السلام عليكم ورحمة الله وبركاته
كيفكم ؟؟
اخواتي انا وزوجي وابني يمكن نزوركم الاسبوع الجاي وتدرون اول مره ؟ ولا اعرف عنها اي شي تكفون ساعدوني الله الله بالفنادق الحلوه والأسعار المعقوله والمنتزهات والمولات والمطاعم بدون اختلاط طبعا يالله همتكم 
وعليكم السلام ورحمه الله وبركاته ,,, يسعد مساج اختي بكل خير وسرور ’’ هلافيج اختي نورتي ممكن اساعدج بشويه معلومات اللي اعرفها ’’لان انا مب من دبي طبعااا دبي مدينه سياحيه رائعه فيها اماكن سياحيه روعه بالنسبه للفنادق اغلبيه الاسعار معقوله فنادق ابرااج الامارات ها من ارقى الفنادق تقريبا ب 700 درهم فاليوم فشارع الشيخ زايد ,,وفندق حيات رجنسي في ديره ,,,وفندق ماركو بولو فشارع الشيخ زايد ,, وفيه فندق اعرفه ومنتجع باب الشمس طريج دبي صوب العين ومنتزه جي بي أر فيه محلات للتسوق وفيه كل شي ,, ومنتزه شاطئ الجميرا فالجميرا ,,, والمولات فيه دبي مول ,, الامارات مول ,,وسيتي سنتر مردف ,,,وابتاون سنتر ,,, وكارفور ,,وبن سوقات سنتر ’’سنشري مول بعد وايد حلو ,, وبالنسبه للمطاعم مطعم قيصر ومطعم قصر الهند ومطعم فرحات كلهن متواجده فالقصيص ’’’’’’’وكافتريا بر وبحر بعد اوكي ’’ انا زرت هالاماكن وماعليها كلام ابد وايد روعه ’’’ ان شاءالله افدتك بمعلوماتي ’’’والسموحه ’’’ وزياره ممتعه ان شاءالله ,, وربي لج حااافظ ,, |
بصراحه 700 درهم سعر غالي شوي طيب اذا قعدنا اسبوع بيصير ضربه شوي !!!!
في مهرجانات وايد وتنزيلات بعد
لي عوده . . ومرحبابج
بسألك وبرد لك خبر إن شاء الله
^_^
|
هلا فيج اختي طبعا على حسب الفنادق فيه اربع نجوم وفيه خمس
نجوم انا اللي اعرفه فنادق ابراج الامارات وايد روعه صراحه وخدماتهم والفندق وايد راقي ,,, بس اذا بغيتي فنادق الثانيه فيه بـــــــــــــ 400 درهم ,,,ها اقل سعر للفنادق وفيه بــــــــ 500 درهم على حسب ’’’ على حسب اختي شي اكيد فيه الارخص وفيه الغالي انتو على حسب ميزانيتكم مب كل الفنادق غاليه ’’ بس المطاعم صراحه اسعارهم معقوله مب غاليه وايد ,,, واكلهم مضبوط ,,وشي فيهن قسم خاص للعائلات وبالتوفيج ان شاءالله ,,, |