حبيت اشارك بهالقصيدة كأول مشاركة لي في المنتدى ، واتمنى تحوز على أعجابكم ..
مالك رجـــــــا فيني ياللي منك النفس طابت
ابودعه جرحك اليوم واشفي حرقة أعصابي
وش فايدة حــــبٍ شمس الوفــــا فيـــه غابت
وش فايدة دمعة تتلاعب مابين جفني وأهدابي
زرعت لك في قلبـــــي غلا مثل الزهــــر نابت
وسقيته من مــر غدرك ولاهمك زود أتعــــابي
تفننت برمي السهوم الغادرة واشهد انها صابت
ودبًرت تضحك وأنــــا عانيت اعالج مصــــابي
وعرفت ظنون الناس صادقه وظنوني فيك خابت
ورجعت أبلل دموعي بقطعـــة من ثيــــــــــــابي
وهمست لقلبـــــي بعد ما النفس منك طــــــابت
أنا وش أسمي جروحي لاجت من أقرب أحبابي
وش أقول لشعرة براسي خذاها الفكر ثم شابت
وبالنهاية وكلت أمري للي عالماً بالخفايا والأسبابي
وسلامتكم ،،،
أختكم :
وردة العشـــاق
******************************** ********************************** ****************************************
ونتريااااااااا يريدج
تسلم يمناج
خربوشه مربوشه … الله يسلمج الغاليه ومشكورة على المرور الطيب ..
تغرودهــــــــ … العفو الغالية ولا عدمنا مرورج الطيب .. شكراً لج ،،
ولج مني التحيه بقد المقام
والكتابه بطيب عنوانه .. .. والحروف بطيب مجناها
شفت دانه في وسط دانه .. .. في بحور السبع ممشاها
هي وردة العشاق والروح ولهانه .. .. شفقةٍ في شوف روياها
مرحبا والنفس طربانه .. .. للقصيد وشاعرٍ ياها
والكتابه بطيب عنوانه .. .. والحروف بطيب مجناها
يا وطن كردووس قيفانه .. .. يت على كيفه وغناها
يشتكي مالحب والوانه .. .. والهنوف وكم عاناها
لي نظرها ضاع برهانه .. .. والمحالم حالي انساها
والعيون السود فتانه .. .. والخدود ورد محلاها
مرحبا والنفس طربانه .. .. للقصيد وشاعرٍ ياها
والكتابه بطيب عنوانه .. .. والحروف بطيب مجناها
والهوى يا قبر شيطانه .. .. كم عيونٍ مر و اعماها
صاحبك يا صاحبي عانه .. .. ماقدر يوصف مزاياها
والعجب في دوس حيانه .. .. والهلاك بجمر شفاها
والشعر لي يكسي امتانه .. .. كنه جنحٍ ليل يغشاها
مرحبا والنفس طربانه .. .. للقصيد وشاعرٍ ياها
والكتابه بطيب عنوانه .. .. والحروف بطيب مجناها
ان بغيت العود رويانه .. .. وان بغيت الحسن وياها
وان بغيت العين سكرانه .. .. شوف سوااف من ضحاياها
والشعر لي يكسي امتانه .. .. كنه جنحٍ ليل يغشاها
لان رب البيت سبحانه .. .. ع بنات الحور بداها
مرحبا والنفس طربانه .. .. للقصيد وشاعرٍ ياها
والكتابه بطيب عنوانه .. .. والحروف بطيب مجناها
الشعر والليل خلانه .. .. والنفس جاتك من اقصاها
والختامه اقول سبحانه .. .. ربنا عالحور بداها
شفت دانه في وسط دانه .. .. في بحور السبع ممشاها
هي وردة العشاق الروح ولهانه .. .. شفقةٍ في شوف روياها
**********drawGradient()
نتريا منج كل يديد ..
تحيتي ..
