أطاع منو يرمس انتوا مال رأس الخيمه !!
روح الله يعطيك مال رأس الخيمه ما عندك سالفه !!
شو ها مال رأس الخيمه وراز ويه !!
مثل هالجمل في مثل هي الايام وايد نسمعها ,,, أكيد الكثير يسمعها ومنهم يلي يرددها ويقولها بكثره
بس ليش ؟؟
ليش الواحد يعاير الثاني ؟
يعني هل هو في فرق بس يلي ساكن في هالاماره ويلي ساكن هناك ؟؟
انا كتبت رأس الخيمه لاني ساكن فيهاا ,,, وما بغيت اكتب مكان ثاني عسب محد يزعل ,,,
وياما سمعت كلام من عند الناس يعايرون ويطرون الاشياء المب زينه عدنا ,,,
وفي رايهم كل شي في المكان يلي هم مب ساكنين فيه مب زين ,,,
في رايكم شو سبب هالمعاير بين الناس ؟
وهالانسان يلي يعاير شو نقول عنه ؟
**********drawGradient()
سلامى لك
مـــيـــدو
وهالانسان يلي يعاير شو نقول عنه ؟
( ولله ماعنده سالفه )
تسلم على الموضوع يعطيك العافيه ..
والسموحه
.
تسلم اخوي همس على الموضوع
انه الانسان الي يكلمه اصغر منه او انه هو اعلى منه وطبعاا ربناا خلقناا كلناا من طين
وما اعتقد في حد احسن من حد والمكان ما يعيب الشخص …….
وسلااامي لك يا همس….
بومــــــــــــــايد……
السلام عليكم ورحمة الله وبركاته
يعطيك العافيه اخوي همس العيوون على الموضوع …
بالنسبه الى سؤالك المطروح أعلاه ..
فانا عندي رأي .. او قد تكون وجهة نظــر … وقد تكون صائبــه أو بها شيء من الخطئ أو جميع ما ساذكره خاطئ ,,, وليس للحقيقة … دخل بهــا ..
* بالنسبــة للكلمات ( المعايـر )) الي من بين الشباب ان كل واحد يقول للثاني .. روح مال فجيـره
أو روح مال راس الخيمـه .. هذي كلمات مشهوره عندنا نحن في بوظبي حتى ..
لنظرب مثل وهو ليس على سبيـل الحصــر .. انا ساكن في البطيــن .. وارتكبت خطئ ما ..
وكان واحد من ربعي من شباب منطقة المشرف ,, يقولي .. طاعو مال البطين شو يسون … أو طريقة كلامهم ..
ومحد بيقولك هذا الكلام الا اذا واحد تعــرفه أو ناوين تظاربون .. يعني شباب الرمس .. ويا شباب المعمورة يبون يتظاربون .. وانا يت اهدي السالفه .. ويا واحد من الطرفين وقالي .. طاع شباب بوظبي رازين ويوهم .. صحيح اني يمكن اتنرفز واعفد عليه والي يبا يستوي يستوي .. بس لازم أهدي اللعب وامسك اعصابي …
على العموم اخوي .. همــس العيـون
اذا واحـد قالك مال رأس الخيـمة أو غيره .. تعــرف شو تقــوله …
قوله صحيح اني من رأس الخيــمة ,,, وانا كلي فخــر اني من رأس الخيــمه ,,
تعرف ليــش
لأنــك ولـــد زايــــــــد … .. واذا رأس الخيمه أو الفجيره حتى لو كنت من ام القيوين ..
لازم تفخر انك من هاي الاماره لانها … إمارة من الامارات السبـع …
ومن دونها … بتكون الامارات .. ناقصه … ونجمـة نقصـه من السمــا …
والسموحــه منكــم يميع على الاطــالة … ..
دمتم سالميــن
دنجر ماوس
الفيلسوف دنجر قال كل شي ……
هالظاهر منتشره بين الشباب خاصه اذا يبون يتضاربون وأكيد هالانسان اللي يقول هالشي ماعنده شخصيه أو تفكيره العقلي محدود
والانسان مب بالمكان والاماره اللي ساكن فيه الانسان بشخصيته وتعامله مع الناس هذا يخلي الناس تحترمك وتقدرك مب اذا انت كنت من هالاماره أو الفريج يعني انت محد يعلا عليك وها نوع من التفرقه العنصريه اللي منعها الدين
مشكور على الموضوع اخويه همس…
نحن هاي مشكلتنا بدينا بالكلام ومعايرة اخوانه العرب لين ما شبعنا وبدينا باخوانه في الخليج وشبعنا وقمنا نعاير بعض الحينه…
وبالاخر بنقوم نظارب وتستوي حروب أهليه شرات قبل…
اشكرك وتقبل تحيتي
بن ماكس
| مشكورين الصراحة على مروركم وارئكم لموضوعي
تحياااتي لكم جميعا |
(( ولا تمش في الارض مرحا انك لن تخرق الارض ولن تبلغ الجبال طولا ))
اخواني كلنا اولاد ادم و اضن ماشي فرق بين كل مسلم الا بالتقوى
والسموحه منكم
الصامت
