السلام عليكم ورحمة الله وبركاته………………اما بعد
سمحولي أخواني على هالأبيات المتواضعة و أسأل أن تنال أعجابكم والسموحة
سالني عن غلاك الشوق وجاوبه الولـه اهـواه.. واكـد خافـقـي بشـوق انــا بالحـيـل مجنـونـه
كثـر مامرنـي طيفـه وصـاح الـشـوق بــي اواه.. كثـر ماتسهـر عيـونـي تنـاجـي اللـيـل لعيـونـه
احبـه تشـهـد حـروفـي وشـعـرٍ واضــحٍ معـنـاه.. احبـه كيـف مــا ادري وروحــي فـيـه مفتـونـه
الا يـاشـوق لــو تــدري بـحـبٍ خافـقـي أخـفـاه.. عن عيون العرب خايف يوصل سمع مضنونـه
تصدق لو ابحكيلك عن احساس الهوى ومعناه.. تهـزك دمعـة عيونـي وجـرح القـلـب وطعـونـه
انــا يـاشـوق يذبحـنـي حنيـنـي والـولـه ويــاه.. ولو غاب الغلا ياشوق اشوف الموت من دونه
احـس النـار تحرقنـي الامـن جـاب احـد طريـاه.. بصمـت اتنهـد بـسـري عــن الـعـذال يسمعونه
اخاف اليا درى عاذل عن الـي بالحشـى ارعـاه.. يبّـعـد بيـنـي وبيـنـه وامـــوت بـنــار و طعونه
اضـم السـر فـي قلبـي ولامـن جـا يبـوح انهـاه ..وخوفي لا يثور الشوق ويفضي القلب مكنونه
وسلامتكم………..
]
احبـه تشـهـد حـروفـي وشـعـرٍ واضــحٍ معـنـاه.. احبـه كيـف مــا ادري وروحــي فـيـه مفتـونـه
صح منطوقك ولآهنت ع الأبيات الجميله، عجبتني حيل، فعلآ حروفك أكثر من رائعه، لآعدمنا هالإحساس المرهف، أترقب كل جديدك بشغف ودمت بود :)*
Posted via Mobile Device
صراحة ما عرف شو أرد عليج !!!!!
عجزت مشاعري عن التعبير وعجز لساني عن التفسير وعجز العقل عن التفكير…………..ما أقدر أقول غير مرورج شجعني على الكتابة بحرص لا أكثر …….وتسلمين ع المرور وعن القطاعة ربي لا هانج:)
أبيات في قمة الرووعة والابداع
مشاعر نابعة من قلب يحب بصدق
قصيدة ماعليها أي كلآم
سلمت يمناك اخوي الغالي
لاتحرمنا من يديدك الرااقي
اخوك دحمود
مسسآك الله بالخير اخوي..
وتسسلم ع القصيدة الرآئعة..
صح لسآنك ع الكلمـآت المعبره..
ربي يعطيك الصحة والعافية..
وتقبل مروري..