السلاااااااااااام عليكم
الرمسه الشحيه ,, اكيد الاماراتيين يعرفون انه في طريقة جميله يستعملها
معظم اهل امارة راس الخيمه الي يسكنون الجبال الا و هي الرمسه
الشحيه اما بالنسبه لأخوانا اللي في الخليج فيمكن تتغير عليهم اللهجه و طريقة الكلام بعض الشي
الي يشوف كلامي يقول انه كل اهالي الامارات يفهمونها
لكن الواقع انه مش كل اهل الامارات يفهمونها لانه لها رونق خاااااااص جدا
مابالكم انه نصف اهالي راس الخيمه الجديده ما يفهمونها خير شر
بختصااااار هيه لكنه صعبه صحيح لكنها حلوه وووووجاد هههههه
الي يعرف يفيدنا و يحطلنا كم كلمه عشان نعرف المزيد و منكم نستفيد
والي يبي يتعلم حياااااااااااه ويانا
بعلمكم الي اعرفه والي ما اعرفه بيييب لكم مدرس شحي ههههههه الموضوع لغزال خورفكان
يالله نبدأ …….
كون مووو تبون قولون ما نبوكون تعلمونو خوو لاا غصب
( يعني اذا ما تبون قولو ما نباكم تعلمونا مب غصب )
و أي وييحد ييرحب بالموضوع لا بنلفحه
( يعني اي واحد ما يرحب بالموضوع بنضربه ) خخخخخخخخ
بعض المصطلحات
واعمري همودو= وش ذا أو ما هذا
ليي = عليه
همبيش = بلاج
بيش منوم = فيج أرقاد
شيلابي منوم = مافيني أرقاد
مافيني منوم = مافيني ارقاد
كي تصعقين = ليش تضحكين
هما ادورين = شو ادورين أو عن شنو تبحثين
هومان = منو
هو من قليش = منو قالج
شيلابي شي = ما فيني شي
قليتش لا = ما قلت لج
وين مشي = وين رايحه
باللهجة الشحية تأتي الهمزة بدلا من حرف العين كالمثال الاتي :
ألي بدلاً من علي … وإيش بدلاً من عيش أي أرز … وأُمَرْ بدلاً من عُمَر
تنطق الالف مفخمة في بعض الكلمات مثل : أُيدَمْ بدل آدم أبو البشر … قوسم أي قاسم … اسمه محمد بن قاسم, تلفظ حِما بن قوسِمْ.
ويأتي نفس الحرف في الحالات أخرى مائلاً ميلاً شديداً مثل لفظ أهل لبنان لحرف الألف كقولهم: إيسف أي آسف أسفاً, وقولهم:تلوتي أي ثلاثة. وقولهم: هْودا الرييْل أديب وإيلم أي هذا الرجل أديب وعالم
كلمة امس تنطق بهاي الطريقة : استم
كلمة دواء تنطق : دوي
اما عن حرف الباء فينطق بشكل عادي
حرف التاء و الثاء : باللهجة الشحية تنطق الثاء تاء مثل قولهم تليتة اي يوم الثلاثاء وتنع شار أي اثنا عشر …
حرف الجيم : يقلب حرف الجيم الى حرف الياء كما هو شائع في منطقة الخليح لكن الشحوح ما يقول خرج فلان بل يقولون برح فلان
حرف الحاء : يأتي هذا الحرف بدلاً من الحرف الهاء في قولهم حُنَا أي هُنَا وحْنُوكْ أي هُنَاكْ فيقال: إسطأ حنوك أي إذهب إلي هناك
حرف الدال و الذال : يرد حرف الدال بدلاً من الذال في معظم ألفاظهم كقولهم دَهَب بدلا ذَهَبْ. وإذا قالوا تحت ذراعي لفظوها تاحتْ دروئي
حرف الراء : ينطق كما هو مع بعض التفخيم.
حرف السين و الشين : السبت تنطق : السابت و سمن الطعام ننطقه سامن و تلفظ كلمة الشي (شوهي) والشمس شامسْ والشَجَرْ شيار
الضاد و الظاء : ينطقونه كما هو دون تغيير
العين : يقلب هذا الحرف إلى همزة, وكل همزة أصلها عين إذا وقعت مكانها فمن كان أسمه عبدالله بن علي ينطق أبدُ الله بن ألىْ..وهكذا
الغين : يبقى فصيحاً كما هو.
الفاء : يلفظ كما هو .
القاف : ينطق منا هو
الكاف : ينطق كما هو ايضا
حرف اللام والميم والنون : ايضا تبقى على حالها
الهاء : ينطق كما هو و ينقلب إلى حاء بعض الكلمات مثل: هُنَا تصبح (حنا) او(أوحنا) وهناك تصبح (حنوك).
الياء : يأتي مقلوبا عن الجيم .
اهم ما يميز اللهجة الشحية هو اسلوب النفي عندنا ..مثال على ذلك :
اذا ارادوا قول ما طَاعْ علي نقول طُوءْلاءْ أَلي اي ان علي لم يريد …واذا ارادوا قول لا تأكل الحين نقول : توكل لا أوحِينْ
اما اذا أرادوا قول ( اذهب الى النوم ) نقول (إمشي إنأس )
ونهاية سعيدة
مشكور اخوي على الموضوع
وانا بفيدكم من هذا الموقع
موقع الشحوح الرسمي : http://www.alshohooh.ae
والسمووحة ..
تسلم اخوي على هالموضوع وعلى هالمعلوماااات ولاهنت
انا باقول وانت فسرها (( لا من قليش هنين حاضرين بنأطيكم اللي تبغوه ما غصب انا ))
برح : خرج
يحسك : زعل
نأس : نام
سنوره : قطوه
وأب : ارض واسعه تستخدم لزراعه
مشكوريين واذا تبون أكثر نحن حاضرين
خخخخخخخخخخخخخخخخخخخخخخخخخخ
تسلموووووووووولي ع المرووور الحلووووووووووو
وانا بنت هب ولــــــــــــــــــد
( دمعة عذاب )
يعطيج العافيه أختــي " دمعة عذاب "
على هـ الموضووووووووووووووع ,,
ويالله ,, خلووونـا نستفيد خخخخخخخخ
* آخـــــر الأحــــــــزااااااااااااااااااااااااااااان *
إنش ويريه كنت أحسبش اصبي
لأنش لاكيتبه أنثى ولادكر لا وشحيه بأد
يامرحبا الساع بيش ..
ومنكم السموحه … :022e:
مشكوره دمعوووه ..
اشحالش إلا بخير لووول
بس أنا شحية و ما نرمس هالرمسة رمستنا مختلفة تماماً..
ع العموم مشكوورة..
