حبيبي … قسوتك أكبر من احتمالي
تقول تحبني … وتخفي حبنا عن كل البشر
تقول تشتاق لي … وماعمرك ذكرت أو قلتلي وحشتيني
تقول إني أغلى ناسك … وفي مجلسك أصحابك وعلى هاتفك أهلك وناسك
وين مكاني … وسطهم
وين مكاني … بقلبك
وين مكاني … في حياتك
بجد لي مكان أصلا
ولا كل هذا خيال
يـــــاقــاسي …. يــــــاناسي
كيف قدرت تقسى على قلبي
ولانسيت إنك تعيش داخلة
كيف نسيت حبي لك
ولا مشاغلك أكبر من حبنا
يــــاقسوتك … حبيبي
حبي لك مثل الربيع … يعطر حياتك يملاها فرح وألوان
وقسوتك علي مثل الخريف … تنشف عروقي … وتملا حياتي بالوحدة والحرمان
فصول حياتنا مختلفة حيل
وقسوتك هدتني … وماخلت فيني حيل
قبل رحيلي عندي لك سؤال وحيد
يــاترى بتذكرني … ولا بتقول هم وراح
ولو جاك خبر موتي … بتحزن … ولا ايش بيكون شعورك
بيرق قلبك القاسي … ولا … بتظل ناسي
وين مكاني … بقلبك
وين مكاني … في حياتك
بجد لي مكان أصلا
ولا كل هذا خيال
يـــــاقــاسي …. يــــــاناسي
كيف قدرت تقسى على قلبي
ولانسيت إنك تعيش داخلة
كيف نسيت حبي لك
ولا مشاغلك أكبر من حبنا
تسلمين اختي بنت دبي على الخاطرة الحلوة
ولا تحرمينا كل يديد منج
دمتي
لكن مالقيت لهن أجوبه :104hj: