نعم كما قرأتكم في عنوان الموضوع "فتيات الإمارات في خطر"
حصرت فتيات الإمارات فحسب لأنني معهن وعاشرتهن أما الفتيات المسلمات الأخريات لا أعلم إن كان الخطر قد تسلل إليهن وهددهن!!
"فتيات الإمارات في خطر" 🙁
وليس أيُّ خطر!! إنه خطر دنيوي وأخروي!!
عافاني الله وإياكن منها….إليكم هذا الحوار
((في المدينة المنوره .. في الحرم .. قبيل الصلاة))
امرأة أردنية: من أي دولة أنتِ؟؟
أختكم –أنا- : من الإمارات.
هي:كيف هو جوكم في الإمارات؟؟
أختكم: إممممم أحرّ عن السعوديه بقليل.
(تجاذبنا أطراف الحديث .. بعدها بقليل)
هي: أختي بالأمس جلستُ بجوار فتيات من الإمارات و لاحظت أنهن يرفعنشعرهن لأعلى رؤسهن مثلك .. ألا تعلمين أنه محرم؟؟
أختكم(خجلت .. تحاول التبرير): إمممممم بل أعلم … ولكنني خرجت على عجالة فرفعت شعري دونما اهتمام ولم أنتبه أنني رفعته هكذا (تحاول بيدها إنزال شعرها).
هي: إنها عادة تنتشر في فتيات الإمارات بشكل جنوني!!!أختكم: نعم .. لا أنكر .. هذا ما ألاحظه للأسف.
أعتقد أخوتي أن الخطر الذي يهدد فتياتنا قد فقهتموه من خلال الحوار نشهد في الآونة الأخيرة أن أغلب الفتيات الإماراتيات .. يرفعن شعرهن لأعلى رؤوسهن غافلات حديث رسولنا – صلى الله عليه وسلم – الذي يقول فيه"سيكون في آخر أمتي نساء كاسيات عاريات على رؤوسهن كأسنمة البخت العنوهن فإنهن ملعونات "
زاد في حديث آخر : "لا يدخلن الجنة ولا يجدن ريحها وإن ريحها لتوجد من مسيرة كذا وكذا "
رواه مسلم من رواية أبي هريرة:eek:
منقـــــــــــــــــــــــول
واحينه غير هاا الشيل الملونه ..
ماتكفي شيله سوده بالديزان إللي فيه حفله جنه
واحينه ملونه! طقم وياا هالشبااصه إللي تسوي حفيت وراا راسهم!
الله المستعان ختي
اشكرج عالمشاركه
ونرقب يديدج المميز:)
الله يعين ويبعد الكل عن الحرام يارب ..وكلامها صدق بس لاتجمع الكل وتقول الاماراتيات لازم مانجمع بين حد
لو جمعنا الكل بيضيع فكل واحد وهذي فئة بس لغير
والله المستعان
لاهنتي اختي ع الموضوع
والل كل شي صاير جنون.. من سوت وحده شي قامت
البنات وقلدوها وبعدين يقولكم هذي الموضه ..
مب مشكله الوحده تتبع الموضه بعد كل شي له حدود
والواحده لازم تفرق بين الحلال والحرام ..
بنت العوضي
لا هنتي اختي
ودمتي بود
|
والله حااااااله……..
باقي بس يطبعووووون صورهم على العبايات والشيل…
لاحول ولا قوة الا بالله………….آآآآآه على بنااات هالزمن.. 😡 😡
شكرااااا اختي بنت العوضي ع المشاركة الطيبة..يزاك الله الف خييير…
نربق يديدج المميز 🙂
الله يعطيكي العافية اختي
ظاهره منتشره بين البنات
ولا يفكرون يسألون اذا حرام أو لا
بس الغالب يعرفون هالشي لأنه الحديث اللي يذكر هالصنف مر علينا بالمدرسه بالكليه او بكتيب
الوحده تكون قصيره او طولها 160 تزيد طولها بالجعب وبالجبل اللي تسويه فوق راسها وتصير 170 و180 …على قولت الريم جبل حفيت
الله يهديهم
يزاج الله خير ع الموضوع الطيب
وان شاء الله البنات يستفيدون منه ويتذكرون الحديث
بانتظار يديدج
