الشعر للشعار بلسم يداوي
مايعجز انه في حياته يداويه
وان جاد به تلقى عيونه نداوي
كن الحزن ما بين لضلاع يكويه
والضحكه الي في محياي تاوي
أنواع حزن وهم مقدر أخبيه
ماني على فرقاه يا ناس قاوي
يغير متعبني بصده وشقاويه
سود الهدايب تعبتها الرجاوي
ضاع الرجا من زود ما كنت ارجيه
يدري ولا همه وفكره خلاوي
مرتاح باله والكدر ما يحاتيه
عايش حياته في نعيم ورخاوي
ما يفتكر فلي يحبه ويغليه
امحق محبه يا زمان الشقاوي
واصدق كلام الشعر يشرح معانيه
الي نبي خيب جميع الهقاوي
والي يبانا عيت النفس تبغيه
ناصر الدهماني
صح لساااانككك .. حبيت الكلمات وااايد
لاهنت الدهماااني ع القصيده الجميله ^ــ^
|
لاهان راسج يا شوومي كلج ذوووق
ومشكوره عالكلام الجميل …
مرتاح باله والكدر ما يحاتيه
كلماااات معبره تسسلم يمناك خيووو على القصيدة ^^
|
الله يسلمج يالطيوبه مشكوره عالتشجيع المستمر وكلج ذوووق أختي
يعطيك العآفيه ، قصيده آكثر من رآئعهه ي شآعرنآ :$ ~
نتريآ يديدك ي الغلآ ~!
|
صح الله بدنك أخوي RocknRolla وعساك عالقوة …
تشرفت بمرورك الجميل والله يعافيك منور القصيده.
|
الله يعافيج اختي ( مثلي قليل )…
شكرا لمرورج الطيب وحياج الله
