السلام عليكم ورحمة الله وبركاته
اكتب موضوعي هذا وكلي حرقة وألم على بنات اليوم ………وإلى ماوصلوا إليه
من تحرر وتبرج … والله ولا قصدي ان اتشمت وأعيب
أبي أعرف البنت اللي تطلع من بيتها وهي بكامل زينتها وريحتها واصلة الين آخر الشارع
شو قصدها باللي تسويه ؟؟؟
تبي تلفت نظر منو …. تبي تجذب منو ؟؟
العباية على الكتف … ضيقة من فوق الين ماتوصل الركب تتوسع عشان البنت تمشي
الايدين تفصيل ضيق
التطريز والشك الين اعلى الكتف
والعباية ماتقصر من تحت نفس الشي الين الركب والشيلة لازم بعد تكون طقم مع العباية
زين ليش مافكيتي نفسج ولبستي كندورة شو تغير ؟؟؟ يمكن الكندورة بعد اوسع
التفنن في العباية وصل الين … ان وحدة تلبس قطعة كأن بعير معلجنها … وهي تحسب انها كشخة
وما تدري ان الناس يقولون هذيلة ماعندهم كواية ؟؟؟؟
ومن التفنن قطعة الايد دانتيل عشان الايد تبين عدل …. ولا العباية ضيقة مرة
الين انها تبين ملابسها الداخلية … اللهم عافهم ولا تبتلينا
او ان يبين انها لابسة بنطلون
والقطع اشكال في اشكال المهم القطعة سودة وتبين انها عباية
ماعليه الايام ياية جان ماسوو من ها العبي الوان شو بقى بعد … نسأل الله السلامة والعافية
أسأل ها البنت شو اللي يخليج تلبسين ها العباية وشو اللي يخليج تفصلينها
ما تحبين الستر لنفسج ماتحبين تبعدين نظرة الشباب من حولج
الصراحة ها الشباب ماينلامون يوم هذي المناظر جدامهم .. … يومي العباية
كأن مكتوب عليها جانك شاطر تعال والحقني
ولا يذبانة لا تقربين ترا الطعام مكشوف !!!!!!!!!!
وانقهر قهر تكون وحدة اونها لابسة عبايتها ومتغشية والصدر والرقبة برع
ابي اروح وانزل شيلتها انا اقفط
والقهر الاكبر تشوفين ها المناظر وبعدين يكون اما الاب او الاخ او الزوج يمشي معاهم
هذا مافيه غيرة … مافيه حيا خلاص يعني مشى معاهم صانهم
كلكم راع وكلكم مسؤول عن رعيته
ينقدون على شبابنا وانهم مايصدقون يلمحون قطعة سودة
زين يوم انتِ من اصبع ريلج الي شعر راسج كله خطأ في خطأ
شقايل ماتبين ها الشاب يشوف
يعني احنا مانقدر نملك نفسنا ونطالع فما بال الشاب
والله ورب الكون في سماه لو انتِ محشمة نفسج وطالعة بشكل يرضي ربج محد راح يتجرأ يرفع راسه صوبج
تأكدي قبل لا تطلعين من بيتج من عبايتج شيلتج … نعالج الشنطة اللي ماسكتنها
ريحتج خطواتج ………… حاسبي نفسج شوفي نفسج انتِ أهل لهذا التبصيص والملاحق ولا لا ؟؟
حوادث صارت وسمعتها من ناس ثقة بس من كثر ماتداول بين الناس تصير شوية زيادات ونقصان
في العين مول
سمعت ان وحدة طاحت (( ما ادري كيف الين ماتكشفت عل اساس هي مالبسة شي تحت العباية ))
اضطروا الشباب انهم يسترونها انهم فصخوا غترهم وغطوها
بعد في العين مول ما ادري عاد وين بالضبط اعتقد برع لان قالولي كان في هوا
لان اللي قالتلي بلمة يعني بالاشارة
تكشفت وحدة وكلما تحاول تنزل عباتها ماتروم تتشلح والناس يضحكون عليها
خوادث السيارات ياما حريم تكشفن اللهم عافانا
وشي سمعته بنفسي من المصدر على طول
وحدة جزائرية ماشاء الله عليها متزوجة من فرنسي مسلم يديد ماشاء الله عليها عباية راس نقاب
قفازات … وزجها رجل ملتحي كندورة غترة وعقال تقول مواطنين
يايين العين يتمشون رايحين مبزرة
وهم اصلا طالعين من فرنسا مهاجرين من بلاد الكفر الى بلاد الاسلام
قريب مستشفى توام صار لهم حادث تعور الريال والحرمة حست بألم برقبتها
فشالوهم بالاسعاف حق المستشفى
بعدين انا قعدت مع الحرمة تكلمني وكلها حرقة
تقول انها لمن اعتقد في التنقل انكشفت شوية ريلها فتقول كرهت حياتي ولمت نفسي
وتقول عاهدت نفسي اني البس سروال على طول لان الانسان مايضمن عمره
وهو برع بيته مايدري شو يصير فيه بلحظة والحمدلله ان الامور وصلت لهذا الحد وان ماصار شي ثاني
خلاني اتكشف اكثر
الله يستر عليها وعلى كل البنات
اختي قلت كلامي هذا وكتبته
لغيرتي عليج وعلى شبابنا
احب انج تكونين في احلى صورة مستورة … ويتكلمون عليج الناس بالزين ويقولون بنت فلان ماشاء الله عليها
محشومة ومستورة في بيتج او برع
وما يتجرأ اي شخص يرفع راسه صوبج
اختي تذكري ان الجنة مش رخيصة ومو كل حد يدخلها (( اللهم اجعلنا من اصحابها ))
دخول الجنة بجهاد ومحاربة هوى النفس والابتعاد عن ملذات الدنيا
وتذكري ان النار اكثر اهلها النساء (( الله يجيرنا واياكم منها ))
في قلبي كلام كثير بس مابغيت اطول اكثر
اللهم اكفينا بحلالك عن حرامك
واستر علينا وعلى بنات الاسلام
وزينا بزينهة العفة والستر والايمان
وفقكن الله الى مايحبه ويرضاه
والسموحة
وإن شاء الله الكل ينتبه لكلامج وتحطيه نصب عينيها
وإن شاء الله يوفق الجميع لما يحبه ويرضاه
واسأل الله أن يجمعنا جميعا في جناته جنات النعيم
وتسلم يمناك يا بنوته
وإن شاء الله يكون في ميزان حسناتج …
واشكر مروووركم …..
ويسلم غاليكم ومغليكم …
واستمرااااركم معايه …..
الله يهديهن ويكونن من مثلج
لج حاسية خوف ع اخوانج واهلج و بنات ابلادج
ينطيج العافية
الله يهديهم
وربي لاهانج وعلى فعل الطيب عانج
والله يسترنا بستره
تحياتي ابوسيف
واشكر مروووركم …..
واستمرااااركم معايه …..
ما اقول غير الله يهدي بناتنا ويعقلهن ….
الله يستر على الجميع انشالله …..
واستر علينا وعلى بنات الاسلام
وزينا بزينهة العفة والستر والايمان
وفقكن الله الى مايحبه ويرضاه
والله لو رمسنا من اليوم لين باجر محد بيسمع
بس الغلط من أهل البيت نفسهم
الأب والأخ والأم
الحمدلله ساترة نفسي صح اني ما اتغشى بس ولله الحمد لبسي محتشم
السوق له لبس خاص وعباة خاصة لأني ما اعطرها خير شر لان اذا ريال شم العطر بعتبر انا زانية
يعني كل شي له لبسه محدده كل شي
واذا حد من بيتنا شاف علي غلط بيرمسون ما بيسكتون
اذا اخوي اللي اصغر عني كل ما بياخذني مكان قالي اتغشي
يعني الحمدلله في ناس فيهم خير للحين ويخافون على عرضهم
وفي ناس الخير عندهم ميت
يزاج الله خير على موضوعج
وجعله في ميزان حسناتج
سلامي لج
واستر علينا وعلى بنات الاسلام …
ثانكس على مرووورج اختي …
واستمراااارج معايه ….