سوالف شيــــــــــــاب 2024.

خرااااااااااااااااااااااااااااااااااابيط مرااااااااااااااااابيط مال اول

ايام أول… أيام أ نتشرت فيها الخرافة بشكل كبير..وهذا اللي محلنها

/

– بوبشير، وهو حشرة ضعيفة وطويله ولها يناحات طوال، كانوا يعتقدون إذا شافوه إنه يبشر عن ضيف قادم أو عمل ناجح او المطر راح ينزل .

/

– بو النقيع هو حشرة من فصيلة الخنافس، كانوا يمسكونها بإيدهم ويتمنون أمنية إذا نقع بتحقق الأمنية وإذا لا ما بتحقق.

/

– الطيطار إذا انضرب وانقطع ذيله لازم ينحط على الذيل شيء لأنه يدعي على أهل البيت. منو خاطره في طيطار مقلي ولا مشوي على الطريقة الافريقيه شو لاعت جبودكم ؟خليجية

/

– هاي حق اهل البحر بس إذا بتاكل السمجة لازم تقطع راسها قبل ما تبتدي فيها.

/

– تعالو يا الشعراء هاي لكم اصحاب المهياوه ما يخصهم : يقولون اللي ياكل لسان الذبيحة يستوي شاعر.

/

– الماي مب زين ينشرب حزة الغروب، لأنه يمرض. خليجية

/

– يوم بتي ترقد لا تحط الماي عند راسك لأنه يخف نظر العين. حطوه تحت المخده خليجية

/

– كانوا يقولون رقاد العصر يقصر العمر.

/

– النعال ( عزكم الله ) مب زين يتم مجلوب، لأنه يدعي على أهل البيت أو تستوي مشاكل وضرابه وتكفيخ .ويقولون حرام اتم الجهة السفلية من النعال مجابلة السما لان فيها الله…(انزين والوسخ المكود ع الارض…ما يجابل السما؟) خليجية

/

– كانوا يدخنون بالشبه لأنه يطرد الحسد.

/

– كانوا يقولون إذا رفت العين اليمين خير، وإذا رفت العين اليسار شر.

/

– إذا كفك اليمين حكك يعني بتعطي حد فلوس، وأذا اليسار بتقبض فلوس(( أظني كل حد بيتمنى يده اليسار تحجه)). خليجية

/

– إذا خشمك (الأنف) حكك يعني بتسلم على شخص ياي من بعيد.

/

– إذا الأذن صاحت يعني حد يطريك يا بالخير أو بالشر.

/

– أذا كان شخص طالع وناديته أو قلتله لا تطلع (( يعني تنعبه – تزقره بلهجتنا )) مب زين، لأنه يمكن يستويله شي.

/

– الحرمه المربيه لازم ما تطلع من البيت ولا ينقال إلها خبر مب زين إلين ما تطلع من الأربعين.

/

– الياهل ( الطفل ) لازم يحطون في منزه ( مهده ) سكين وملح وقرآن، عشان يحفظه الله بالقرآن، والسكين والملح عن الجن. طبعا اليوم يحطون حق عيال النيدو والسيريلاك تلفون متحرك وقنوات فضائيه وبلاي ستيشن .

/

– الياهل يوم يطلع من الأربعين لازم يسبحونه على ريول أبوه أو أي حد ثاني عشان يطلع على اللي مسبحينه عليه.خليجية

الياهل ( الطفل ) لازم يحطون في منزه ( مهده ) سكين وملح وقرآن، عشان يحفظه الله بالقرآن، والسكين والملح عن الجن. طبعا اليوم يحطون حق عيال النيدو والسيريلاك تلفون متحرك وقنوات فضائيه وبلاي ستيشن

فديت شوابنا و خرافاتهم والله..

تسلم أخوي عالموضوع..

هههههههه الله يسلمج اختي دمعة محبه ومشكوره على مرورج الطيب
فديت هالسوالف الغبيه

والله انهم على نياتهم

ومشكوووووووور على الموضوع

يحليلهم الشواب وايد طلعوا رمسات احينه يوم نسمع لهم نيلس بس نضحك أحس انه طريقة تفكيرهم كانت وااايد غير..
الله يعطي شوابنا الصحه والعافية ويطول بعمارهم
العفو اختي راعية مشاكل ومشكوره على مرورج الطيب
العفو اختي راعية مشاكل ومشكوره على مرورج الطيب
كلااااام جميل مشكور أخوي سيف عليه

وفيه بعضه صحيح وبعضه لا

عاده شياب شو بتقولين ههه مشكوره اختي ام سلطان على مرورج الطيب
فديييييييت شوابنا وخرافاتهم والله محد يسواهم سوالف
تسلم اخوي سوااااااااف ع المشاركه الطيبه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.