:+رمستنــــــا الاوليــــــه غاويــــــه+: 2024.

السلام عليكم ورحمه الله وبركاته

شحاااااااااالكم

لرزيف: رقصه رجاليــّـــه …

الردحــــه : رقصه مشهوره عند الحريـّــم …

البذوار : الطير ( الصغير ) شوي اكبر عن الفرخ …

الشرياص : الطير الصغير قبل لا ايغدي طير لكنه ايرووم ايطير ..

الصرود : السفره من الخوص …

الخوص : سعف النخيل ..

الدعووون : هو جدار البيت المصنووع من الخوص اليابس والمترابط بحبل

البارجيل: مكيف الخمسينات ابراج مرتفعه من اللبن يدخل الهوا البارد لها …

الجازول : اخر الخطام ( اخر الحبل ) …

الشداد : ما يوظع ع الرجاب كي تجلس عليه وتسيطر به ع الرجاب ..

السردال :امير مراكب الغوص ….

الجيون : اللولو ..

التبر :الذهب …

الخرج: جيب من السدو…

الحنّــه :الحنطه ……

اليعده :دوا …

الفلاس : جرار يحطون به ويحفظون به التمر …

الخرس: وعاء مخرووطي قاعدته مستديره والقاعده لاعلى لحفظ الماء بارد ..

الزل : السجاد ….

الغلس : انسان مايعرف الاتيكيت ف الكلام ….

الزربو: جوارب … دلاغ …

الدمـّــاج او الدمـّــاك : هو الخلال اللي يطيح من النخله ويكون لونه اسود وطعمه احليو …

البيالــه : فنجان الشاي … ( استكانه ) ..

الخوّاره : الناقه اللي خارت قواها امررره ..

اليفول : الناقه لي ترتعب من اي شي …

عونك : بمعنى لبيه او ياك العون …

الاملح : الاسود ….

مملوح : وسيم ..

اليفره او الجفره: الحفره ..

نهي : بمعنى ذهب اي سار

هيد: ..توقف او تريث

زويه : تطلق على الحَمّام قديما

طنب : القطعة التي تصل ما بين زوايا الخيمه

العرقوب : المرتفع من الأرض

غدف : خلف او بعد الشيء

السولعي : ذات الرقبه الطويله

الحر: نوع من انواع الصقور

الدقل : عمود الساريه للسفينه

الحِبْ :نوع من انواع الجرار الفخاريه يكون كبيرا نوعا ما يوضع فيه الماء قديما ليبقى باردا

السقا والثبر :… اي المد والجزر

يونيه : تطلق على الخيشة

الظو : يطلق على النار

المنز : تطلق على مهد الطفل

البيدار : تطلق على اللي يشرف على المزرعه

يواقع : معناتها اللي يعصب او يصارخ على غيره

يزقر : معناتها ينادي

طـــــريت : ( ذكــرت أو قلــت ) ..

غبـــــنه : ( غـــــصه ) ..

حشــــى عليه : … ( للانكـــار ) ..

صـــــوحي : ( ســــــري ) …

يبــــوح : ( يفشي)…..

ســـــرى : ( رحــــل ) …..

ضــــوى : ( رجــــع)

قيـــــلت : ( اليلـسه في مكان معين لين فتره الظهر)…

المبيـــت : ( ييلس الشخص في مكان معين لعده ايام)…..

عــزرت : ( اجبرت) ….

يواجع : معناتها اللي يعصب او يصارخ على غيره

غثيتنـــــا : ( أذيتنـــــــا ) ….

الغشيـــــم : ( اللي ما يعرف شي المتهور) ….

انعتنـــــي : ( دلنـــــي ) …

ســـرينــا : ( روحنـــــا ) …

جــــدى : ( صــــوب ) …
هووود : عند الدخووول الى أي مكان …

يا لقعتيه : ( يا مصيبتيه)

يا عثرتيـه : ( يا مصيبتيه)

انقفض : ( استعيل)

خــاري : ( برع )

صدعه : (حشره أو ازعاج)

السيح : المكان الواااسع المترامي الاطراف

هذربان : كلاام ورمسة مستمرة

هــــــــزرك : ( ظنـــــــك )

طبـــــــزني : ( ضــــربني )

ها شو غاويه ولا

اتريا ردودكم اختـــــــــــــ بنت البدو ــــــــكم

يا ويل حالي على رمستنا الاوليه

الحمدلله للحينه محافظين على رمستنا

ودومنا نرمسهاا

لا هنتي عزيزتي بنت البدو

على احيائك للتراث

دمتي بود

اخوج سوااااااف

الله يعطيج العافيه اختي

لا عدمناج

الصغيرونه

اللي ما لا ماضي ماله حاضر ولامستقبل

مشكورين

مشكوووووووووووره بنت البدو على الموضوع
العفو اخواني

ومكشوين على المرور

اختي بنت البدو في البدايه اشكرج جزيل الشكر على هالاطروحه الجميله
وبغيت انبه لبعض الاشياء

الزربو: جوارب … دلاغ …
اختي بنت البدو اعتقد يعني اذا نفس رمستنا بيكون زربول يمكن استوى خطا مطبعي عندج
وبنسبه للردحــــه : رقصه مشهوره عند الحريـّــم هذي المعلومه غلط لانه الي اعرفه انه الردحه هي نوع من انواع القاء القصيد مثل الشله وهي عند الريايييل مثل يوم يقول ميحد في اغنيه مالك رجا تقريبا كان تغنيها باسلوب الردحه
واسمحيلي لكن هذي المعلومات حبيت اعدلها بعد اذنج ^_^

مسموحه يالغاليه

بس على حسن معلوماتي حطيت انا هالاشياء

بتاكد من يدوه وبرد اعدل اذا يباله تعديل

تسلمين على المرور

يسلم راسج و يدووووه الي تعطيج المعلومات
ربي يعافيج على هالرمسه الغاويه

صدق هي اوليه بس بعدنا ما نسيناها
والسموحة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.