوي اتقول لي لاتتحرين كل يوم جي بناكل من برع هههههه اتخيلي يوم ازقرها يمه ضغطها يرتفع واتصارخ وانا اتم اضحك عليها من خااطر .. تتحراني اموت عليها
كنوه : مالت عليها والله .. طبيها .. تعالي بسالج شو رايج اتين تشتغلين ويانا .. انتي اتحبين تتمكيجين وتعرفين ميروه تبا تفتح لها صالون
انا : فديتج انيت تعرفين اني لو ابا اشتغل جان اشتغلت من زمان بس ماروم .. الوالد ماروم اخليه .. لو خليته منو بيعطيه اكل منو بيعطيه الادويه منو بيهتم فيه .. لو انا يوم واحد ماكون موجوده فالبيت محد بيشتغل ولا يتعب نفسه يروح المطبخ
كنوه وهي اتحاول اتخفف علي : ماعليج منهم فديتج بيي يوم والله بيعرفون قدرج بتتذكرين كلامي
حسيت بضيق من هالكلام : كنوه .. بخليج اليحن يزقروني
كنوه : اوك اوك ديري بالجع عمرج بعد
انا : من عيوني وسلمي ع الاهل
كنوه : ع الاهل ولا خاااص حق ميود؟؟
انا : ههه خلاص خاص حق ميود
كنوه : هههه نذله يلا ماعليه مع السلامه
بندت الفون وتميت اطالعه ..حطيت الفون ع ريولي وسكرا الدفتر وطحت ع الشبرية لين مانمت .
خلص البارت واتريا ردودكم بليييز لاتبخلون علي .. شجعوووني
ابا تفاااعل
عاد أنتو أفهمو ههههههه
وين ردودكم الحلوه إلي يشجع الواحد
ماتوقعتكم جي والله .. ولا رد ؟ يعني ماتبوني أكمل القصه ؟ أشل قشتي واظهر؟ آفاااااا بِــ??سّ
آفااااا
بنتظار البارت الثاني ..||
أبا تفاعل أكثر عسب أنزله البارت الثاني بِــ??سّ
مادري يمكن أنزل باقي البارتأت لو شفت تفاعل أكثر
وع فكره هائ القصة حقيقية مع شويه زيادات بِــ??سّ ومشكووووووووووره فديتج. تسلمييئيئيئيئيئين
وربي يحفظكم
لاتكدرين بخاطرج انا وياج …بكون لج مثل الاخت واكثر
تسلمين نورتي وفرحتيني وااااااااااااااااااااااااااااااااااااايد
يعني خلاص اكمل القصه ولا؟هههههه