الصمت له عندي معزّه ومقدار….
….في زحمة الافواه..يا مزين الصمت!!
لا صار بعض البوح عند البشر عار….
….لو يشتعل جوفي حشى ما تكلّمت
تعبت من قولة: (علامك)و(ايش صار)….
….وان طحت ما ألقى سوى كلمة(سلمت)
واعذار اخلقها ولو مالي اعذار….
….مشّيتها مره..ومرات ما رمت!!
كذبة صباح الخير/يا صبح الانوار….
….عذري ليا عدّت ليالي ولا نمت
اسهر طوال الليل وضْيوفي افكار….
….واقول لاْصحابي:نعم توّني قمت!!
ما عاد فيني ألفت عْيون واْنظار….
….يكفي بأني من زماني تعلّمت
ان الصدر بيت/ن..وسكّانه اسرار….
….نيّام..بس يصحون لامن تألّمت
يصحون ويناظرهم الجار والمار….
….وش عاد ينفع سترهم لو تكتّمت؟!!
آقدّم اقدامي على درب الاصرار….
….امشي ولكن للأسف ما تقدّمت
(الغار قدامي..ومن خلفي النار!!)….
….والعمر يمضي بي وانا ما تولّمت
يا لين ذاك الحلم في لحظه انهار….
….وانا مع لحظة سقوطه تحطّمت
اجروحي اكثار..وتناهيدي اكثار….
….لكن على كثر المواجع..تبسّمت!!
ثم أْلتزمت الصمت وعزومي اكبار….
….ولو يشتعل جوفي حشى ما تكلّمت
لا تحرمينا من يديدجـ ياربـ ..
تقبلي مروري ..
ربي يعطيج الف عافيه
يعطيج العافيه ع الطرح
|
الله يعــافيج
تسلمين حبوبه ع المرور ..
|
الله يعافيج
تسلمين حبوبه ع المرور ..
….مشّيتها مره..ومرات ما رمت!!
الصراحه كلاماتها رؤؤؤعه
يازين الصمت
مشكورة غناتي عالطرح الغاوي
كلمات روووعة 🙂
سلمت يمينج الغالية ع هالنقل
ولا عدمنا كل يديدج
مودتي
سلمت يمينج اختي ع الكلمات الاكثر من رائعة
لا خلى ولا عدم
دمتي بود