سر الحصير في دبة السياره للشباب فقـط 2024.

السلام عليكم والرحمه الله و بركاته اشحالكم سوري على التدخل لاتقولون اني ملقوفه انا بقولكم وجهة نظري بس الحمدالله موتري مافيه حصير بس في راي انه الشباب الي عندهم نياسين و الاستيشن عموما المواتر الفورويل هم الي يخلون الحصير لانهم على تردد دايم على البر و عراقيب يتيلسون ويا ربعهم و جي

يسلمون على الرأي ..

انا معاج من هاي الناحيه ان شباب الفورويل .. عندهم الحصير .. مو مشكله .. شباب ركيبة عراقيب ..

بس الحين انا اشوف حتى الكامري فيها .. حصير .. والمرسيدس .. والبي كب ..

صح ان الحصير له فوائد كثيره ..

ويسلموا على المرور

السلام عليكم

اشحالك دنجر

انزين اخبرك ليش اموتري حصير

1) يمكن اكون طالع ويا شباب نتعشى على البحر او على الكورنيش
2) مرات اكون ظاهر ولا اييني تلفون افلان اشرايك نيلس على الكورنيش
عاده يوم بتقول فوقه وين بيتكم عسب اتسير اتييب الحصير
ولا نيلس على النعان

حتى على هالشيء بتحسدون الشباب لاحول ولا قوة الابالله

3) يوم نظهر ويا الشباب انسير دبــا عسب ان الخيمة اتكون عوده فنبغي حصران
انطلع من مواترنا الحصران. هذا اذا بنطلع كشته اب مواتر محدوده

4) احيانا اتكون واقف عدال البيت ويكون السويج اف جيبك وتبغي تيلس ويا شباب عدال البيت
ما عليك سوى انك تفتح السيارة وبتحصل حصير

وهذي كل سوالفنا مع الحصير

يمكن في ازياده بس هب ابالي

سلام

تسلم خيماوي على الرد

الحلو ….

واتريا باقي الشباب .. وردودهم

خلاص انكشف سر الحصير :icon_chee

بتلقلى الحصير بأي سياره للشباب فورويل أو صالونه كله واحد

والأسباب اللي فوق هي الأسباب اللي تخليهم يخلون الحصير بدبت السياره

وأنا عن نفسي شفت ياخذونه أكثر شي لقعدات البحر وتلقى من الشله واحد يغني واحد يدق عود مسوين جلسه طرب ما شاء الله

وفي شي ثاني شفته ويا الحصير الليت يكون دايمن وياهم يشحنونه عقب يخلونه بالسياره لوقت الحاجه

أويه من كشف سر الحصير هههههه

الحصير أستوى أحطياط في كل سياره تقريبا

يعني انا يوم أكون ملان أسير عند الصاله طبعن جلفار

أفرش الحصير عااد اتصل بيهم واحد واحد وأخليهم ايون ونيلس ما شي شغله هههه

اوووووه سوري بس للشباب

يايه غلط شكلي

بس الموضوع شدني

الصراحه الحصير له فوايد مثل ماتكرموا الأعضاء وقالو

ومني احسن يكون الحصير على طول في دبة الموتر سبحان الله رحله مفاجئه سيرة بر على السرير ولا البحر طبعن ..الخ الخ

مثلا دايمن اخويه يقولي قومي بوديج البر هههه ونموت من الحر اهناكي بس زين الحصير عشان نيلس عليه ومانخيس ثيابنا

وشكرا

الحصير اليوم وباجر شرشف في السياره

ايعني ليش ما يحطون سياده مثلا ؟؟؟؟؟؟؟؟؟؟؟؟؟؟؟؟

الحصير وما ادراك ماالحصير

اشوف الشباب كله يتيمعون جدام المدرسه ولا في الكورنيش

ولا في البر يفرشون الحصير ويقعدون ضرب سوالف ولا يلعبون ورقه

ولا ياكلون الخ…………

وتسلم D.M ع الموضوع

See Ya