اليوم بكتب لكم طريقة عمل البيتزا
طبعاً هذي الطريقه اللي انا اتبعها وأسويها
مقادير العجينه:
4 أكواب دقيق رقم 1
فنجان سكر
فنجان حليب بودر
ذرة ملح
بيضه واحده
ملعقه صغيره (ملعقة الطعام) ونصف خميره
ملعقه صغيره (ملعقة الطعام) بيكن بودر
ملعقة صغيره (ملعقة الشاي) فانيلا
4/3 كوب زيت
الطريقه:
نخلط المقادير السابقه مع بعضها البعض وبعد ان تختلط جميع المكونات مع بعضها نضيف الماء >>>(لاحظوا اني ما حددت كمية الماء) عشان تضيفون الماي لغايه ما تتكون عندكم عجينه متماسكه شرات الكوره…
تغطى العجينه بالإناء وتوضع في مكان مظلم وتترك لمده ساعتين تقريباً حتى تتخمر..
في هذه الأثناء بالإمكان تجهيز الصلصه الخاصه بالبيتزا…
مقادير الصلصه:>>(ليس بالضرورة التقيد بكمية المقادير،،أو في نوعها فالبعض لا يحب المشروم وهذه حريه شخصيه)
4 حبات طماطم
4 حبات فلفل بارد
ربع بصله صغيره
1 علبة مشروم مقطع
زيتون أخضر
زيتون أسود
1 علبة كاتشاب
طريقة التحضير:
نقطع المكونات إلى قطع صغيره
ثم نحمر البصل بالزيت ونضيف إليه المشروم ومن ثم الفلفل البارد ويحرك قليلاً لمدة دقيقتين ومن ثم نضيف باقي المكونات ويحرك حتى يذوب الطماطم وأخيراً نضيف الكاتشاب ويحرك قليلاً ثم يترك على نار هادئه لمدة 3 دقائق..>>>(وأكرر بالنسبه للمكونات بالإمكان إضافة أي شي آخر على حسب ذوقكم وبالإمكان تغيير كمية المقادير كذلك)
نرجع للبيتزا>>>بعد ما تكون تخمرت وازداد حجمها>>>طبعاً هذه الكمية تكفي لعمل من 2 إلى 3 قطع بيتزاً كبيرة الحجم
وبالإمكان عمل 1 بيتزا واستغلال المتبقي من العجين لعمل فطائر وتحشى بالجبن أو أي شي آخر على حسب ذوقكم
المهم>>ندهن الصينيه المستخدمه بالزيت ومن ثم نأخذ جزء من العجينه ونفرده بالصينيه بحيث يكون سمكها رقيق>>>بإمكانكم حشو أطراف البيتزا بأي نوع ترغبون به من الجبن حسب الرغبه
ومن ثم نضع الصلصه على البيتزا ونرش عليها جبن موزوريلا
وفي النهايه توضع بالفرن بدرجه حراره هادئه حتى تنضج
وبالهناء والشفاء
طريقة حلووة اختي بنت رااااك..
والله يعطيج العافية
واكيد بطرشين البيت شويه بجرب وبقولج رايي في البيتزا
انتظر الجديد منج
ومثل ما ذكرتي الصلصه نحن نحطي فيه اللي نحبه
والبيتزا اللي نسويه بالبيت أحلى من بيتزا هت وغيره
مشكوره يالغاليه
ويعطيج العافيه ع المجهود
تسلمين اختي عالوصفه
ولا تحرمينا من يديدج
اخوج
جربوها وان شاء الله بتعجبكم
وتسلمون على هالطله
بيتزا ..ما سويتها من سنيييييييين وبنيييييييييين
بس انا ما احط كل شي ويا الصلصه عالنار يعني بس البصل والفطر وصلصه الطماط
والفلفل والطماط بروحهم بنضون يوم في الفرن(كل حد وطريقته)
حتى الكاتشاب احطه عالعجينه يعني مو ويا البصل…
هالايام يمدحون المايونيز اللي يكون حار فلفل مممممممممممم سبايسي
تسلمووون على هالطله وان شاء الله تعجبكم الطريقه
