البارحه يونا خطاار من الرمس .. وكانت من بين الحريم عيوز بس عسل ..
وكنت يالسه وياهم اسمع رمستهم .. واحاول افك الطلاسم .. وماكنت اعرف انهم من الرمس .. وكنت يالسه جريب من العيوز .. فسألتها انتوا من اي منطقه ( فضوووليه ) جاوبتني بشعر او بالاحرى انشوده وااايد عيبتني .. قلتلها عيدي بكتبها عنج .. والانشوده تقول ..
ماشي بركب بيزات الكويت …. ياللي عليها دوم تعباان
من السميت آلاف شليت …. ومن بعد أجياس صخام
لو ما الخيل من جان رديت …. والناس بيقولون عيزان
الكويت تبغي لها عفاريت …. ماتبغي الها مبوسر ونخران
ان ياك عيدن ماتهنيت …. مابتشوف حد يسجيك فنيان
غير الرمس مخصوصه بلاد…. مخصوصه هي من ساحل عمان
اتمنى تعيبكم…
والسموحه…
مشكوره على المشاركه الفله
ولاهنتي بنتظار يديدج
مابتشوف حد يسجيك فنيان
غير الرمس مخصوصه بلاد…. مخصوصه هي من ساحل عمان
مافيهو حيله ويستاهلون
تحياتي
ابوسيف
تحيااتي لج
والأنشووده واايد روعه ..
ماثورااات زمان ولا ارووع
يقولوون حكم ..
يسلمو عاشقه جلفار ع الفضوول اللي خلاج تكتبين القصيده
ونشالله انشوف المزيد منج
واذكر من كلمات الشواب
لي سايريين لكويت قصاد ^^ يليّ من معيريض عليت
يا زين يا مبرود لشهاد ^^ يلي بخلك ما تبهيت
وهيه طويله بس ناسنها
والسموحه
ومشكورة على القصيده
وأنا الصراحة من عشاق رمسة هل الرمس
والسموحة
وخيتج: بنوتة الشحوح
